Asa qamqor, erekshe meyrimdi Allanyng atymen bastaymyn!

Alla kimdi tura jolgha saludy qalasa, onyng kónilin Islam ýshin kenitedi.

Qúran Kәrim 6:125.

Asa qamqor, erekshe meyrimdi Allanyng atymen bastaymyn!

Alla kimdi tura jolgha saludy qalasa, onyng kónilin Islam ýshin kenitedi.

Qúran Kәrim 6:125.

Allagha sansyz madaq! Osy ayatta aitylghanday Alla Taghala halqymyzdy tura jolgha saludy qalap, onyng jýregin Islam ýshin asha bastady. Sonyng nәtiyjesinde jyldan -jylgha qúlshylyq etushilerding qatary ósip, jer-jerlerde jana meshitter ashylyp, dinimiz keninen qanat jayyp keledi. Biraq, osy jetistikterimizben qatar oghan kólenke týsirip, kónilde bir mazasyzdyq tudyrghan qauipti bir ýrdis te boy kótere bastady. Búl namazhandar arasyndaghy bólinushilik. Alla Taghala ózara bólinip , ýzdiksiz ydyrau ýstindegi Kitap iyelerin mysal ete otyryp ayattar arqyly bólinbeudi núsqau etse de, sebep tauyp top qúrap alushylyqtyng zardabyn músylmandar da tartumen keledi. Mine, osynday jikshilderding bizding ónirimizge tәn emes qatqyl týrleri de elimizdegi diny bostandyqty paydalanyp aramyzgha dendep ene bastady. Halqymyzdyng jana ataulyny jatyrqamay talghausyz qabylday beretin ashyqtyghy men anghaldyghy osy bir qauipti ýrdiske keninen jol ashyp berude. Jәne, tәuelsizdik alghan alghashqy jyldardaghy din mәselesining kóptegen qiyndyqtardyng tasasynda qalyp qongy, әri jetpis jyl dinsizdikting tәrbiyesinen ótken halqymyzdyng diny sauatsyzdyghy da osynday din taratushylar ýshin óte qolayly jaghday tudyrghanyn da aita ketken jón. Osyday  úrymtal sәtti tiyimdi paydalana bilgen onday diny toptar óz әreketterin emin-erkin, әri belsendi týrde óristetip, olardyng eng ótimdileri býgingi kýni tamyrlaryn terenge jayyp, ornyghyp ta ýlgerdi. Eng qiyny, olardyng yqpaldaryna týsip, olardyng nasihattaryn sanalaryna sinirip alghan óz qandastarymyz olardyng iritki isterin óz qoldaryna qabyldap alyp, búl isti ózderining bar qabilet- qajyrlaryn júmsay otyryp, jana qarqynmen jýrgize bastady. Olar tipti, ózderining qúlshynystary men qarymdylyqtary jaghynan óz ústazdarynan da asyp týsip, olardyng isterining nәtiyjesi kýn sanap odan әri eselene týsude. Eger osynday jamaghatty da,  halqyn da jikteuge qúlshynyp, iritki isterge belsene kirisip jýrgen  qandastarymyz keng auqymda oilap, mәselege terenirek boylap kórse, onda olar ózderining qanday qauipti oiyn oinap jýrgenderin týsingen bolar edi.

Qazirgi kezende dinning mәseleleri tek qana dinning mәseleleri boludan qalghany ras. Óitkeni, oghan sayasat, sayasat bolghanda da ýlken sayasat aralasyp ketti. Sol sebepti de qazirgi kezende tuyndap jatqan dinning mәselelerin sheshu ýshin tek qana diny sauatty bolu mýlde jetkiliksiz. Ol ýshin әrbir músylmangha sayasy sauaty bolu da auaday qajet. Búl olargha dindi sayasy mýddeleri ýshin paydalanugha tyrysatyn keybir sayasatkerlerding las oiyndarynyng qúrbany bolyp ketuden saqtanulary ýshin qajet. Sonymen qatar әrbir músylman tar auqymdaghy toptyq mýdde túrghysynan ghana emes, jalpy Islamdyq túrghydan, jәne memlekettik túrghydan da oilap ýireuge tiyisti. Búl olardy kóptegen qatelikterden saqtandyratyny sózsiz.

Dýnie jýzinde qansha el bolsa, olardyng bәri de óz shama - sharyqtarynsha jaghdaylaryn jaqsartyp, ózgelerdi ózimen sanastyra alatyn irgeli memleket boludyng qamyn jasaydy. Osy baghytta olar bir - birimen bәsekege týse otyryp, óz eselerin jibermeu ýshin bir - birimen ashyq ta astyrtyn kýres jýrgizumen de bolady. Osy jolda olar óz mýddeleri ýilesetin odaqtastar izdey otyryp, ontayy kelse keybir әlsiz elderdi ózderine tәueldi etip alugha da tyrysady.

Osynday qatang mýddeler qaqtyghysy jýrip jatqan jaghdayda túraqsyzdyq qauipi bar memleket ýshin jergilikti últ ókilderining әr - týrli din ústanyp , bir din ishinde de týrli toptargha jiktelgeni mýlde tiyimsiz. Múnday memlekettegi jergilikti últ azamattarynyng bir din, bir mazhabqa birikkeni onyng ishki túraqtylyghynyng basty bir kepili bolyp tabylady.

Árbir din men onyng tarmaqtarynyng tarihy tamyr jayghan memleketteri bar ekeni belgili. Jәne, ol memleketter ózge memlekettermen jaqyndasudyn, nemese olargha yqpal jýrgizuding bar mýmkin tetikterin paydalanugha tyrysyp baghady. Osynday manyzdy  tetikterding biri ózge elderdegi óz dindesteri ekeni dausyz.

