Särsenbi, 14 Qaraşa 2018
Abay-aqparat 3195 10 pikir 11 Mausım, 2018 sağat 11:05

Qıtay azamattarı bizdiñ elge vizasız kire aladı eken degen aqparat jalğan

Soñğı 2-3 künnen beri äleumettik jelide Qazaqstan men Qıtay arasında vizasız baylanıs ornatıladı degen qaueset taradı. Tipti, Qıtay elşiligi aldında wzın-sonar kezekte twrğan qıtaylardıñ beynejazbası payda boldı.

Osığan baylanıstı Qazaqstannıñ Sırtqı ister ministrligi jauap berdi. Jauap bergende de - eki el arasındağı vizasız qarım-qatınas ornatu turalı aqparattıñ jalğan ekeni aytıldı.

"Qazaqstan Qıtaymen arada vizasız rejim engizu turalı eşqanday kelissözder jürgizip jatqan joq. Qıtay azamattarı bizdiñ elge vizasız kire aladı eken degen aqparat şındıqqa janaspaydı. Jalğan aqparat. Tipti provokaciyalıq aqparat", - dedi SİM.

Degenmen, Sırtqı ister ministrligi tranzit arqılı wşıp bara jatqan  Qıtay azamattarına äuejayda vizasız bolu uaqıtın  24 sağattan 72 sağatqa deyin wzartu jöninde kelissözder jürip jatqanın rastadı.

YAğni, Qazaqstan men Qıtay özara kelissözder jürgizip jatır. Ol boyınşa - Qıtaydıñ Halıqaralıq äuejayları üşin, tranzit arqılı wşatındarğa Qazaqstan aumağında vizasız bolu uaqıtın 24 sağattan 72 sağatqa deyin wzartuğa mümkindik beredi. Sonday-aq, qazaqstandıqtar üşin jekelegen viza türlerin beru mäselesi de qamtılğan.

Abai.kz

10 pikir