Düysenbi, 25 Mausım 2018
1123 3 pikir 14 Mausım, 2018 sağat 12:14

Terrorizmdi qoldaytın postqa "layk" basqandar sottaladı

Bwdan bılay Täjikstanda terrorizm qoldap, terakt jasauğa aşıq şaqırğandar 10 jıldan 15 jılğa deyin bas bostandığınan ayırıluı mümkin.

Täjik parlamentiniñ tömengi palatasınıñ deputattarı 13 mausımda Qılmıstıq kodekstiñ "Terroristik sipattağı qılmıstardı jasauğa şaqıru jäne (nemese) terroristik is-äreketterdi jariya türde aqtau" degen 179-babına engizilgen özgerister men tolıqtırulardı bir auızdan maqwldadı. Atalğan bapqa «Internet arqılı» degen söz tirkesi engizilgen. YAğni äleumettik jeliler arqılı terrorizmge ündegender wzaq merzimge bas bostandığınan ayırıladı.

Täjikstannıñ sot täjiribesinde Feysbukta terroristik sipatta delingen materialdarğa "layk" basqanı üşin jauapqa tartılğan birneşe oqiğalar boldı.

Täjikstandağı täuelsizdik BAQ-tıñ wlttıq qauımdastığı törağası Nuriddin Karşiboev Qılmıstıq kodekske engizilgen özgerister ekstremizm jäne terrorizmge qatıstı qılmıstı qataytu dep biledi. Onıñ sözinşe, osığan deyin keybir zañdarğa engizilgen özgerister bwl mäselege tikeley ne janama qatıstı bolğan.

«Kez kelgen esi dwrıs adam terrorizm men ekstremizmniñ payda boluın qoldamaydı. Biraq qwqıq qorğau organdarı tarapınan zañ normaların dwrıs taldamaydı degen qauip bar. Sol üşin parlament ökilderi halıq arasında dwrıs tüsindiru jwmıstarın jürgizu kerek», - deydi ol.

Abai.kz

3 pikir