Eger el ishindegi ózge últ ókilderi ózge dinderdi ústanyp jýrse, búl eshqanday da týsinbestik tudyrmaytyn qalypty  jay. Múnday  jaghdayda týrli din ókilderi bir - birine qúrmetpen qarap, ózara tatulyqty saqtaugha tyrysady. Sondyqtan da múnday qarym - qatynas memleketterding de bir - birimen jaqyndasularyna ondy yqpal etedi. Al, eger jergilikti últ ókilderi ózge dinderge kóptep óte bastasa, onda búghan últ tarapynan da, memleket tarapynan da týsinistikting tabyluy qiyn. Óitkeni, múnday jaghdayda últtyq mýdde, últtyq qauipsizdik jóninde alandaugha tura keledi. Sebebi, dinning tabighaty sonday, senimi kýshti dindar adam ózining tuystary men últyna, eline kóp alang bolmay, ruhany birliktegi ózining dindes bauyrlaryn jaqyn tútyp, solargha jәrdem etuge beyim bolady. Jәne, qajet bolghan kezde solardan qoldau kýtip, kómek súraugha da dayyn túrady. Búghan dәlel bolatyn mysaldy alystan izdemey -aq basqa dinder men diny toptargha ótip jatqan óz qandastarymyzdan da kórip jýrmiz.

Múnday qandastarymyz shetelderde ornalasqan diny ortalyqtarynyng núsqaulary boyynsha óz әreketterin josparlap, sol ortalyqtardan qarjylay kómek alyp, nasihattyq baghyttaghy qúraldarmen de qamtamassyz etilude. Jәne olar óz әreketterine shekteu qoydyrmau ýshin sheteldik úiymdargha deyin jaghalay aryzdanyp, solargha arqa sýiep óz elining ýkimetine qyr kórsetude. Eger últ azamattary osylay top - topqa bólinip alyp, әrqaysysy sheteldik óz basshylaryna boy úsynyp, ózge memleketterding mýddelerine qyzmet etip jýrse, jәne solardyng qoldaularyna arqa sýiep óz elining basshylaryna talap qoyyp, qysym jasaytyn bolsa, múnday jaghdayda últtyq qauipsizdik jóninde qanday sóz boluy mýmkin?

El mýddesin, últtyq mýddeni ayaq asty etip jýrgen osynday jandardyng basqalar emes óz últymyzdan shyqqan, ózimizding qandas bauyrlarymyz ekenine senu qiyn. Múnday qandastarymyz ózderi senimderin qabyldaghan últtardyng tilderi men mәdeniyetterine den qoyyp, jaghday mýmkindik berse kóp qinalmastan óz últynan da qol ýzip ketuden tayynbauda. Jaghday osylay betimen kete beretin bolsa, bolashaqta últynyng qamyn oilaytyn, elining mýddesin qorghaytyn , otansýigishtik qasiyeti joghary el azamattarynan tapshylyq kóruimiz ghajap emes.

Adamnyng tabighaty sonday, kim onyng sanasyn jaulap, jýregin iyemdense, ol sonyng kózsiz qúly bolugha dayyn túrady. Al, din bolsa sanany jaulap, jýrekti biyleuding eng tóte joldarynyng biri. Sondyqtan da dindi sayasy qúral retinde óz mýddelerine paydalanatyn kóptegen elder ózderine tәn din men diny aghymdy ózge elderge de taratyp, óz dindesterin kóbeytuge meylinshe tyrysyp baghuda.

Óz mýddelerin kýiitteu barysynda keybir elderding shekten shyghyp, nebir zymiyan tәsilerge jýginetinderi de jasyryn emes. Onyng synnan ótken bir týri el azamattaryn  toptargha bólip meylinshe jikteu. Týrli diny toptar men partiyalargha bólingen, jәne últtyq, taypalyq, jershildik belgileri boyynsha da jiktelip jatqan el azamattaryn bir - birine qarsy qoyyp, bir - birine aidap salu aitarlyqtay qiyn emes. Búl tәsil «bólip al da biyley ber» - dep atalady. Bir - birimen jaghalasyp jatqan toptar qashanda syrttaghy jaqtastaryna arqa sýiep, olardan týrli baghyttardaghy kómekter ala bastaydy. Jәne, sol kómekteri men jan - jaqty qoldaulary ýshin olar óz qamqorshylaryna qúldyq úra otyryp, olardyng bar qalaularyn oryndaugha әzir túrady. Osylaysha ýstemdikti, biylikti ansaghan múnday toptaghy el azamattary óz halqyn  óz qoldarymen jatqa tәueldi etip, tabany astyna salyp beretin bolady.

Osynday jolmen ýstemdik etushi elge ainalghan shet memleket ózine arqa sýieytin osynday topty odan әri qolday otyryp, solar arqyly ol eldi biylep - tóstep, ony óz mýddesi ýshin jan - jaqty paydalana bastaydy.

Sóz joq, patshalar qashan bir memleketke kirse, ol jerdi búzyp, elining qúrmettileri qor etedi. Osylaysha isteydi.

Qúran Kәrim 27:34.

