Düysenbi, 23 Qırküyek 2019
Jañalıqtar 2136 0 pikir 3 Jeltoqsan, 2017 sağat 18:23

Gennadiy Bendickiy dünie saldı

Bügin, öziniñ tuğan küninde, yağni 3 - jeltoqsan küni, däl 47 jasında belgili jurnalist Gennadiy Bendickiy dünie saldı. Ratel.kz saytındağı äriptesterimizdiñ habarlauına qarağanda (bwl sayttıñ negizin qalağandardıñ biri marqwmnıñ özi bolğan edi), Bendickiy auır dertke wşırağanın keyinge deyin bilmey kelgen körinedi. Bilgen künde de jasımay, jigittik jiger tanıtıp, ömirden ozıptı.

Gennadiy Bendickkiy jurnalistik zertteumen şwğıldandı. Ärtürli aqparat közderinen alğan derekti jayttardı jariya etip, talay bılıqtıñ betin aştı. Sol üşin de bası dauğa qalıp jüretin. Biraq, ol köpşilik oqırmannıñ, qarapayım jwrttıñ ıqılasına bölendi. Abıroylı boldı. Qazaqqa süykenip, qazaqtıñ janın auırtatın, wlttıq namısın qorlaytın maqalasımaq jazıp ataq pen şataq şığarğan zamandastarınıñ mañına juığan kezin körmedik. Ol şındıq pen ädildiktiñ tarapınan tabıluğa tırısatın. «Şındıq üşin kürespeseñ şındıq ömir süre almaydı» degen wstanımnan tayğan joq. Söz bostandığı men azat oylardıñ saltanat qwruına üles qosqan äriptesimizdiñ soñında jarı, eki balası, qayğırıp dostarı qaldı. Ruhı kökten jay tapsın.

Abai.kz wjımı   

0 pikir