Jwma, 17 Tamız 2018
Ruhani jañğıru 3186 35 pikir 4 Mamır, 2018 sağat 10:41

Äskeri şeru. «Men - qazaqpın, boyımdağı qan qazaq»

Biıl 7-mamırğa arnalğan Otan qorğauşılar küni qarsañındağı äskeri şeru jıldağıday Astanada emes, Jambıl oblısındağı «Otar» 40-äskeri bazasında ötedi, dep habarlayd «abctv.kz»

Qazaqstan Qarulı Küşteriniñ jauıngerlik şerui Astanada emes, Jambıl oblısındağı «Otar» 40-äskeri bazasınıñ aumağında ötedi. Qarulı Küşterdiñ qwramaları men äskeri bölimder qazir baza aumağında dayındıq jwmıstarın jürgizip jatır.

Esteriñizge sala keteyik, yağni 2013 jılı däl osı äskeri bazada Otan qorğauşılar künine arnalğan jauıngerlik şeru wyımdastırıldı. Oğan 7 mıñğa juıq jauınger men 500-den astam äskeri tehnika jwmıldırılğan edi. Şerude 86 äskeri wşaq pen tikwşaq, sonımen qatar 400 brondı tehnika wrıs kezindegi qimıl-äreketterin körsetken. Al äskeri wşqıştar S-295 äskeri wşağın twñğış ret topıraqtı alañğa qondırdı.

Al biılğı jauıngerlik şeruge 3 mıñnan astam sarbaz, 300-den astam äskeri tehnika, 30-ğa juıq aviaciya tehnikası qatısadı. Armiyalıq bölimşeler äskeri tehnikanıñ zamanaui ülgilerin is jüzinde qoldanu täsilderin körsetedi.

Bwl QR Qorğanıs ministrliginiñ baspasöz qızmeti taratqan resmi aqparat.

Endi osınıñ aldında ötkizilgen äskeri paradtarğa şolu jasayıq:

2005 jılı jeñistiñ 60-jıldığınıñ qwrmetine äskeri şeru ötkizildi. Oğan 3 mıñ äskeri qızmetker, 130 äskeri tehnika jwmıldırıldı. Bwl şarağa 934 mıñ dollar jwmsaldı.

2009 jılı ötkizilgen üşinşi şeru Qazaqstan Konstituciyasınıñ 14 jıldığına arnaldı. Mwnda qalıñ köpşilik 120 äskeri tehnikanıñ mümkindigi men qabiletine kuä boldı. Äskeri şeruge memleket basşısı, joğarğı bas qolbasşısı Nwrswltan Nazarbaev qatıstı. Al şeruge qorğanıs vice-ministri, general-mayor Nwrlan Jolamanov basşılıq etti.

2011 jılğı törtinşi şeru el täuelsizdiginiñ 20 jıldığın äspettedi. «Qazaq eli» monumenti aldında ötken şerudi alğaş ret el prezidenti-QR Qarulı Küşteriniñ joğarğı bas qolbasşısı Nwrswltan Nazarbaev özi qabıldadı. Bwl şeru äskeri qızmetkerlerdiñ twñğış ret jaña äskeri kiim ülgisin kiip şığuımen, bwrın-soñdı körsetilmegen jaña äskeri tehnikanıñ paş etiluimen jäne şeruge mergender jasağınıñ, qwrlıq äskerleri taulı-atqıştar brigada­sı­nıñ sonımen qatar äyel äskeri qızmetşilerdiñ qatısuımen este qaldı.

2013 jılı Jambıl oblısındağı «Otar» 40-şı äskeri bazasında ötken jauıngerlik şeru besinşi şeru bolıp tirkeldi. Ol osığan deyingi jäne keyingi şerulerden erekşe boldı. Sebebi bwğan deyingi jäne keyingi şerulerdiñ  barlığı merekelik datalarğa oraylastırılsa, bwl şeru jauıngerlerdiñ özderine arnaldı.

2014 jılğı altınşı äskeri şeru de «Qazaq eli» monumentiniñ aldında ötti. Şerudiñ saltanattı marşınıñ jayau legine 2 mıñğa juıq äskeri qızmetşi, 2500 äskeri, 70 aviaciyalıq tehnika qatıstı.

2015 jılı wyımdastırılğan jetinşi şeru jeñistiñ 70 jıldığına arnaldı. Ol bwğan deyingi şerulerden auqımdılığımen jäne mazmwnımen daralandı. Şeru tarihi jäne zamanaui bölimderden twrdı. Tarihi bölimge 1941-1945 jıl­dar­dağı soğıs tehnikasınıñ 36 türi qatı­ssa, zamanaui bölimde Qazaq­stan armiyasınıñ qoldanıstağı qaru-jarağı men äskeri tehnikası körsetildi.

2017 jılı QR Qarulı Küşteriniñ 25 jıldığına arnalıp ötkizilgen segizinşi äskeri şeruge 5 mıñğa juıq äskeri qızmetşi, 300-ge juıq äskeri tehnika jäne äskeri aviaciyanıñ 80 wşağı men tikwşağı qatıstı. Bwl el tarihındağı eñ iri şeru boldı.

Biıl ötetin 9-şeru de el nazarında. Bwğan äleumettik jeliler arqılı şeruge dayındıq kezinde sarbazdar şırqağan «Men Qazaqpın» äniniñ jappay taraluı jäne jeli qoldanuşılarınıñ «bwl şın mänisinde jauıngerlerdiñ jigerin janitın än» dep pikir bildirui dälel.

Abai.kz

35 pikir