Osy ayatta aitylghanday ýstemdik etushi el qashanda ózine tәueldi elding óz iygiligine baghyttalghan barlyq zandary men tәrtipterin búzyp, ol jerge ózine ghana paydaly óz zandary men tәrtipterin ornatady. Sol arqyly osy elding esesinen óz qiyndyqtaryn sheship, osy halyqtyng esesinen óz halqynyng әl - auqatyn kóteretin bolady. Sol ýshin de óz elining qamyn oilap, halqynyng joghyn joqtaytyn betke ústar azamattardy ózderine baghynyshty biylik iyelerining qoldarymen qudalap, ýnderin óshirip, kózderin joya bastaydy. Al, bas kóterip, jón aitatyn naghyz basshylary qalmaghan qara halyq bolsa jel sózge aldanyp, sýiek - sayaqqa ghana qanaghat etip, óz elinde bayghústyng kýnin keshumen bolady. Búl jaghdaydyng bizding basymyzdan ótkenine kóp bola qoyghan joq, sondyqtan da osy aitylghan jaylar bizge ertegi tәrizdi estilmeui tiyis.

Tәueldi elding óz yqpalynan mýldem shyqpaghanyn qalaytyn ýstem el mindetti týrde oghan ózining dini men tilin, salt - dәstýrleri men mәdeniyetin sinire otyryp, ony ózi tektes etip alugha baryn salady. Búl óte zymiyan sayasat. Al, osynday әreketterdi din arqyly,  dinning iygiligi ýshin qajetti sharalar retinde jýrgizu mýlde shekten shyghu bolyp tabylady. Búlay ótkinshi, dýniyelik sayasy mýddeler ýshin dindarlardyng imanyn paydalanyp, olardyng óte qasiyetti sezimderin pende kónilderine oiynshyq etu aqiyretke iman keltirgen әrbir sayasatker ýshin layyqty is emes.

Memleketterding arasynda oryn alyp jatqan osynday mýddelerding arbasuynan basqa dinder men mәdeniyetterdin, jәne iydeyalardyng da arasynda da taytalas jýrip jatyr. Keybir taraptar memleketterdin  dinderi men olardyng últtyq erekshelikterin jonggha tyrysyp jatsa, kerisinshe, din ýstemdigin ornatugha, jәne últtyq sana sezimderin nyghaytugha úmtylyp jatqandar da bar. Osynday jaghdayda , әsirese, din men últ mәselelerinde irgelerin qymtay almaghan keybir memleketterding osynday taraptardyng mýddeleri airyqsha týiisken nýktelerge ainalyp, qaqtyghystar oshaghyna ainalu qauipi zor. Diny túrghydan , tipti otbasy dengeyine deyin jik salyp jatqan múnday taraptar qajet bolsa el azamattaryn qantógiske iytermeleuden tayynbaydy. Óitkeni, olar óz maqsattaryna qol jetkizu ýshin qomaqty qarjylaryn shygharyp, kóp kýsh - jigerlerin de júmsauda. Sondyqtan da olar mindetti týrde shygharghan shyghyndary men júmsaghan kýsh - jigerlerining qaytarymy bolghanyn qalaydy. Sol ýshin de olar bar mýmkindikti paydalanyp qalugha tyrysady. Jәne eshteneden de ayanyp qalmaydy. Olardyng keybireuleri ýshin «púl bolmaytyn nәrsening kýl bolyp» ketkeni jaqsy.

Jaghdaydyng búlay ushyghuy múnday taraptardyng dodasyna týsetin el ýshin mýlde tiyimsiz ekeni anyq. Óitkeni, halqy týrli toptargha bólinip , birin - biri ayaqtan shalyp, ózara qyrylysyp jatqan el qansha jerden tabighy resurstargha bay bolsa da, onyng ekonomikasy kýizelip, halqy túrmystyng qayyrshylyq dengeyinen shygha almay qalatyn bolady. Sonyng nәtiyjesinde osy elmen mýddeleri qayshy kelip jýrgen kóptegen elder útyp, olar óz ekonomikalaryn qaryshtata damytyp, óz halqyn túrmystyng joghary dengeyimen qamtamassyz etuge qol jetkizedi. Olar tipti, ózara qyrqysyp, ishtey býlinip jatqan eldi óz yqpaldaryna týsirip, onyng baylyghynan mol ýles alyp qalugha da tyrysatyn  bolady.

Qazirgi kezende nebir izgi maqsattardy betke ústaghan týrli halyqaralyq úiymdar men qozghalystar da әrtýrli baghyttardaghy iritki istermen jýieli týrde ainalysuda. Olar jekelegen memleketterding ghana emes, tútas qoghamdardyng mýddeleri ýshin arnayy tapsyryspen júmys jasauda. Tiyisti iydeyalyq túghyry jýielenip, qajetti qarjymen qamtamasyz etilip, nasihataluy da jaqsy jolgha qoyylghan kez kelgen úiymdar men qozghalystar, jәne diny toptar da halyq arasynan mindetti týrde óz jaqtastaryn tabatyn bolady. Niyet pen isting qaydan bastau alyp jatqanyn týsine bermeytin keybir belsendi jandar maqsattyng izgiligine shyn senip el ýshin  ziyandy, tipti óte  qauipti nebir bastamalardy jýzege asyrugha qúlshyna kirisetin bolady. Al, osynday jigerli jandardyng shyn kónilden shyqqan yqylastary men qúlshynystary bauraghan, belsendi týrde jýrgizilgen ýgit-nasihatqa arbalghan  kóptegen jandar olardyng qatarlaryna ýsti - ýstine qosylyp, múnday iritki sharanyng auqymy keny beretin bolady.

