Ótken jyly «Almaty aqshamy» gazetine:«Tarihy Otanyna oralghan qandasta­rymyzgha oralman mәrtebesi barlyq aimaqta beriledi. Oralman mәrtebesin Memlekettik qyzmet kórsetu standartyna sәikes tolyq qújattar toptamasyn ótkizgennen keyin 5 júmys kýn ishinde ala alady. Bir jylgha beriletin oralman mәrtebesin alghan azamat túraqty túrugha rúqsat alghannan keyin Qazaqstan azamattyghyna qújat tapsyryp, jenildetilgen tәrtippen 3 aidyng ishinde Qazaqstan Respublikasynyng azamattyghyn alady. Eger oralman mәrtebesin alghan azamat bir jyl ishinde azamattyq almasa, «Ha­lyqtyng kóshi-qony turaly» Zanyna sәikes, oralman mәrtebesining merzimi toqtatylady da, ol etnikalyq qazaq sanatyna qosylyp, jenildetilgen tәrtippen azamattyq ala almaydy»,-degen maqala jariyalanghan bolatyn. Sony kórip quanyp, alaqaylap bórkimizdi aspangha atyp, aghayynnan sýiinshi súraghan bolatynbyz.

Alayda, kóterilgen kónilimiz oida-joqta su sepkendey basylyp, esimizden tandyq. Nege deysiz be, azamattyq ýsh ay ishinde berilse, alystan kelgen aghayyn ýshin ýlken mәrtebe emes pe. Biraq sózge bar da, iske joq, kósh-qongha jauapty qúzyrly organ qyzmetkerleri jauapsyzdyq tanytyp, týrli syltaular tauyp aghayyndardy tabanynan tozdyryp jatqany jasyryn emes. Atajúrtyna alqynyp jetken aq búlaqtargha bóget bolyp, kóteremge kóldeneng boludy qashan dogharady, ol jaghy beymәlim.

Arghy bettegi aghayynnyng hali tym mýshkil. Qorghansyzdyng kýiin keship, ajdahanyng auyzyna jútylyp bara jatqan qara orman qazaqtyng qasireti tym auyr.

Azamattyq alu ýshin barlyq qújatty erejege say  tapsyryp, endi sol azamattyq kuәligin kýtuden zәureni sarghayyp, segiz ay boyy sergeldeng kýy keship jýrgen bauyrlardyng sany az emes. Múng torlaghan janarlaryna qarap janyng auyrady. Osyndayda «Azattyghymyz ben qazaqtyghymyz qayda?»,-degen saualdyng sauysqany shyqylyqtaytynyn qaytesin. Ýsh ay emes, alty, jeti, segiz ay kýtip jýrgende, qolyndaghy qújattarynyng jaramdylyq merzimining ótuine baylanysty istep jatqan júmysynan biraq kýnde quylsa, jaldap túrghan pәterinen shygharylyp, shalghay auyldardan qalagha baryp-qaytugha jol biyletin alugha qarajaty men qújaty joq sandalyp sarsang bolyp jýrui onay ma. Sugha  ketken aqsónke salyndyday baghdarsyz kýy keship, janarlary jastan qúrghamay qújatsyz «kosmosta» jýrgen qandastarymyzgha osyndayda qamqorlyq tanytatyn kim bar myna jalghan da?!

Hakim Abaydyng "Segiz ayaq" ólenindegi:

... Birindi, qazaq, biring dos

Kórmesen, isting bәri bos.

Malyndy jaugha,

Basyndy daugha

Qor qylma, qorgha, tatulas.

Ótirik, úrlyq,

Ýkimet zorlyq

Qúrysyn, kózin

Úyatyn, aryng oyansyn,

Búl sózimdi oilansyn»,-dep, keletin osy bir ghizatyly hәm kirshiksiz joldar eriksiz oigha oralady. Azamattyq ala almay, eki qolyna bir enbek taba almay qinalyp jýrgen qandastarymyzdyng janayqayyn qúziretti shekpendiler tyndasa eken. San ghasyr arman bolghan atajúrtyna talyp jetip taban tiregen bauyrlarymyzdyng kóz jasy beybit zamanda tógilmese eken.

Sәruәr Saghynyshbaev

Abai.kz