«Núr Otan» partiyasyna

QR Ishki ister ministri,

Polisiya general-leytenanty

Q. N. Qasymovqa

QR Bilim jәne ghylym ministri

E.K. Saghadiyevke

Respublikadaghy JOO-nyn

rektorlaryna

Qúrmetti «Núr Otan» partiyasy!

Qúrmetti Qalmúhanbet Núrmúhanbetúly!

Qúrmetti Erlan Kenjeghaliyúly!

Qúrmetti JOO-nyng rektorlary!

Sózdi aldymen «Núr Otan» partiyasyna, Partiya Tóraghasynyng Birinshi orynbasary Múhtar Abrarúlyna rahmet aitudan bastaghandy jón kórdik.

Osynyng aldynda ghana «Abai.kz» aqparattyq portaly arqyly «Núr Otan» partiyasy Tóraghasynyng Birinshi orynbasary Múhtar Abrarúlynyng atyna "Otandas-el" Otanymen birge!" (http://abai.kz/post/57467) degen taqyrypta hat jazyp, kezinde jәne ýstimizdegi jyly shetelden kóship kelip, Almaty oblysyna qonystanghan, auyldarda bos jer telimderi bolmaghandyqtan, sharuashylyq qúrugha, júmys tabugha mýmkindigi shektelgen, sol ýshin  kóship kelushiler men qonys audarushylardy qonystandyru ýshin Ýkimet aiqyndaghan ónirlerge kóship barugha niyet bildirgen 58 otbasynyng tizimin úsynghanbyz.

Atalghan hatqa Tóraghanyng Birinshi orynbasary nazar audaryp, tapsyrma berse kerek, Almaty oblysy, Enbekshiqazaq audandyq «Núr Otan» partiyasy Tóraghasynyng birinshi orynbasary Quat Bayghojaev myrza  «Otandas-el» RQB-nyng basshylaryn shaqyryp, kezdesu ótkizdi. Soltýstikke kóshuge niyet bildirgen otbasylardyng tizimin alyp, anyqtaugha kiristi. 2017 jylghy 29 tamyz kýni Soltýstik Qazaqstan, Qostanay, Pavlodar oblystarynyng Júmyspen qamtudy jәne әleumettik baghdarlamalardy ýilestiru basqarmalarynyng ókilderi Enbekshiqazaq audanyna kelip, alghashqy kóshti bastaytyn bolyp kelistik. Atalghan kósh aldaghy kýnderde qútty qonysyna sәtimen attanady, qonystanady degen berik senimdemiz.

Úsynysymyzdyng elenip-eskerilgenine rahmet aityp, Partiya basshylyghyna qandastarymyzdyng jýrekjardy quanyshy men ystyq sәlemin jetkizgimiz keledi!

Endi kelesi úsynysymyzdy ortagha salayyq.

Qazaq Ýkimetining shet elderde túratyn etnikalyq qazaq jastarynyng Atajúrtqa oralyp, bilim aluyna jasaghan qamqorlyghy úshan teniz!

Qazaqstan Respublikasynyng 2007 jylghy 27 shildedegi №319  «Bilim turaly» Zanynyng 66-babynda «Shet eldegi qazaq diasporasynyng bilim alu qajettilikterin qanaghattandyru» mәselesi tolyq sheshilgen.

2012 jylghy 28 aqpannan beri Qazaqstan Respublikasy Ýkimetining №264 Qaulysyna say, Qazaqstan Respublikasynyng azamattary bolyp tabylmaytyn últy qazaq adamdar ýshin – 2 payyz oqugha týsu kezinde qabyldau kvotasy bólinip keldi. Elbasymyzdyng tikeley tapsyrmasymen biyldan bastap búl kórsetkish eki esege kóbeytildi.

Arysyn aitpaghanda, biyldyng ózinde 16 mamandyq boyynsha 514 shetelden oralghan qandas úl-qyzymyz memlekettik grantqa qol jetkizip, JOO-nyng studenti atandy.

Múnyng bәri Elbasymyz Núrsúltan Nazarbaevtyng alysta jýrgen aghayyngha, onyng jastarynyng bolashaghy ýshin jasalghan Úly Enbekteri, bagha jetpes qamqorlyghy dep bilemiz!