Osynday jolmen el túrghyndarynan belgili bir ýles alyp, óz jaqtastaryn kóbeytip alghan song syrtqy kýshter solar arqyly elding dinin, mәdeniyetin, sayasatyn, tipti qoghamdyq qúrylysyn da ózgertu ýshin batyl әreketterge kirisetin bolady. Olardyng degenine kónip, qalaghan baghytyna jýrgisi kelmegen jaghdayda el basshylyghy syrtqy kýshterding jetegimen jýretin el azamattarynyng eleuli qarsylyghyna úshyrap, zor qiyndyqtargha tap bola bastaydy. Óitkeni, olar el basshylyghynyng qyzmetten ketuin talap etip, qarsylyqtyng qatang týrlerine  jýginip, sayasy kýresting maydanyn qyzdyratyn bolady. Sonyng saldarynan el basshylyghy óz elining mýddesin tiyisinshe qorghay almay, syrtqy kýshterding yghyna jyghylyp, solardyng paydasyna qyzmet etuge mәjbýr bolady. Sonyng nәtiyjesinde elding damuy tejelip, halyqtyng әl-auqaty nasharlap,  óz basshylaryn ayaqtan shalyp belsenip jýrgen el azamattary «saqal súrap jýrip mýiizden aiyrylghan» toqal eshkining kebin kiyetin bolady.

Eger el azamattary ózderining tútastyghyn saqtay otyryp, óz basshylarynyng ainalasyna tyghyz toptasatyn bolsa, onda syrtqy kýshterding el basshylyghyna qysym jasap, memleketting ishki de syrtqy isterine aralasu mýmkindigi әldeqayda shektelip qalghan bolar edi. Múnday jaghdayda el basshylyghy da óz elining mýddesin batylyraq qorghap, memleketting ekonomikasyn da, tәuelsizdigin de nyghayta týsetin bolady.

Kezinde Sovetter Odaghy dep atalghan alyp imperiyanyng bir býiirinde búiyghy ghana tirlik keship, qamsyz jatqan qazaq júrty tәuelsizdik alar - almastan-aq óz yqpaldaryn taratushylardyng qong tasqynynyng astynda qalyp qoydy. Olardyng bәri de ózderining izgi niyetpen kelgenderine sendiruge tyrysqanmen, kópshiligining kókeylerinde óz elderi men óz qoghamdarynyng ghana mýddeleri túrghany anyq edi. Olardy búl elding taghdyry, halqynyng qamy eshqanday da tolghandyrmaydy dese de bolady. Olardy tolghandyratyn eng basty nәrse, ol óz elderi men qoghamdarynyng bolashaghy, solargha keletin ziyandar men tónetin qauipterding aldyn alu. Jәne, tek solardyng órkendeui men solardyng ghana ýstemdigin qamtamasyz etu. Shyndyghyna kelgende , әrbir tiynyna deyin eseppen júmsaytyn, paydalaryna jetik sheteldik úiymdar men ýkimetterding bizding elimizdi kýsheytip, kórkeytu ýshin ghana qomaqty qarjylaryn júmsap jatyr degenge senu qiyn. Amal ne, soghan shyn senetin anqau qandastarymyzda kóp bolyp túr.

Sheteldikter arasynda el irgesin bekitip, últymyzdy úiystyratyn tól mazhabymyz ben tól mәdeniyetimizdi  órkendetuge jәrdem etip, osy baghytta naqty ister atqarghan  jandardyng da bar ekenin joqqa shygharugha bolmas. Biraq, onday tilekshilerimizding kóp bolghanyn tilegennen basqa amal joq. Kerisinshe, óz josparlaryn iske asyrugha qajetti ýlken top jasaqtap alugha asyghyp, bir - birimen jarysa qimyldap, jantalasa әreket jasap jatqan nebir «qamqorshylardan» ayaq alyp jýre almaysyn. Osynday jaghdayda birtútas últ bolyp úiysyp,  el mýddesin qorghap jýrgen óz basshylarymyzdyng ainalasyna tyghyz toptasu biz ýshin talapaygha týsip órkeniyet kóshinen qalyp qoymaudyng basty bir kepili bolyp tabylady.

Ótken zamandarda taypalar men rulargha bólinip, keng dalasyn erkin jaylap, kóship - qonyp jýrgen ata - bablarymyz qansha ret osynau jikshildikting qúrbany bolyp, san soghyp, qan jylady. Endi, mine, egemen el bolyp, ensemizdi tiktep, óskeleng últqa ainalyp kele jatqanymyzda taghy da qapyda qaludan bizdi Alla Taghalanyng Ózi saqtasyn!

Eger әrbir jyly sóilep, «jol»  núsqaghan jandargha erip qyryqqa bólinip, sonyng saldarynan qyryq pyshaq bolyp qyrqysyp otyrsaq, onda odan kimge payda da, kimge ziyan? Alla saqtasyn! Eger alauyzdyqtyng kesirinen ózara qaqtyghysyp qalsaq, onda kýiik shalyp kýizelgen jerimizde, kýl ýstinde kýnirenip ózimiz ghana otyratyn bolamyz. Al, aqyl aitqysh, jol núsqaghysh «bauyrlarymyz» bolsa óz elderinde, jayly oryndarynda bizdi syrttay baqylap otyryp- aq basymyzgha noqta sala bastaydy. Osynyng bәrin týsinu ýshin osynyng bәrin bastan keshu mindet pe? Aqyldy adam ózining emes, ózgelerding qatelikterinen sabaq alady.

