جۇما, 29 ناۋرىز 2024
2926 10 پىكىر 11 ماۋسىم, 2018 ساعات 10:30

تاجىكستان قازاقستاندا مەنينگيتتىڭ تارالۋىنا بايلانىستى ساقتانۋ شارالارىن قولعا الدى

تاجىكستاننىڭ سانيتارلىق-ەپيدەميولوگيالىق قىزمەتى قازاقستانداعى مەنينگوكوك ينفەكتسياسىنىڭ تارالۋىنا بايلانىستى دۋشانبە اۋەجايىندا ساقتانۋ شارالارىن قولعا العان.

ەلدىڭ دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باسقارماسىنىڭ باسشىسى ميزروب نيزوموۆ تاجىكستاننان قازاقستانعا كۇندەلىكتى رەيس ۇشاتىنىن ايتادى. ونىڭ سوزىنشە، قازاقستان رەسەيدەن كەيىنگى تاجىك ميگرانتتارى جۇمىس ىستەۋگە كوپ باراتىن ەكىنشى مەملەكەت.

«اۋەجايدا سانيتارلى-كارانتين باقىلاۋ جۇرگىزىپ جاتىرمىز. تەمپەراتۋراسى جوعارى ادامداردى ارنايى اپپارات بىردەن بايقايدى. ەگەر كۇدىك بولسا، جولاۋشىنى بىردەن اۋرۋحاناعا جىبەرەمىز. سول جاقتان تەكسەرۋدەن وتەدى»، - دەدى ميزروب نيزوموۆ.

بىراق بۇگىنگى كۇنگە دەيىن اتالعان ىندەتتى جۇقتىردى دەگەن قاۋىپپەن ەشكىم تىركەلمەگەن.

قازاقستاننىڭ دەنساۋلىق ساقتاۋ مينيسترلىگىنىڭ رەسمي سايتىنداعى مالىمەتكە سايكەس، قاۋىپتى دەرتتەن الماتى قالاسىندا 6 ادام، الماتى وبلىسىندا – 4 ادام، وڭتۇستىك قازاقستان وبلىسىندا - 2 ادام جانە قىزىلوردا وبلىسىندا – 1 ادام قايتىس بولعان.

ماماندار مەنينگوكوكك ينفەكتسياسى ساۋ ادامعا ناۋقاس نەمەسە دەرتتى تاسمالداۋشى اداممەن ۇزاق جانە تىعىز قارىم-قاتىناستا بولعاندا اۋا ارقىلى (جوتەلگەن، تۇشكىرگەن، سويلەسكەن كەزدە) جۇعادى; جۇقتىرعان كەزدەن باستاپ اۋرۋدىڭ باستالۋىنا دەيىن ءبىر كۇننەن ون كۇنگە دەيىن وتەدى; ناۋقاس اۋرۋدىڭ العاشقى كۇنىنەن باستاپ اينالاداعى ادامدار ءۇشىن جۇقتىراتىن ادام بولىپ سانالادى دەپ ەسكەرتەدى.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606