Düysenbi, 25 Mausım 2018
452 8 pikir 11 Mausım, 2018 sağat 10:31

Reseylik qws fabrikası önimderinen şoşqa DNK-sı tabılğan

Qazaqstannıñ auıl şaruaşılığı ministrligi Reseydiñ birqatar kompaniyalarınıñ önimderin importtauğa tıyım saldı. Ministrlik saytında talaptardıñ bwzıluına baylanıstı şara qoldandı delingen. Alayda bwğan jauap retinde Resey de qazaqstandıq süt önimderine şekteu qoymaq.

Reseydiñ «Bryanskiy broyler», «Injavinskaya pticefabrika», «Prioskol'e» jäne «Çebarkul'skaya ptica» dep atalatın qws fabrikalarınıñ önimderinen koliform bakteriyasın (bwl bakteriyalar işekte kezdesetin qwrt tayaqşası tobın tuğızadı) tapqan.

Reseydiñ sonımen birge şwjıq şığaratın «Caricıno» kompaniyasına da tıyım salınğan. Mälimetke qarağanda, qws etinen jasalğan şwjıqtıñ qwramınan şoşqanıñ DNK-sı tabılğan.

Bwl zañ bwzuşılıqtardı dereu joyu üşin Reseydiñ tiisti organdarına resmi hat jazıldı dep atap ötken Qazaqstannıñ auıl şaruaşılığı ministrligi.

Alayda Mäskeuden bwğan jauap retinde Qazaqstannıñ üş käsiporınnıñ süt önimderin importtauğa şekteu qoyıladı degen habarlama alğan. Rossel'hoznadzor 1 şildeden bastap qazaqstandıq «Tayınşa-Astıq», «Dep» jäne «Süt önimderi» kompaniyasınıñ önimderine tıyım saluğa mäjbürmiz dep mälimdegen. Mäskeu onıñ sebebin importtauda alayaqtıq orın alğan-mıs dep tüsindirgen.

Resey men Qazaqstan Euraziyalıq ekonomikalıq odaqqa müşe. Mwndağı maqsat erkin tauar aynalımın jürgizetin ortaq narıq qalıptastıru.

Abai.kz

8 pikir