Qúrmetti Núrsúltan Ábishúly!

Barsha el-júrt senip otyrghan Senat deputattary Qazaqstan halqynyng mýddesine qayshy keletin «Jer zany» jobasyn birauyzdan maqúldap jiberdi. QR Parlamentining Mәjilis jәne Senat deputattary «Jer zany» jobasyna ózgeris engizu turaly halyqtyng úsynys-talaptaryn esh eskermedi jәne qabyldamady.

Senat pen Mәjilis maqúldaghan «Jer zany» jobasy bolashaqta elimizding ishki tútastyghyna, memleketimiz ben ekologiyamyzdyng qauipsizdigine jәne tatu-tәtti ómir sýrip otyrghan Qazaqstan halqynyng birligine, úrpaghymyzdyng bolashaghyna ýlken qauip-qater tóndiredi dep qatty alandaymyz! Sózimiz naqty, dәleldi boluy ýshin qazirgi tanda qoldanystaghy Qazaqstan Respublikasy Jer kodeksining zandyq kýshi bar baptaryna sýienip otyrmyz.

Birinshiden,  Jer zany jobasynyng 23-babynda «QR shekaralyq aimaqta ornalasqan jerler  sheteldikterge, azamattyghy joq adamdargha jәne olarmen nekede otyrghan Qazaqstan azamattaryna berilmeydi» dep jazylghan. Endi zer salyp qarasaq, búl bapta tek shekara ainalasyndaghy  jerler ghana sheteldikterge berilmeydi delingen.

Búl bap qazaqstandyqtardyng mýddesine óte qayshy, eng әlsiz túsy bolsa, ministrler men әkimder jәne basshylar ýshin bolashaqta óte útymdy, óte tiyimdi, óte paydaly bolmaq. Sebebi, әkki әkim-basshylar osy baptyng әlsiz túsyn sheber paydalanyp, osy bapty negizge alyp moratoriy bitkennen son, yaghny 2021 jyldan keyin shekaradan tys aimaq pen ónirlerdegi jerlerdi sheteldikterge, azamattyghy joq adamdargha 25 jylgha jalgha bere alady.

Ekinshiden, qazirgi Jer kodeksining 24-babynda auyl sharuashylyghy maqsatyndaghy jerler sheteldikterge, azamattyghy joq adamdargha jәne  sheteldik zandy túlghalargha jiyrma bes jylgha deyin jalgha beriletini taygha tanba basqanday etip naqtylanyp jazylghan. Alayda, 24-bapqa uaqytsha 5 jylgha Sizding Jarlyghynyzben moratoriy jariyalandy.  Desek te, búl baptyng zandyq kýshi mýlde joyylmady, tek 2021 jyldyng 31 jeltoqsanyna deyin uaqytsha ghana toqtatyldy. Yaghni, 2021 jyldan keyin 24 - bapqa sýienip, memlekettik shekaradan tys aimaq pen ónirlerdegi jerler sheteldikterge, azamattyghy joq adamdargha, yaghny әlemning asa qauipti qylmyskerleri men qanisher qaraqshylaryna 25 jylgha jalgha berile bastaydy. Al azamattyghy joq adamdar - Otany joq  qanghybastar jәne Otandaryn satyp ózge elden qashyp, bizding elge tyghylghan asa qauipti, óte qatygez qylmyskerler (baukespe qaraqshy nemese ekstremist-terrorist t.b.) jerimzge kiretinin óte jaqsy bilemiz.

Ýshinshiden, Jer kodeksininin  6-babynda: «Sheteldikter, azamattyghy joq adamdar jer qúqyghy qatynastarynda Qazaqstan Respublikasynyng azamattarymen  ten  qúqyly» dep anyq jazylghan.  Qazaqta «Jat júrtty tórge shygharma» degen dana sóz bar? Ne ýshin olar bizding tórimizge shyghyp,  jer qatynasynda Qazaqstan halqymen teng dәrejeli qúqyqqa ie bolu  kerek?! Elimizge  kóldeneng kelgen  kók attylar – sheteldikter jәne óz Otandaryn satyp, óz elderinen qashyp  kelgen asa qauipti qylmyskerler men baukespe qaraqshylar bizding elimizge tayrandap kelip, Qazaqstan Respublikasynyng azamattarymen ne sebepti, ne ýshin  teng qúqyly bolu kerek?!

Qúrmetti Núrsúltan Ábishúly!

Ata-babamyz jandaryn qiyp, qandaryn tógip qorghap,  úrpaqtary - bizge miras etip qaldyrghan jerimizdi sheteldikterge jәne әlemning qylmyskerleri men qaraqshylaryna jerimizdi 25 jylgha jalgha berip, ata júrtymyzdy taptatyp, ata-baba aruaqtaryn qorlatamyz ba?! Ákelerinen qalghan jeke dýniyedey mәjilisting 107 jәne senattyng 47 deputaty 18 million halyqtyng bolashaghyn, jer taghdyryn ózderi sheshpek pe? Álde úlan-ghasyr baytaq jerdi tek solardyng ghana ata-babalary qorghap qalyp pa?

Qúrmetti Preziydent myrza!

Siz Qazaqstan Respublikasy Konstitusiyasy men zandarynyng  kepili retinde, Qazaqstan halqynyng mýddesine qayshy keletin «Jer zany» jobasyn bekitpey keri qaytaruynyzdy súraymyz!  QR Konstitusiyasynyng 3 -babynda «Memlekettik biylikting birden-bir bastauy – halyq» dep kórsetilgen bolsa, ózimizding konstitusiyalyq qúqyghymyzdy paydalana otyryp, Mәjilis pen Senat deputattary maqúldaghan «Jer Zany» jobasyna esh kelispey, ózimizding ashyq narazylyghymyzdy bildirip,  El-júrtty qatty alandatyp, qoghamda  ýlken rezonans tughyzyp otyrghan  tómendegi baptargha halyqtyng úsynys-talabyn engizudi talap etemiz!

1.QR Jer Kodeksining 24-babyna: «Auyl sharuashylyghy maqsatyndaghy jer uchaskeleri sheteldikterge, azamattyghy joq adamdargha jәne olarmen aralas nekede otyrghan Qazaqstan azamattary men azamatshalaryna, sonday-aq sheteldikter jәne jarghylyq qorynda sheteldikterding 1 payyz ýlesi bolsa da jer satylmaydy jәne jalgha berilmeydi»

2.Jer kodeksinining 6-babyna: «Sheteldikter, azamattyghy joq adamdar jәne olarmen aralas nekede otyrghan Qazaqstan azamattary men azamatshalary, sonday-aq sheteldik zandy túlghalar auyl sharuashylyghy maqsatyndaghy jer qúqyghy qatynastaryn  esh paydalana almaydy».

3.«Jer zany» jobasynyng 23-babyna: «QR shekaralyq aimaghynda ornalasqan jәne Qazaqstannyng barlyq tútas aumaghynda ornalasqan jerler sheteldikterge, azamattyghy joq adamdargha jәne  olarmen aralas nekede otyrghan Qazaqstan azamattary men azamatshalaryna berilmeydi».

Talghat Qatauov,

BQO tәuelsiz kәsipodaq úiymynyng tóraghasy, qogham belsendisi

Oral qalasy Tel. 87753161671

Búl Ýndeuge qol qong jalghasady

Abai.kz