دۇيسەنبى, 25 ماۋسىم 2018
451 8 پىكىر 11 ماۋسىم, 2018 ساعات 10:31

رەسەيلىك قۇس فابريكاسى ونىمدەرىنەن شوشقا دنك-سى تابىلعان

قازاقستاننىڭ اۋىل شارۋاشىلىعى مينيسترلىگى رەسەيدىڭ بىرقاتار كومپانيالارىنىڭ ونىمدەرىن يمپورتتاۋعا تىيىم سالدى. مينيسترلىك سايتىندا تالاپتاردىڭ بۇزىلۋىنا بايلانىستى شارا قولداندى دەلىنگەن. الايدا بۇعان جاۋاپ رەتىندە رەسەي دە قازاقستاندىق ءسۇت ونىمدەرىنە شەكتەۋ قويماق.

رەسەيدىڭ «بريانسكي برويلەر»، «ينجاۆينسكايا پتيتسەفابريكا»، «پريوسكولە» جانە «چەباركۋلسكايا پتيتسا» دەپ اتالاتىن قۇس فابريكالارىنىڭ ونىمدەرىنەن كوليفورم باكتەرياسىن (بۇل باكتەريالار ىشەكتە كەزدەسەتىن قۇرت تاياقشاسى توبىن تۋعىزادى) تاپقان.

رەسەيدىڭ سونىمەن بىرگە شۇجىق شىعاراتىن «تساريتسىنو» كومپانياسىنا دا تىيىم سالىنعان. مالىمەتكە قاراعاندا، قۇس ەتىنەن جاسالعان شۇجىقتىڭ قۇرامىنان شوشقانىڭ دنك-سى تابىلعان.

بۇل زاڭ بۇزۋشىلىقتاردى دەرەۋ جويۋ ءۇشىن رەسەيدىڭ ءتيىستى ورگاندارىنا رەسمي حات جازىلدى دەپ اتاپ وتكەن قازاقستاننىڭ اۋىل شارۋاشىلىعى مينيسترلىگى.

الايدا ماسكەۋدەن بۇعان جاۋاپ رەتىندە قازاقستاننىڭ ءۇش كاسىپورىننىڭ ءسۇت ونىمدەرىن يمپورتتاۋعا شەكتەۋ قويىلادى دەگەن حابارلاما العان. روسسەلحوزنادزور 1 شىلدەدەن باستاپ قازاقستاندىق «تايىنشا-استىق»، «دەپ» جانە «ءسۇت ونىمدەرى» كومپانياسىنىڭ ونىمدەرىنە تىيىم سالۋعا ءماجبۇرمىز دەپ مالىمدەگەن. ماسكەۋ ونىڭ سەبەبىن يمپورتتاۋدا الاياقتىق ورىن العان-مىس دەپ تۇسىندىرگەن.

رەسەي مەن قازاقستان ەۋرازيالىق ەكونوميكالىق وداققا مۇشە. مۇنداعى ماقسات ەركىن تاۋار اينالىمىن جۇرگىزەتىن ورتاق نارىق قالىپتاستىرۋ.

Abai.kz

8 پىكىر