Jwma, 22 Mausım 2018
Ruhani jañğıru 624 0 pikir 15 Mamır, 2018 sağat 10:30

Astanada jetisulıqtar jaylı beynefil'm tüsirildi

Astana qalasınıñ 20 jıldığına oray Almatı oblısınıñ işki sayasat basqarması, Öñirlik kommunikaciyalar qızmeti men «Jetisu» telearnasınıñ wyımdastıruımen «Jetisudan şıqqan Astanalıq 10 twlğa» taqırıbında beynefil'm tüsirildi.

Joba maqsatı - 1998 jılı Elbası Jarlığımen Elorda Astanağa köşirilgennen beri sol jerde qızmet etip jatqan Almatı oblısınıñ tumaları jaylı beynefil'm tüsiru, keyingi jastarğa ağa buın ökilderiniñ önegeli isterin ülgi etu.

«Jalpı joba boyınşa är türli salada qızmet istep jatqan 10 twlğa tañdalıp alınıp, 6-7 minuttıq beynefil'm əzirlendi. Fil'mde är adam öziniñ alğaş Astanağa kelgendegi äserleri, keşegi jäne bügingi Astananıñ kelbeti, ösui men örkendeui, merekege oray qwttıqtauları aytıladı», - deydi joba avtorı Rüstem Qanapiyanov.

Atalğan tizimde halıq qalaulıları, jurnalister, sayasatkerler, öner adamdarı, qwrılısşı t.b azamattar bar.

«Bwl fil'mdegi är keyipker bizdiñ «Jer jännatı - Jetisudan» şıqqan. Osı jerden qanattanğan. Bilim alğan. Jurnalist retinde men är twlğanıñ bolmısın aşuğa tırıstım. Fil'mniñ scenariyin jazğanda basımdıqtı keyipkerdiñ öz sözine berdik. Özderiñiz biletindey, köp fil'mde KSM (kadr sırtındağı mätin) qoldanıladı. Sinhron öte az. Al bwl fil'mde kerisinşe, kadrdan tıs mätin az, keyipkerdiñ sözi molınan qoldanıladı», - deydi joba redaktorı Säniya Baytarova.

Jaqın künderi atalğan beynefil'mder oblıstıq «Jetisu» telearnasınan körsetiledi. Sonday-aq, barlıq äleumettik jeliler men är twlğanıñ Astana jaylı aytılğan oyları men pikrileri qala köşelerindegi bil'bordtarğa ilinedi.

;feature=youtu.be

Abai.kz

0 pikir