«Altau ala bolsa auyzdaghy ketedi, tórteu týgel bolsa tóbedegi keledi» -degen maqalda ózara alauyzdyqtyng kesirinen ghasyrlar boyyna ózgelerge esesi ketip kele jatqan ata - babalarymyzdyng ishtegi kýiinishi men kókeydegi armany kórinis tapqan. Qashangha deyin osylay kýiinip, qashangha deyin osylay armanday beremiz? Bizde de danalyq, bizde de qabilet bar ekenin dәleldep, ózimiz de ózgelerge ýlgi bolatyn kez kelgen joq pa? Biz bolsaq «kim aqyl aityp, jón ýireter eken?»-dep әrkimge bir jaltaqtap, kóringenning kólenkesinde kórinbey jýre bergimiz keledi.

Eger biz senip jýrgen sol qamqorshylarymyz ózderine paydaly joldardy núsqap, dindi de óz mýddeleri ýshin paydalanbaytyn bolsa edi..., biraq olar ýshin óz paydalary men óz mýddeleri bәrinen de joghary. Sondyqtan da bizge óz jónimizdi ózimiz izdep, óz qamymymyzdy ózimiz qamdamasaq bolmaydy. Syrttan qamqor bireuler kelip joghymyzdy týgendep, qolymyzdy jyly sugha malyp qoyady dep senetin anqaulyqtan arylatyn kez jetti.

Biz qazir músylman qazaq bolayyq, nemese serik qosushy mýshirik, ne  bolmasa jaratushygha senbeytin dinsiz, tipti, meyli Allagha qarsy shyqqan qynyr qazaq ta bolayyq. Jәne hristian, krishnayt, buddist tәrizdi ózge de qazaq bolayyq, biraq, qaysymyz kim bolghanda da bәrimizge ortaq últtyq mýdde degen bar emes pe? El bizdiki, jer de bizdiki. Bizde basqa el de joq, kósile jaylar jer de joq. Bizding ózimiz ýshin de, bolashaq úrpaghymyz ýshin de búl ystyq úya, qútty meken. Olay bolsa, elimizding amandyghy, jerimizding tútastyghy, tәuelsizdigimiz eng әueli bizding ózimiz ýshin qajet emes pe? Biz, meyli, bir- birimizdi jaqtyrmayyq, tiptibir -birimizdi ólerdey jek kóreyik, biraq, keng jerimizge siysyp, syrtqa syr aldyrmay, әrqaysymyzdyng da el iygiligi ýshin tyrysqanymyz jón emes pe? Mýmkin, biz qatu bolsaq ta úrpaghymyz tatu bolar, biz ala bolsaq ta olar bizden asyp dana bolar, tek býgingi kýnmen ghana ómir sýrip, bir sәttik byqsyqtarymyzben bolashaghymyzdy túnshyqtyrudyng qajeti qansha?

Bizding әrqaysymyzdyng da ómirge degen óz kózqarasymyz ben tandaghan týrli joldarymyz bar. Jәne, shyndyqty izdeuge bәrimizding de teng mýmkindigimiz bar. Jәne, aqiqatqa jýginuge de óz erkimiz ózimizde. Múnday jaghdayda kýshke jýginu aqyldylyqty kórsetpeydi.

Sen olardy zorlaushy emessin, kim azaptan qoryqsa Qúranmen ýgit ber.

Qúran Kәrim 50:45.

Búl ayatta Payghambarymyzgha (s.gh.s.) qanday da bolmasyn zorlyq әreketterden tartynyp, tek Allanyng azabyn eskerte otyryp qana adamdardy dinge shaqyru núsqau etilgen. Búl Allanyng ayaty, jәne sodan tuyndaytyn Payghambarymyzdyng (s.gh.s.) sýnneti. Qazir elimizde ózge dinderdi ústanushylarmen qatar músylman qauymyna da óz dinin nasihattap, beybit týrde din taratugha mol mýmkindik berilgen. Múnday jaghdayda kýshke jýginu shekten shyghushylyq bolyp tabylady.

Kim Allanyng shekterinen shyqsa, rasynda ol ózine qastyq qylghan bolady.

Qúran Kәrim 65:1.

Elimizdi , halqymyzdy qanday ýlken ister, alynbaghan biyikter kýtip túr. Al, elimizge Alla Taghalanyng nyghmetin әkeluge tiyisti músylman bauyrlarymyz bolsa óz aldaryna top qúryp alyp «senderding aqidalaryng dúrys emes, sender sýnnetpen jýrmeysinder, sender biydghatshysyndar» deytin qozghala-qozghala әbden jauyr bolghan «ónbes daudy» ólerdey quyp «óspeytin eldin» kebin kiiding әreketin jasauda. Ózderine de abyroy bermeytin, elge de týk paydasy joq osy bir kýiki talas- tartysqa bastaryn tyghyp alyp, bar qabilet -qajyrlary men kýsh- jigerlerin soghan júmsap bosqa sarqyluda. «Dosqa kýlki, dúshpangha taba bolu» degen osy da. Osy bir layyqsyz tirlikke biyikten qarap, músylman degen asqaq ataqty abyroymen alyp jýrer elin sýigen er- azamattar qayda?

Sol bir zamandy oilandar. Sender az edinder de jer betinde ezilgen edinder. Sonda sender adamdardyng bas salyp alyp ketuinen qorqar edinder.

Qúran Kәrim 8:26.

Ótken ghasyrdy esimizge alyp kóreyik. Biz de jogharydaghy ayatta aitylghanday óz jerimizde azshylyq bolyp, ekinshi, tipti, ýshinshi sortty últ bolyp ta ómir sýrmedik pe? Óz qamymyzdy ózimiz oilay almay, ózimizge tiyesilini de súray almay, sol ýshin talay ret qan josa bolyp qyrylyp ta qalmadyq pa? Arqa sýier erlerimiz jappay qamalghan, týrmeler men aidauda shirip, iz -týzsiz joghalghan kezder de basymyzdan ótpedi me?

