Düysenbi, 25 Mausım 2018
432 0 pikir 8 Mausım, 2018 sağat 12:01

Q. Toqaev Vatikanda jäne Italiyada kezdesuler ötkizdi

Parlament Senatınıñ Törağası Qasım-Jomart Toqaev Vatikanda jäne Italiyada saparda boldı.

Q. Toqaev Vatikanda Kieli Taqtıñ Memlekettik hatşısı P'etro Parolinmen kezdesip, halıqaralıq kün tärtibiniñ negizgi mäseleleri boyınşa kelissöz jürgizdi.

Senat Törağası Qazaqstan men Vatikan arasındağı diplomatiyalıq qatınastar ornağan 26 jılda joğarı deñgeydegi özara tolıq tüsinistik pen senimge negizdelgen sındarlı ıntımaqtastıq qalıptasqanın atap ötti. Rim Papası Ioann Pavel İİ-niñ 2001 jılı Astanağa saparı tarihi oqiğa boldı. Q.Toqaevtıñ aytuınşa, bwl sapar qazaqstandıqtardıñ äli esinde, köptegen wlttar men konfessiyalardıñ, onıñ işinde katolik dininiñ ökilderi üşin tuğan jerge aynalğan bizdiñ elimizdiñ işki jäne sırtqı sayasatına joğarı bağa retinde sanaydı.

Jüzdesuşiler jahandıq qauipsizdikti nığaytu jäne dinder, mädenietter men örkenietter arasındağı ünqatısudı jalğastıruğa eki memlekettiñ wstanımdarınıñ jaqındığın atap ötti.

Q. Toqaev Älemdik jäne dästürli dinder köşbasşılarınıñ s'ezi turalı Memlekettik hatşını habardar etti. Prezident Nwrswltan Nazarbaevtıñ bastamasımen şaqırılğan bwl forum iri konfessiyalardıñ ökilderi, memleketter men halıqaralıq wyımdardıñ basşıları jäne belgili sayasatkerler bas qosatın äri jahandıq sın-qaterlerge birlesip jauap izdeuge arnalğan erekşe alañ bolıp tabıladı.

Biılğı 10-11 qazanda Astanada «Dini köşbasşılar qauipsiz älem jolında» taqırıbı boyınşa Älemdik jäne dästürli dinder liderleriniñ VI kezekti s'ezi ötedi. Q.Toqaev Memleket basşısı N. Nazarbaevtıñ Rim Papası Franciskke arnalğan aldağı forumğa qatısuğa şaqırudı Vatikannıñ Memlekettik hatşısına tabıs etti.

Qazaqstan astanasına keluge jäne S'ezge qatısuğa şaqıru kardinal P'etro Parolinge de berildi.

Parlament Senatınıñ Törağası Astanada ötken «EKSPO-2017» körmesine belsendi qatısqanı üşin Kieli Taqqa alğısın bildirdi. Vatikan pavil'onı qazirgi kezdegi özekti mäseleler men barşa adamzattıñ bolaşağı üşin tabiğat üylesimi mañızdı ekenine katolik şirkeui basa nazar audarıp otırğanın körsetti.

P'etro Parolin Älemdik jäne dästürli dinder liderleriniñ VI s'ezinde şaqırğanı üşin alğısın bildirdi. Ol forum älemge keñinen tanımal bola bastağanının ayta kelip, Vatikan aldağı uaqıtta da barlıq dini nanım-senimdi wstanuşılar arasında beybitşilik pen kelisimdi ornıqtıru jönindegi Qazaqstan Prezidenti N.Nazarbaevtıñ küş-jigerine qoldau bildirudi jalğastıra beretinin naqtıladı.

Qazaqstan Senatınıñ basşısı sol küni Italiya Senatınıñ Törağası Mariya Elizabetta Al'berti-Kazellatimen kelissöz jürgizdi.

Q.Toqaev diplomatiyalıq qatınastar ornağan 26 jılda Qazaqstan men Italiya ekijaqtı ıntımaqtastıqtı damıtuda tamaşa tabıstarğa jetkenin atap ötti. Italiya bizdiñ elimizdiñ üşinşi sauda äriptesine aynaldı, özara sauda aynalımınıñ kölemi 10 milliard dollarğa jetti, 2006 jıldan beri 10 jılda italiyalıq tikeley investiciyalar kölemi 6 milliard dollardı qwradı.

Kezdesu barısında Qazaqstannıñ kölik-logistikalıq äleuetine jäne Jibek jolınıñ jaña twjırımdamasın iske asıruda bizdiñ elimizdiñ negizgi röline basa nazar audarıldı. Q.Toqaevtıñ pikirinşe, Qazaqstan men Italiya bir-birinen alşaq ornalassa da kölikterdiñ damuınıñ arqasında eki el jaqın äriptes bola aladı.

Kelissözder qorıtındısı boyınşa qarqındı parlamentaralıq baylanıstardı jalğastıruğa uağdalastıqqa qol jetti. M.E. Al'berti- Kazellati Qazaqstanğa saparlap keluge şaqırudı qabıl aldı.

Abai.kz

0 pikir