Memlekettik grantpen oqugha qabyldanghan osy studentterding ózi týsken JOO-nyng jataqhanasyna alymen uaqytsha, ary qaray túraqty tirkeuge túryp, oquyn bitirgenshe jenildetilgen tәrtippen Qazaqstan Respublikasynyng azamattyghyn alugha qúqyghy bar.

Búl turaly «Halyqtyng kóshi-qony turaly» Qazaqstan Respublikasynyng 2011 jylghy 22 shildedegi №477-IV Zanynyng «Bilim alu maqsatynda keletin kóship kelushilerding negizgi qúqyqtary men mindetteri» degen 33-babynda ashyq jazylghan (Zannyng atalghan baby qosymsha berildi). 

Elbasynyng qoly qoyylghan Zannyng әr tarmaghy qatan, mýltiksiz atqaryluy kerek qoy! Ókinishke oray, Joghary oqu oryndarynyng basshylary Oralman studentterding osy qúqyghyn shektep, olardyng Qazaqstan Respublikasynyng azamattyghyna qabyldau turaly ótinishhat beruine mýmkindik bermey keledi. Qandas studentter túraqty tirkeuge túru ýshin basqa jerden pәter jaldaugha mәjbýr.

Al, basqa jerden pәter tauyp, túraqty tirkeuge túryp, azamattyqqa qújat ótkizgen student sol pәterde túruy shart. Túrmasa, «QR Ákimshilik qúqyq búzushylyq turaly» Zannamany búzghan bolyp eseptelip, jauapqa tartylady.

Atalghan Zandy atqaru – oralman jastardyng túraqty tirkeuge túryp azamattyq alu mәselesin sheship qana qoymay, olardyng Ýkimetting jasap jatqan qamqorlyghy men kómegin tipti de tereng týsinuine, Otanshyldyq ruhyn asqaqtata týsude de erekshe rol atqarary haq!

Sol ýshin Sizderden biyldan bastap barlyq Joghary oqu oryndarynyng basshylaryna «Halyqtyng kóshi-qony turaly» Zanynyng 33-babyn qatang atqarudy jәne ony shetten kelgen últy qazaq studentterge týsindiru júmysyn óz dengeyinde alyp barudy tapsyrularynyzdy súraymyz.

 «Otandas-El» Respubilikalyq qoghamdyq birlestigi

Qosymsha:

«HALYQTYNG KÓShI-QONY TURALY» Qazaqstan Respublikasynyng 2011 jylghy 22 shildedegi №477-IV Zany

 33-bap. Bilim alu maqsatynda keletin kóship kelushilerding negizgi qúqyqtary men mindetteri

1. Sheteldikterding nemese azamattyghy joq adamdardyng memlekettik bilim beru tapsyrysyna sәikes konkurstyq negizde tehnikalyq jәne kәsiptik, ortadan keyingi, joghary jәne joghary oqu ornynan keyingi tegin bilim alu qúqyghy Qazaqstan Respublikasy ratifikasiyalaghan halyqaralyq sharttarda aiqyndalady.

Qazaqstan Respublikasyna bilim alu maqsatymen kelgen etnikalyq qazaqtar oqugha týskennen keyin:

1) tehnikalyq jәne kәsiptik, orta bilimnen keyingi, joghary jәne joghary oqu ornynan keyingi bilim beru mekemelerining jataqhanalarynda uaqytsha tirkeluge;

2) túraqty túrugha jәne jenildetilgen tәrtippen (tirkeu tәrtibimen) Qazaqstan Respublikasynyng azamattyghyna qabyldau turaly ótinishhat beruge qúqyghy bar.

2. Bilim alu maqsatynda keletin kóship kelushiler:

1) Qazaqstan Respublikasynyng aumaghynda bolatyn kóship kelushilerge qatysty Qazaqstan Respublikasynyng zandarynda kózdelgen mindetterdi atqarady;

2) oqudyng jәne (nemese) kәsiptik dayarlyqtyng tolyq kursyn ayaqtaghannan keyin, eger odan әri bolu ýshin zandy negizderi bolmasa, Qazaqstan Respublikasynan ketip qalugha mindetti.

Qazaqstan Respublikasynyng Preziydenti                N. Nazarbaev

http://adilet.zan.kz/kaz/docs/Z1100000477  

 Abai.kz