...jәne Alla senderdi ornalastyryp, Óz kómegimen quattady. Sonday- aq senderdi jaqsy nәrselermen qorektendirdi. Áriyne, shýkir etersinder dep.

Qúran Kәrim 8:26.

Sonday zobalandardan keyin qút úyalaghan qazynaly jerimizge ózimizdi ie qylyp, qauipsizdigimizdi de qamtamassyz etken, abyroyymyzdy asyryp, jaqsy nәrselermen qajetimizshe rizyqtandyryp  ta otyrghan Rabbymyz Allagha endi qalay shýkirlik etpeymiz. Alla Taghalanyng Ózi bizge osynshama kenshilik etip, jaghdayymyzdy týzep kele jatqanda Otanymyzdan bastap oshaghymyzgha deyin óz qolymyzben oiran etsek múnymyz estilik bolar ma?

Rasynda Alla adamdargha esh zúlymdyq qylmaydy. Biraq, adamdar ózderine -ózderi zúlymdyq qylady.

Qúran Kәrim 10:44.

Bolghan ýstine bolsa eken dep qúnyghyp, toqshylyq pen tynyshtyqty kótere almay býlik izdep úrynyp ózimizge -ózimiz zúlymdyq etsek bizge keshirim bola ma?

Rabbym oryndaryna basqa el әkelse, sender Oghan eshbir ziyan keltire almaysyndar.

Qúran Kәrim 11:57.

Tarihta qyrghyngha úshyrap toz- toz bolyp bosyp ketken, ózgening ezgisine týsip óz jerinde otyryp ta aty óship ketken halyqtar az bolghan joq. Ózimiz de talay ret solardyng kebin kie jazdap baryp , shaqqa aman qalyp otyrdyq. Eger Allanyng bizge degen osynshama kenshiligin baghalay almaytyn bolsaq, әli de bir ózge halyqtardyn  ornymyzdy basuy әbden mýmkin.

Sondyqtan da Allanyng nyghmetterin eske alyndar da jer betinde býlinshilik qylyp jýrmender.

Qúran Kәrim 7:74.

Árbir iman keltirgen azamat Alla Taghala ózine senip tapsyrghan otbasynyn, tuystarynyn, halqynyn, jәne elining taghdyryna jauapsyz qaraugha tiyisti emes. Onyng mindeti olardy qajetsiz qantógisterge, kýizelisterge úryndyrmay, beybit túrmys -tirshilikpen qamtamassyz etu. Olardyng әl auqatyn jaqsartyp, alansyz qúlshylyqtaryn atqarularyna jaghday jasau. Sol arqyly dinimizdi qalypty jaghdayda beybit týrde órkendetuge jol ashu.

Qanday bolmasyn qaqtyghys, qantógister elding ekonomikasyn әlsiretip, halyqtyng әl- auqatyn nasharlatatyn bolady. Al, bizding jaghdayymyzda túrmysymyz neghúrlym nasharlaghan sayyn halqymyz ýshin kýnkóris qamy basty mәselesege ainalyp, onsyz da әdetke enbegen din, qúlshylyq mәseleleri nazardan tys qala bastaydy. Sanany din emes túrmys biylep, tabys tabudyng onay da haram joldaryn kóptep úsynatyn qylmystyq qúrylymdar kýsh alyp ketedi de, elding ensesin kótertpey biylep -tóstep, dinimizding de tynysyn taryltatyn bolady.

Al, eger el basyna týsetin osynday auyrtpalyqqa músylman jamaghaty birden -bir sebepshi bolsa, onda dinimiz bar abyroyynan aiyrylyp, oghan jan -jaqty qysym kýsheye bastaydy. Sonyng nәtiyjesinde dinge bet búryp jýrgen kóptegen adamdardyng yqylastary qaytyp, imandary bekip ýlgermegen kóptegen namazhandar qúlshylyqtaryn tastaytyn bolady. Osylaysha biz endi ghana kóktep kele jatqan, әli de kóp kýtimdi qajet etetin dinimizding jas óskinin mýlde soldyryp alatyn bolamyz. Múnday jaghdayda batystyng iritki yqpaly elimizge óz ýstemdigin tolyq ornatyp, sol jaqtargha tәn nebir qylmystar men azghyndyqtar zandastyrylyp, qoghamymyz jaylap irip- shiry bastaydy. Jәne, osynday tozaqy tirlik bizding ózimizdi de, úrpaghymyzdy da óz qúrdymyna tartyp, biz sózsiz ziyanda qalatyn bolamyz.

Isting osylay óris almauy ýshin de elimizding músylman qauymy jamaghatty jikteu arqyly bolashaq qaqtyghystar men qantógisterge alghysharttar jasap jatqan fitnashylar men týrli arandatushylardan boy tartugha tiyisti. Olar úiymshyldyq tanyta otyryp, memleketimizding qalypty, beybit jaghdayda órkendep, bay da quatty memleket boluyna ózderining qomaqty ýlesterin qosulary qajet. Dinimizge ong kózqaras qalyptasqan óz elimizding damyghan irgeli memleket bolghany dinimizding de iygiligine qyzmet etetinin týsinuimiz qajet.

