Jwma, 22 Mausım 2018
413 0 pikir 14 Mamır, 2018 sağat 08:42

BAQ: eks-bankir Jomart Ertaev Reseyden sayasi baspana swrağan

Ötken aptada Mäskeude wstalğan qazaqstandıq bwrınğı bankir Jomart Ertaev 40 täulikke üyqamaqqa alındı. Mwnday şeşimdi jwma küni Mäskeudiñ audandıq sotı şığarğan dep habarlaydı aqparat agenttikteri.

Prokuratura sottan Jomart Ertaevtı mausımnıñ 16-ına deyin tergeu abaqtısında qamauda wstaudı jäne keyin onı Qazaqstanğa ekstradiciyalaudı swrağan. Prokuratura Ertaevtı tergeu abaqtısına qamaudı swrauınıñ sebebin "ol şetelge qaşıp ketui nemese tergeuge qısım jasauı mümkin" dep tüsindirgen.

Bwğan deyin Qazaqstan eks-bankir äri kabel'dik telekompaniyanıñ top-menedjeri bolıp istegen Jomart Ertaevqa halıqaralıq izdeu jariyalağan.

Reseylik "Kommersant'" iskerlik basılımı Jomart Ertaevtıñ Mäskeudegi sotta Reseyden sayasi baspana swrağanı jäne azamattıq aluğa qwjattarın ötkizip qoyğanı jaylı mälimdegenin jazadı. Basılımnıñ habarlauınşa, Ertaev özine "qazaq wltşıl-patriottarı qoqan-loqqı jasaytını" jäne özin qudalaudıñ "sayasi astarı barı" turalı aytqan.

Resey küş qwrılımdarı Mäskeude jürgizgen operaciya barısında Ertaevtı wstağannan keyin Qazaqstan işki ister ministrligi Jomart Ertaevtıñ qazaqstandıq RBK Bank direktorlar keñesi törağasınıñ keñesşisi bolıp istegen kezde jasandı kompaniyağa bankten qarızğa 80 million dollardan asa aqşa bergizgen jäne qarızdı qaytarmau maqsatımen türli is-äreketter jasağan degen küdikke ilikkeni turalı habarlağan. "Kommersant'" basılımınıñ aqparatı boyınşa, sotta Ertaev pen qorğauşıları älgi ayıptaulardı joqqa şığarıp, bank nesiesi "Alma TV" kabel'dik telearnanıñ operatorı "Almatel" kompaniyasınıñ akciyalar paketin satıp aluğa paydalanıldı dep mälimdegen.

2015 jılı Qazaqstan bas prokuraturası Ertaevtıñ "senip tapsırılğan özgeniñ mülkin wrlağan" degen küdikke ilingeni jäne onıñ qayda jürgeni belgisiz ekeni jaylı mälimdegen. Ertaev bolsa, aşıq közderdegi aqparat boyınşa, soñğı üş jılda Mäskeude twrğan.

Bwğan deyin Jomart Ertaev Qazaqstanda bank zañın bwzğan degen ayıppen qılmıstıq jauapqa tartılğan. 2009 jılı Qazaqstan qarjı policiyası Al'yans Banktiñ akcionerleri men menedjerlerine bir milliard dollardan köp aqşanı wrlağan degen ayıp taqqan. Sol kezde wstalıp, twtqındalğan Jomart Ertaev toğız ay qamauda otırğan. Keyin oğan tağılğan ayıp "buhgalterlik jäne qarjı esebi turalı zañdı bwzu" jäne "bank qarjısın zañsız paydalanu" degen baptarğa auıstırılğan. Sot Ertaevqa ayıppwl salıp, bostandıqqa şığarğannan keyin ol Qazaqstandağı ekinşi deñgeyli basqa bankterde jwmıs istegen. Al 2014 jıldıñ soñında Jomart Ertaev "Alma TV" kompaniyası basşılığına tağayındalğan bolatın.

Abai.kz

0 pikir