Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Aqmıltıq 2928 1 pikir 22 Mausım, 2017 sağat 15:28

Ministrdiñ esebi: aqparat salasında qanday özgerister bolıp jatır?

Keşe QR Aqparat jäne kommunikaciyalar ministri Däuren Abaev öziniñ jasap jatqan isterin qortındılap, qoğamdıq esep berdi. Sol esep beru barısında ne aytıldı?. Jalpı, elimizdegi aqparat salasınıñ bügingi damu qarqını qanday? Ministrliktiñ jasap jatqan şarualarınıñ nätijeleri, elimizde iske asırılğan reformalar, äleumettik-ekonomikalıq damu, Ministrliktiñ Strategiyalıq josparınıñ negizgi körsetkişteri qay deñgeyde? Bwl saualdarğa ministrdiñ el aldındağı esebine şola otırıp jauap taba alatın siyaqtımız.  

«Egemen Qazaqstan» men «Kaz Pravda» türlenip keledi

Ministr Abaev esep beru kezinde qazaq eliniñ bas gazeti sanalatın «Egemen Qazaqstan» men «Kaz Pravda» gazetteriniñ formatı türlenip, türli-tüske köşirilgenin» ayttı. Bizdiñ oyımızşa, bwl gazetter sırtqı pişini ğana türli-tüske köşken joq, soñğı uaqıttarda atalğan gazetterdiñ köteretin mäselesi, sayasi, tarihi twrğıdağı bet-beynesi, aqparattardı beru täsilderi de basqa qalıpqa tüsti. Mäselen "Egemen Qazaqstan" gazeti qazir resmilik şekpenin şeşip, jalpı bwqaralıq sipattağı baspasözge aynalıp ülgerdi" dedi ol.

Memlekettik telearnalar jañğırtılıp jatır

Sonday-aq, ministr memlekettik telearnalardı jañğırtu şaraları jüzege asırılıp jatqanın ayttı.

"Büginde otandıq telearna kontenti şeteldik standarttarğa say damıp jatır"- dedi ol.

Ras. Qazir otandıq telearnalar jañğırudıñ jaña bir kezeñine ötti. "Qazaqstan" wlttıq arnasınan bastap, birqatar arnalarda basşılıq auısıp, tıñ serpinmen jwmıs jasay bastağanın qalıñ köpşilik bilip otır. Mäselen, «Habar 24» arnası mañızdı aqparattardı jetkizumen aynalıssa, «Qazaqstan» arnası negizinen taldau, saraptama jasau formatındağı telearnağa aynalıp keledi. Osı mäselege erekşe toqtalğan ministr  naurız ayında otandıq serialdardı körsetetin «Elarna» jaña arnası aşılğanın tilge tiek etti. Bolaşaqta «HD formatındağı televiziyanı damıtu jwmıstarı jürgizilmek. Şalğay audandardağı cifrlıq televiziya mäseleleri de qolğa alınbaq. Büginde Respublika eldi-mekenderi 77%-ğa cifrlıq televiziyamen qamtıldı. Otandıq sputniktik televiziyağa basımdıq berilip otır.

 

1900 auıl ğalamtormen qamtamassız etilmek

2020 jılğa deyin wyalı baylanıs pen internetke qol jetimdilik mäselelerin tüpkilikti şeşu kerektigin aytqan ministr 1900 auıldıq meken jıldamdığı joğarı internetpen qamtamasız etiletinin süyinşiledi.

Sensaciyalıq jañalıqtarğa abay bolu kerek

Ministr Däuren Abaev BAQ-tağı ülken problema - sensaciyalıq jañalıqtardıñ portaldar men elektrondı resurstarda köptep körinis tabuı ekendigin ayttı. Elektrondı BAQ öz reytingisin joğarı wstau üşin qayğılı jağdayğa wşırağan, zardap şekken, zorlıqqa duşar bolğan adamdar, balalar turalı jeke aqparattardı jariyalaytının, sondıqtan da key kezderi moral'dik qwndılıqtar wmıtılatının, internettegi keybir aqparattı swrıptau men irikteu mäselelerinde olqılıq jiberetinimizdi ayttı.  Balalardı bwrıs jañalıqtardan, psihologiyasına äser etetin aqparattardan, ziyandı sayttar men resurstardan qorğau jüzege asırıluı tiis dedi ministr.

Baspana mäselesi qarastırıladı

Jurnalisterdiñ swrağına jauap bergen kezde Däuren Abaev jurnalisterdiñ köpşiligi jeke menşik wyımdarda qızmet etetinin, osı orayda olar öz-özderin qamtamasız ete alatınday därejede ekendigin ayttı. Dese de, aldağı uaqıtta tilşilerge baspana mäselesi qarastıralatının jetkizdi.

Şäriphan Qaysar

Abai.kz

1 pikir