Ózining últy ústanyp jýrgen, jәne memleketi tarapynan da qamqorlyqqa alynghan dinnen turalyq tabuy dindar ýshin ýlken baqyt. Múny tandaghan diny senimi ýshin óz últy tarapynan da, memleketi tarapynan da qysym kórip jan qajytar mazasyzdyqta jýrgen keybir jandar jaqsy týsinedi. Osy túrghydan alghanda biz keybir últtardyng ókilderine qaraghanda óte útymdy jaghdayda túrmyz. Sebebi, biz Alla Taghalanyng mәrhamatymen din mәselesinde tandau jasau qiyndyghynan qútyldyq. Qazaq halqy Islam dinin ústanatyndyqtan da bizding әrqaysymyz tughannan músylman sanatyna enemiz. Jәne, aqylmen taldanyp, saqtyqpen saraptalghan, Qúran men sýnnetke negizdelgen baysaldy da tereng oily mazhabtardyng birin jol etip ústanamyz. Sol sebepti de bizge óz últymyzdan bólinu qajettiligi tuyndap otyrghan joq. Jәne, Islam dini men onyng Hanafy mazhaby elimizdegi memleket tarapynan basymdyq berilgen negizgi din men mazhab bolyp tabylatyndyqtan bizding osy din men mazhabty ústanuymyz memleketimizding de mýddesine tolyq jauap beredi.

Osynday haq din Islam men onyng Hanafy tәrizdi bir mazhabyn ústana otyryp dinnen de turalyq tabuymyz, әri memleketimizben de ýilestikte boluymyz Alla Taghalanyng bizge jasaghan zor kenshiligi bolyp tabylady. Endi Rabbymyzdyng osynday kenshiliginen óz erkimizben bas tartyp,  din tandau mәselesin qayta tudyryp, ózara daudy qoldan qozdyru biz ýshin sonshalyqty qajet pe?

Eger kóp últtar meken etken, onyng ýstine qandastarymyz arasynda da týrli  jikter jeterlik bizding elimizde úshqarylyqqa beyim qatqyl toptar kýsh alyp ketse, onda qayghydan kóz ashpay, qasiretten es jimay qaluymyz әbden mýmkin. Óitkeni, múnday toptardyng mýsheleri aqylgha salghannan kóri kýshke salghandy onayyraq kórip, bәrin de «syndyryp», bәrin de qiratyp tastaugha beyim túrady. Óitkeni, múnday toptardyng ústanymdarynda kýshke basymdyq berilip, olardyng mýsheleri osy baghytta psihologiyalyq óndeuden ótkiziletini eshkimge de jasyryn emes.

Olardy óz janymyzdan әr nәrsening ónimderi nesibe týrinde shoghyrlanatyn qasterli de beybit bir jerge (Mekkege) ornalastyrmadyq pa? biraq, olardyng kóbi týsinbeydi.

Qúran Kәrim 28:57.

Biz osy ayatta aitylghanday beybit boluyna Alla Taghala tarapynan kepildik berilgen Mekke tәrizi qasterli qalasy bar, sondyqtan da belgili bir merzimge deyin soghystar men apattardan, jәne asharshylyqtan aman bolatyn el tәrizdi erekshe el emespiz. Ol jerde tipti, mýshirikter ýstemdik etip qasiyetti Qaghbany ózderining aghash púttarymen qorshap qoyghan kezderde de Alla Taghala ol jerdi beybitshilikpen, molshylyqpen qamtamassyz etuin toqtatpaghan. Al, bizding arqamyzdy kenge salatynday onday kepildigimiz joq. Sondyqtan da bizge saqtyq sharalaryn meylinshe oilastyryp, beybitshiligimiz ben molshylyghymyzdy ózimiz qamtamassyz etuge barynsha tyrysuymyz qajet. Óitkeni, bizding asty -ýsti qazynagha túnghan úlan -ghayyr jerimiz ben shashyray qonghan qyryq qúrau bes týiir júrtymyz bar. Jәne de osynyng bәrin baghamdap, anysyn andyp, ishten tynyp otyrghan syrt kózderimiz de jeterlik. Osynday jaghdayda Alla Taghalanyng kenshilik etip qondyrghan baq qúsyn baghalay almay abaysyzda úshyryp alsaq , onda onyng endi qaytyp qolymyzgha qonuy ekitalay. Endeshe, keng pishilgen jerimizde keng peyilmen keng tynystap jýrgen bizge keng tolghamdy Hanafy mazhaby Alla Taghalanyng bizge nәsip etken nyghmeti ekenin nege moyyndamasqa?

«Elu jylda el jana» - deydi halqymyz. Biz bolsaq jetpis jyl dinsizdikting ezgisinde bolyp músylmandyghymyzdan da aiyrylyp qala jazdadyq. Endi mine, haq dinimizdi qayta tanyp, imanymyzdy qayta tazartyp jatqan kezimizde mazhab isinde de belgili bir kemshilikter men týsinbestikterding oryn alyp jatuy zandy. «Kósh jýre kele týzeledi» - degendey olqy tústarymyzdy óz uaqytymen qolgha alyp, bәrin de ret -retimen jónge keltiretin bolamyz. Endeshe, alansyz ilim iygerip, bayyppen týzeluge mýmkindik berip otyrghan Rabbymyz Allagha shýkirlik eteyik te, shekten tys asyghyp, orynsyz órepkimeyik.

Osynday tanymda da , qúlshylyqta da tolyq qanaghat alugha mýmkindik beretin jan - jaqty jýielengen tól mazhabymyz bola túra keybir toptar josparlap jýrgendey diny tónkeris jasap «sau basymyzgha saqina tileudin» biz ýshin eshqanday da qajeti joq. Onsyz da qat- qabat qiyndyqtardy sheshu jolynda ter tógip, onsyz da san  aluan jikterge bólinip, auyzbirshilikti saqtau qajet bolyp túrghan kezde din mәselesindegi teke-tires halqymyz ýshin óte auyr tiyetin bolady. Sondyqtan da basqa qanday mәseleler jóninde bolsa da kelise almay jýrgen qazaqtyng azamattary osy din mәselesinde auyzbirshilik tanytugha tiyisti.

