Düysenbi, 25 Mausım 2018
1151 11 pikir 14 Mausım, 2018 sağat 12:35

Memleket basşısı birqatar zañğa qol qoydı

Memleket basşısı «1992 jılğı 6 şildedegi TMD Ekonomikalıq Sotınıñ märtebesi turalı kelisimge özgerister engizu turalı hattamanı ratifikaciyalau turalı» Zañğa qol qoydı. Bwl turalı Aqordanıñ baspasöz qızmeti habarlaydı.

Sonday-aq, Prezident memlekettik äleumettik tapsırıs, granttar jäne sıylıqaqılar beru tetigin jetildiruge bağıttalğan «QR keybir zañnamalıq aktilerine kommerciyalıq emes wyımdardıñ qızmeti mäseleleri boyınşa özgertuler men tolıqtırular engizu turalı» QR Zañına qol qoydı.

Bwdan özge, Nwrswltan Nazarbaev «QR men Halıqaralıq qayta qwru jäne damu banki arasındağı Qarız turalı kelisimdi (Orta bilim berudi jañğırtu jobası) ratifikaciyalau turalı» Zañğa qol qoydı.

Memleket Basşısı «2004 jılğı 18 mausımdağı Wjımdıq qauipsizdik turalı şart wyımı şeñberinde qwpiya aqparattıñ saqtaluın özara qamtamasız etu turalı kelisimge özgerister engizu turalı hattamanı ratifikaciyalau turalı» Zañğa qol qoydı.

Zañdardıñ mätini baspasözde jariyalanadı.

Sonımen qatar QR Prezidentiniñ Wlttıq dombıra küni turalı Jarlığı şıqtı. Jarlıq mätininde:

«Qoğamdı wlttıq mädeniet pen biregeylikti saqtau men qayta jañğırtu ideyasınıñ töñireginde odan äri toptastıru maqsatında qaulı etemin:

1. Şildeniñ birinşi jeksenbisi Wlttıq dombıra küni bolıp ayqındalsın.

2. QR Ükimeti osı Jarlıqtı iske asıru jöninde şaralar qabıldasın.

3. Osı Jarlıqtıñ orındaluın baqılau QR Prezidentiniñ Äkimşiligine jüktelsin.

4.  Osı Jarlıq jariyalanğan küninen bastap qoldanısqa engiziledi» delingen.

Abai.kz

11 pikir