Düysenbi, 25 Mausım 2018
Bw ne mazaq? 1016 3 pikir 9 Aqpan, 2018 sağat 11:20

Bayqoñırda Qazaqstan azamattarı Resey zañımen jazalanıp kelgen

Qazaqstannıñ Konstituciyalıq keñesi "Bayqoñır" ğarış aylağın jalğa beru turalı qwjattardıñ Ata Zañımızğa qayşı ekenin jäne memlekettik suverenitet jaylı normalardı öreskel bwzatının ayttı.  Bwl jaylı aqpar äueli "Habar24" telearnasında jariya boldı.

Konstituciyalıq keñes müşesi Viktor Malinovskiydiñ aytuınşa, osı uaqıtqa deyin birsıpıra zañdar, Qazaqstannıñ suverenitetine qayşı keletin zañ normaları men Qazaqstan azamattarınıñ bostandığın şekteytin normalar qayta qaraudan ötken.

"Bayqoñır" ğarış aylağınıñ aumağında qwqıqtıq tärtip ornatu jönindegi qwqıqqorğau organdarınıñ ekijaqtı kelisimderine qatıstı Qızılorda oblıstıq sotınıñ bizge jazğan şağımına säykes, kelisimderdi zañsız dep tanimız.

Sebebi bwl kelisimşart boyınşa Qazaqstan azamattarı tärtip bwzğan jağdayda Resey Federaciyasınıñ zañı boyınşa jauapqa tartılıp kelgen.

Biz bwnı Qazaqstan Respublikasınıñ egemendigine kümän, twtastığına nwqsan keltiru dep bilemiz", —  OKQ brifinginde söz alğan Malinkovskiy.

Keñes jwmıs jasap kele jatqan 95-jıldan beri barlığı Konstituciyanıñ öreskel bwzılıp, özge eldiñ zañınıñ tasasında qalıp jatqanına qatıstı wzın-ırğası 190 şağım tüsken eken. Olardıñ denin deputattar joldaptı. Ärine, bizdiñ deputattar. 140 normativtik şeşim şığarılğan.

Qazaqstan Respublikası men Resey Federaciyası arasında jasalğan kelisimşartqa säykes, "Bayqoñır" ğarış aylağı 2050-jılğa deyin Reseyge jalğa berilgen. Jalğa berilgen territoriyağa ğarış aylağı men qala kirgen.

Abai.kz

3 pikir