Ókinishke oray, osynday ótpeli kezende óz halqyn ózekke teuip, ony ózgelerge qosyla túqyrtyp jýrgen keybir qandastarymyzdy da kórip jýrmiz. Ózge ózgeligin istedi delik, al, qayghyda da, quanyshta da óz halqymen birge bolugha tiyisti óz tughandarymyzgha ne «joryq»? Áriyne, «janylmaytyn jaq, sýrinbeytin túyaq bolmaydy»  - degendey kimge bolsa da janylyp, jaza baspay jýru qiyn. Tek sonday er - azamattarymyz óz qatelikterining qúly bolyp el - júrtyn qúrbandyqqa shalyp jibermese bolghany. Múnday parasat, әsirese terennen oilap jol bastay alatyn, top jinap qol bastay alatyn qajyrly azamattarymyzdyng boylarynan tabylyp jatsa, onda bizdi qanday dau, qanday jau almaq?

«Myng ólip myng tirilgen halqymyz» Allanyng qalauymen búl qiyndyqty da artqa tastar. Sol kezderde osynday elen-alang uaqytta óz halqymen birge bolghan azamattarymyzdyng enseleri biyik, jýzderi jarqyn bolary haq!

Adamnyng bir qalyptasyp, әbden bekip, tamyryn terenge jiberip ýlgergen diny kózqarasyn keyin qayta ózgertu onaygha soqpaydy. Sondyqtan da elimizde dinimizding damuyn betimen jibermey, ony memleket tarapynan jiti qadaghalap, onyng sheshimin kýtken mәselelerin keshiktirmey qolgha alyp, oghan qajetti baghytta barynsha qoldau jasap otyru qajet.

Biz zayyrly, demokratiyalyq el retinde dinderge esigimizdi aiqara ashyp, olardyng taraluyna da qolayly jaghday jasap jatyrmyz. Búl bizding әlemdik qauymdastyqtan layyqty oryn aluymyzgha mýmkindik beretin qajetti qadamdardyng biri ekeni dausyz. Múnday jaghdayda elimizdegi diny bostandyqty resmy mazhabty órkendetumen úshtastyryp otyrsaq, búl biz ýshin «qasqyrdy da toq qylyp, qoydy da aman saqtaytyn» ontayly sheshim bolar edi. Eger bar mýmkindigin tolyq ashyp, jәne nasihattaluyn da dúrystap qolgha alsaq bizding mazhabymyz bәsekelestik túrghysynan alghanda óz esesin eshkimge de jibere qoymaytyn zor әleuetke iye.

Eger biz Islamnyng bel alyp ketuinen qauiptenip, sol sebepti de mazhabymyzdy nyghaytugha nemqúraylylyq tanytatyn bolsaq, tipti belgili bir kedergiler qoyyp onyng damuyn tejeuge de tyrysatyn bolsaq, onda múnymyz zor aghattyq bolar edi. Óitkeni, halqymyzdyng dinge degen ruhany súranysy aitarlyqtay joghary. Sondyqtan da olar biz qalasaq ta, qalamasaq ta ózderine jol tauyp óz súranystaryn qanaghattandyrugha úmtyluda. Jәne olargha osy baghytta óz jәrdemin úsynushylar da jeterlik. Sol sebepti de biz qazirgi kezende sheshimi qiyn zor mәselege ainalyp bara jatqan jikshildik mәselesimen betpe-bet kelip otyrmyz.

Ózimiz dinge kóp mәn bermesek, ózgeler de solay dep oilap beyqamdyqqa salynu biz ýshin ýlken anghyrttyq bolyp tabylady. Shyndyghyna kelgende ózimiz iygeruge asyqpay jýrgen ruhany kenistigimizdi ózgeler basyp qalugha tyrysyp, jantalasuda. Olar bar mýmkindikti meylinshe paydalanyp, qarjylaryn da ayamay shashyp jatyr. Sondyqtan da olar óz isterining nәtiyjesin  kórude. Múnday jaghdayda óz elimizde, tól mazhabymyzdy órkendetuge tyrysyp, el iygiligi ýshin is jasap jatqan Diny Basqarmamyz ben diny úiymdarymyzgha memleket tarapynan tiyisinshe qarjy bólinip túrghany dúrys bolar edi. Múnsyz din ilimin tereng zerittep, izdenisterdi qajetti baghyttarda óristetu, jәne sol negizde nasihat isin jolgha qoyyp, halyqtyng diny sauatyn kóteru qiyngha soghady. Osynday qoldyng qysqalyghynyn  saldarynan da mazhabymyzdy tanu, jәne ony nasihattau kemshin bolyp, qaltalary qalyng ózgeler aldymyzdy orap ketude.

Eger biz osy din mәselesinde útylatyn bolsaq, onda mol qarjy salyp jatqan basqa salalarymyzdyng iygilikterin kóre almay qaluymyz da әbden mýmkin. Sondyqtan da bizge osy kezden bastap dinimizge kóbirek kónil bólip, oghan dúrys baghyt berip, ony bir arnagha salyp jiberuimiz qajet. Sonda biz osy kýshting arynymen algha qaryshtay basyp, eshkimge de des bermey ketetin bolamyz. Óitkeni, dini berik elding isi de berekeli, qauipsizdigi de myghym bolatyny sózsiz!