Düysenbi, 25 Mausım 2018
448 10 pikir 11 Mausım, 2018 sağat 10:30

Täjikstan Qazaqstanda meningittiñ taraluına baylanıstı saqtanu şaraların qolğa aldı

Täjikstannıñ sanitarlıq-epidemiologiyalıq qızmeti Qazaqstandağı meningokok infekciyasınıñ taraluına baylanıstı Duşanbe äuejayında saqtanu şaraların qolğa alğan.

Eldiñ densaulıq saqtau ministrligi sanitarlıq-epidemiologiyalıq basqarmasınıñ basşısı Mizrob Nizomov Täjikstannan Qazaqstanğa kündelikti reys wşatının aytadı. Onıñ sözinşe, Qazaqstan Reseyden keyingi täjik migranttarı jwmıs isteuge köp baratın ekinşi memleket.

«Äuejayda sanitarlı-karantin baqılau jürgizip jatırmız. Temperaturası joğarı adamdardı arnayı apparat birden bayqaydı. Eger küdik bolsa, jolauşını birden auruhanağa jiberemiz. Sol jaqtan tekseruden ötedi», - dedi Mizrob Nizomov.

Biraq bügingi künge deyin atalğan indetti jwqtırdı degen qauippen eşkim tirkelmegen.

Qazaqstannıñ densaulıq saqtau ministrliginiñ resmi saytındağı mälimetke säykes, qauipti dertten Almatı qalasında 6 adam, Almatı oblısında – 4 adam, Oñtüstik Qazaqstan oblısında - 2 adam jäne Qızılorda oblısında – 1 adam qaytıs bolğan.

Mamandar meningokokk infekciyası sau adamğa nauqas nemese dertti tasmaldauşı adammen wzaq jäne tığız qarım-qatınasta bolğanda aua arqılı (jötelgen, tüşkirgen, söylesken kezde) jwğadı; jwqtırğan kezden bastap aurudıñ bastaluına deyin bir künnen on künge deyin ötedi; nauqas aurudıñ alğaşqı küninen bastap aynaladağı adamdar üşin jwqtıratın adam bolıp sanaladı dep eskertedi.

Abai.kz

10 pikir