Elimizde bilim salasyna baghyttalghan «2016-2019 jyldargha arnalghan janartylghan baghdarlama»  engizilip jatyr. Búl baghdarlamanyn  qazaq últyna jasaghan eng birinshi soqqysy ýsh tildilik boldy. Byltyrghy jyly baghdarlamanyng alghashqy qúrbandary  1-synypqa baryp tól әlippesin tappay qaldy. Búl masqaranyng toqtaytyn kýni bar ma?

2017-2018 jana oqu jylynan bastap  5-7-synyptargha jana baghdarlama engizilgeli jatyr.  Ústaz retinde janartylghan  baghdarlamanyng kursyn oqyp bitirdim. Metodikasynda әngime joq. Balany erkindikke tәrbiyeleydi, neshe týrli әdis-tәsilderdi qoldanu arqyly oqushyny óz oiyn ashyq aitugha daghdylandyratyn tamasha dýniye.  Biraq janartylghan baghdarlamanyn  kitaby men negizgi ótiletin  taqyryptary qazaq tilin jondyng taptyrmas  qúraly ekenin bayqadym.

7-synyp «Atamúra» baspasy, qazaq tili oqulyghy.

(Ministrding saytynda halyq talqysyna joba  retinde  úsynylghan.  Myna siltemede: http://okulyk-edu.kz/ocenka-kz   )

Qazaq tili kitabynda «Aua rayy, klimat, atmosfera», «Klimat jәne klimattyq aimaqtar», «Klimattyq ózgerister»  degen taqyryptar jýr. Búl taqyryptargha arnalghan  mәtinder men tapsyrmalar da bar.

1. Mәtindi tyndap, aua rayynyng bizding ómirimizge tiygizetin әserin taldandar.

2. Qazaqstanda qanday klimattyq aimaqtar bar?

3. Shól dalanyng negizgi ósimdikteri neler? Shól dala anyna nemese januaryna neler jatady? Kestege salyp toltyryndar.

Negizgi taqyryp  «klimat», tapsyrma  «klimat», mәtin  «klimat», sonda qazaq tili qayda?

Tapsyrmalardy qarap otyrsaq geografiyany oqyp jatqan siyaqtymyz.

Eger mәtin retinde ghana berilse nemese qazaq tilining sóileu tilin damytugha arnalghan tapsyrmalar bolsa týsiner edim. Qazaq tili sabaghyn oqytudaghy negizgi maqsat qazaq tilinde sóileuge, jazugha ýiretu bolsa, qazaq tili sabaghyna klimattyn, shól dalanyng ne ekenin súraudyn  qajeti  bar ma?

Qazaqstannyng Bilim jәne ghylym ministri Erlan  Saghadiyev  myrzadan mynany súraghym keledi: «Men oqushyma qazaq tilin ýiretemin be, әlde shól dalany aralap zertteu jasap ketemin be?»...

Ayman Saghidulla

Abai.kz