سارسەنبى, 4 تامىز 2021
«سوقىر» فەميدا 6707 18 پىكىر 7 تامىز, 2017 ساعات 10:43

وقۋشىلار قازاق ءتىلىنىڭ ورنىنا گەوگرافيا ءپانىن وقي ما، ساعاديەۆ مىرزا!

ەلىمىزدە ءبىلىم سالاسىنا باعىتتالعان «2016-2019 جىلدارعا ارنالعان جاڭارتىلعان باعدارلاما»  ەنگىزىلىپ جاتىر. بۇل باعدارلامانىڭ  قازاق ۇلتىنا جاساعان ەڭ ءبىرىنشى سوققىسى ءۇش تىلدىلىك بولدى. بىلتىرعى جىلى باعدارلامانىڭ العاشقى قۇرباندارى  1-سىنىپقا بارىپ ءتول الىپپەسىن تاپپاي قالدى. بۇل ماسقارانىڭ توقتايتىن كۇنى بار ما؟

2017-2018 جاڭا وقۋ جىلىنان باستاپ  5-7-سىنىپتارعا جاڭا باعدارلاما ەنگىزىلگەلى جاتىر.  ۇستاز رەتىندە جاڭارتىلعان  باعدارلامانىڭ كۋرسىن وقىپ ءبىتىردىم. مەتوديكاسىندا اڭگىمە جوق. بالانى ەركىندىككە تاربيەلەيدى، نەشە ءتۇرلى ءادىس-تاسىلدەردى قولدانۋ ارقىلى وقۋشىنى ءوز ويىن اشىق ايتۋعا داعدىلاندىراتىن تاماشا دۇنيە.  بىراق جاڭارتىلعان باعدارلامانىڭ  كىتابى مەن نەگىزگى وتىلەتىن  تاقىرىپتارى قازاق ءتىلىن جويۋدىڭ تاپتىرماس  قۇرالى ەكەنىن بايقادىم.

7-سىنىپ «اتامۇرا» باسپاسى، قازاق ءتىلى وقۋلىعى.

ء(مينيستردىڭ سايتىندا حالىق تالقىسىنا جوبا  رەتىندە  ۇسىنىلعان.  مىنا سىلتەمەدە: http://okulyk-edu.kz/ocenka-kz   )

قازاق ءتىلى كىتابىندا «اۋا رايى، كليمات، اتموسفەرا»، «كليمات جانە كليماتتىق ايماقتار»، «كليماتتىق وزگەرىستەر»  دەگەن تاقىرىپتار ءجۇر. بۇل تاقىرىپتارعا ارنالعان  ماتىندەر مەن تاپسىرمالار دا بار.

 

1. ءماتىندى تىڭداپ، اۋا رايىنىڭ ءبىزدىڭ ومىرىمىزگە تيگىزەتىن اسەرىن تالداڭدار.

2. قازاقستاندا قانداي كليماتتىق ايماقتار بار؟

3. ءشول دالانىڭ نەگىزگى وسىمدىكتەرى نەلەر؟ ءشول دالا اڭىنا نەمەسە جانۋارىنا نەلەر جاتادى؟ كەستەگە سالىپ تولتىرىڭدار.

نەگىزگى تاقىرىپ  «كليمات»، تاپسىرما  «كليمات»، ءماتىن  «كليمات»، سوندا قازاق ءتىلى قايدا؟

تاپسىرمالاردى قاراپ وتىرساق گەوگرافيانى وقىپ جاتقان سياقتىمىز.

ەگەر ءماتىن رەتىندە عانا بەرىلسە نەمەسە قازاق ءتىلىنىڭ سويلەۋ ءتىلىن دامىتۋعا ارنالعان تاپسىرمالار بولسا تۇسىنەر ەدىم. قازاق ءتىلى ساباعىن وقىتۋداعى نەگىزگى ماقسات قازاق تىلىندە سويلەۋگە، جازۋعا ۇيرەتۋ بولسا، قازاق ءتىلى ساباعىنا كليماتتىڭ، ءشول دالانىڭ نە ەكەنىن سۇراۋدىڭ  قاجەتى  بار ما؟

قازاقستاننىڭ ءبىلىم جانە عىلىم ءمينيسترى ەرلان  ساعاديەۆ  مىرزادان مىنانى سۇراعىم كەلەدى: «مەن وقۋشىما قازاق ءتىلىن ۇيرەتەمىن بە، الدە ءشول دالانى ارالاپ زەرتتەۋ جاساپ كەتەمىن بە؟»...

ايمان ساعيدۋللا

Abai.kz

 

 

18 پىكىر