Sәbetting songhy «kósemi» Mihail shal Gorbachev súhbat beripti dep býkil orys baspasózi búlqan-talqan bolyp jatyr. Seksenning jeteuine kelgen, taz basyna tanba bitken Gorbachev sóz arasynda saylaugha týsip jatqan qazirgi Preziydent Vladimir Putin jayly kóp júrt aita bermeytin aqpardy jayyp salypty. Sodan bolar, Kremliding aitaqtaghy kýshikteri Gorbachev shaldyng súhbatyn jariyalap jatqan әrbir saytty búghattap әlek bolyp jatyr.

Dese de biz búl súhbattyng búghattalmaghan bir núsqasyn taptyq. Sholyp shyqtyq.  Sóitsek, Mihail Gorbachev Vladimir Putinmen bolghan songhy kezdesui jayly aityp, onyng jýrgizip otyrghan sayasatyna óz pikirin bildirgen eken.

Onyng aituynsha, songhy jyldary Putinmen birneshe ret kezdesipti. Biraq, búl kezdesuler tek Kremliding keng dәlizinde jol jónekey qol qysumen shektelgen kórinedi. Oghan qosa, Vladimir Putin kәri sýiek, qubas Gensekting sayasy kenesterin kerek qylmaghan eken. Tipti, orystyng eki biyleushisining songhy kezdesui 2017 jyly «Resey kýni» deytin merekening qarsanynda bolghan. Búny da Mihail Gorbachevtyng ózi aityp otyr.

«Amandastyq. Men oghan: "Kóp boldy kezdespedik" dedim. Ol: ju-ju-ju; Ol qazir kóp mingirleydi. Onysy júrtqa ne aitqany týsiniksiz boluy ýshin»,- depti sóz arasynda.

Eng songhy Gensekting Putinge ókpesi qara qazanday eken. Oghan sebep – Putinning qabyldauyna ýsh ret jazylghan. Ýsh kezdesudi de Putin be, әlde onyng kómekshileri me, әiteuir keyinge shegergen. Sóitip, ókpelegen Gorbachev shal endi búnyng qabyldauyna ólip ketsem kelmeymin dep sheshken.

Tym qúryghynada kenesshilikke jaramaghan sayasy ólik – Mihail Gorbachev Putinning júmystan bos uaqytta nemen ainalysatynyn da aityp bergen. Sóitsek, Putin baryp túrghan alqash, әumeser bireu eken. Búl Gorbachevting sózi.

«Songhy kezde kóp iship jýr. Keyde biyleydi, keyde úshady, keyde jýzedi, saytan alghyr, erikken adam ne istemeydi... Áttegen-ayy, gharyshqa úsha almaydy. Qorqady. Eger ol gharyshqa úshyp ketse, júrttyng barlyghy oghan: «Vladimir Vladimirovich, qaytyp kelmeniz!» deytin edi ghoy», - depti.

Mihail Gorbachev qazir 87 jasta. Kenes odaghynyng songhy biyleushisi. Nobeli syilyghynyng iyegeri.

Núrzat Toghjan

Abai.kz