سارسەنبى, 14 قاراشا 2018
رۋحاني جاڭعىرۋ 850 0 پىكىر 15 مامىر, 2018 ساعات 10:30

استانادا جەتىسۋلىقتار جايلى بەينەفيلم ءتۇسىرىلدى

استانا قالاسىنىڭ 20 جىلدىعىنا وراي الماتى وبلىسىنىڭ ىشكى ساياسات باسقارماسى، وڭىرلىك كوممۋنيكاتسيالار قىزمەتى مەن «جەتىسۋ» تەلەارناسىنىڭ ۇيىمداستىرۋىمەن «جەتىسۋدان شىققان استانالىق 10 تۇلعا» تاقىرىبىندا بەينەفيلم ءتۇسىرىلدى.

جوبا ماقساتى - 1998 جىلى ەلباسى جارلىعىمەن ەلوردا استاناعا كوشىرىلگەننەن بەرى سول جەردە قىزمەت ەتىپ جاتقان الماتى وبلىسىنىڭ تۋمالارى جايلى بەينەفيلم ءتۇسىرۋ، كەيىنگى جاستارعا اعا بۋىن وكىلدەرىنىڭ ونەگەلى ىستەرىن ۇلگى ەتۋ.

«جالپى جوبا بويىنشا ءار ءتۇرلى سالادا قىزمەت ىستەپ جاتقان 10 تۇلعا تاڭدالىپ الىنىپ، 6-7 مينۋتتىق بەينەفيلم əزىرلەندى. فيلمدە ءار ادام ءوزىنىڭ العاش استاناعا كەلگەندەگى اسەرلەرى، كەشەگى جانە بۇگىنگى استانانىڭ كەلبەتى، ءوسۋى مەن وركەندەۋى، مەرەكەگە وراي قۇتتىقتاۋلارى ايتىلادى»، - دەيدى جوبا اۆتورى رۇستەم قاناپيانوۆ.

اتالعان تىزىمدە حالىق قالاۋلىلارى، جۋرناليستەر، ساياساتكەرلەر، ونەر ادامدارى، قۇرىلىسشى ت.ب ازاماتتار بار.

«بۇل فيلمدەگى ءار كەيىپكەر ءبىزدىڭ «جەر ءجانناتى - جەتىسۋدان» شىققان. وسى جەردەن قاناتتانعان. ءبىلىم العان. جۋرناليست رەتىندە مەن ءار تۇلعانىڭ بولمىسىن اشۋعا تىرىستىم. ءفيلمنىڭ ستسەناريىن جازعاندا باسىمدىقتى كەيىپكەردىڭ ءوز سوزىنە بەردىك. وزدەرىڭىز بىلەتىندەي، كوپ فيلمدە كسم (كادر سىرتىنداعى ءماتىن) قولدانىلادى. سينحرون وتە از. ال بۇل فيلمدە كەرىسىنشە، كادردان تىس ءماتىن از، كەيىپكەردىڭ ءسوزى مولىنان قولدانىلادى»، - دەيدى جوبا رەداكتورى ءسانيا بايتاروۆا.

جاقىن كۇندەرى اتالعان بەينەفيلمدەر وبلىستىق «جەتىسۋ» تەلەارناسىنان كورسەتىلەدى. سونداي-اق، بارلىق الەۋمەتتىك جەلىلەر مەن ءار تۇلعانىڭ استانا جايلى ايتىلعان ويلارى مەن پىكرىلەرى قالا كوشەلەرىندەگى بيلبوردتارعا ىلىنەدى.

;feature=youtu.be

Abai.kz

0 پىكىر