Atamyz qazaq: «Bәle – qayda deme, ayaq astynda» degendi kóregendikpen aitqan. Orystyng Kemerevosynda oiyn-sauyq ortalyghyna kónil kóteruge barghan ondaghan adamdar (arasyndaghy basym bóligi kýnәsiz sәbiyler...) taghdyrdyng jazuymen ýilerine mәngi qaytpay qaldy...

Kemerovo qalasynda sauda ortalyghyndaghy órt qúrbandarynyng tuystary órtten 41 bala qaza tapqanyn mәlimdedi. Qaza tapqan balalardyng tizimi tuystary qúrghan shtabta jazylyp, ilindi...

Nauryzdyng songhy kýnderinde Kemerovo qalasy әkimdigining aldyna jýzdegen qala túr­ghyny jinaldy. Olar biylikten órt pen qúrban­dar turaly shynayy aqparat beruin talap etken. Jinalghandardyng kópshiligi biylikting órt qúrbandary turaly esebine senbeydi. Narazy júrt sonymen qatar Kemerovo oblysynyng gubernatory Aman Tóleevting otstavkagha ketuin talap etken.

«Zimnyaya vishnya» sauda jәne oiyn-sauyq ortalyghynda órt 25 nauryz kýni kýndiz bastalghan. Resey Tergeu komiytetining mәlimeti boyynsha, órtten 64 adam qaza tapty. Biraq, kuәgerler is jýzinde qúrbandar sany «búdan әldeqayda kóbin» aitady...

Keshe ghana saylauda jeniske jetken Resey preziydenti Vladimir Putin Kemerovo qalasyna jyldam úshyp bardy. Ol órtengen «Zimnyaya vishnya» sauda ortalyghynda qúrban bolghandardy eske alatyn oryngha gýl qoyyp, qayghyly oqighagha «salaqtyq pen úqypsyzdyq» sebep ekenin mәlimdedi.
Orys ormanyndaghy qany qazaq jalghyz qazaq-gubernatory Aman Tóleev halyqqa ýndeu jariya­lap, ózining qyzmetinen ketetindigin mәlim etti... Osy kýnderi qazaqtyng Ýkimetbasy Baqytjan Saghyntaev eldegi sauda jәne oiyn-sauyq ortalyqtarynyng órt qauipsizdigi talaptaryna qanshalyqty say ekenin tekserudi tapsyrdy.

«Kemerovodaghy sauda ortalyghynda bolghan qayghyly oqigha bizge sabaq boluy tiyis. Ishki ister ministrligi órt sóndiru qyzmetimen jәne әkim­diktermen birigip, sauda ýilerinde tekseru jýrgizip, qajetti sharalardy jasauy tiyis», – dedi Baqytjan Saghyntaev úiqydan shoshyp oyanghanday...Áy, qaydam! «Barmaq basty, kóz qysty» hәm sybaylas jemqorlyq órttey laulaghan elderde qauipsizdik turaly aitudyng ózi artyq. Kim bilsin, ýkimetbasynyng tapsyruymen búl mәseleni baqy­laugha aludy moynyna jýktegen Premierding birinshi orynbasary Asqar Mәmin mәjilis zalynyng tabaldyryghynan shyqqan alghashqy qada­mynda-aq asa jauapty tapsyrmany úmytyp ketti me eken?!.

Al, jýzge tarta adamdy jalmap, myndaghan jandy qayghygha úshyratqan Kemerovo órtining neden tútanghany әzirge belgisiz... Basty sebepti bireuler «sybaylas jemqorlyq»-tan kórse, kelesileri «qazaq-gubernatory Aman Tóleevti qyzmetinen ketiru maqsatynda әdeyi úiymdastyrylghan qastandyq» dep baghalaydy...

Qalay bolghanda da, meyling jemqorlyq pen úr­lyq-qarlyq; meyling qapersizdik pen qastandyq bol­syn, adamnyng ómirimen oinau – birdey qauipti...

Qajymúqan Ghabdolla

Abai.kz