مەملەكەت باسشىسى «1992 جىلعى 6 شىلدەدەگى تمد ەكونوميكالىق سوتىنىڭ مارتەبەسى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭعا قول قويدى. بۇل تۋرالى اقوردانىڭ ءباسپاسوز قىزمەتى حابارلايدى.

سونداي-اق، پرەزيدەنت مەملەكەتتىك الەۋمەتتىك تاپسىرىس، گرانتتار جانە سىيلىقاقىلار بەرۋ تەتىگىن جەتىلدىرۋگە باعىتتالعان «قر كەيبىر زاڭنامالىق اكتىلەرىنە كوممەرتسيالىق ەمەس ۇيىمداردىڭ قىزمەتى ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» قر زاڭىنا قول قويدى.

بۇدان وزگە، نۇرسۇلتان نازارباەۆ «قر مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (ورتا ءبىلىم بەرۋدى جاڭعىرتۋ جوباسى) راتيفيكاتسيالاۋ تۋرالى» زاڭعا قول قويدى.

مەملەكەت باسشىسى «2004 جىلعى 18 ماۋسىمداعى ۇجىمدىق قاۋىپسىزدىك تۋرالى شارت ۇيىمى شەڭبەرىندە قۇپيا اقپاراتتىڭ ساقتالۋىن ءوزارا قامتاماسىز ەتۋ تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭعا قول قويدى.

زاڭداردىڭ ءماتىنى باسپاسوزدە جاريالانادى.

سونىمەن قاتار قر پرەزيدەنتىنىڭ ۇلتتىق دومبىرا كۇنى تۋرالى جارلىعى شىقتى. جارلىق ماتىنىندە:

«قوعامدى ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە ودان ءارى توپتاستىرۋ ماقساتىندا قاۋلى ەتەمىن:

1. شىلدەنىڭ ءبىرىنشى جەكسەنبىسى ۇلتتىق دومبىرا كۇنى بولىپ ايقىندالسىن.

2. قر ۇكىمەتى وسى جارلىقتى ىسكە اسىرۋ جونىندە شارالار قابىلداسىن.

3. وسى جارلىقتىڭ ورىندالۋىن باقىلاۋ قر پرەزيدەنتىنىڭ اكىمشىلىگىنە جۇكتەلسىن.

4.  وسى جارلىق جاريالانعان كۇنىنەن باستاپ قولدانىسقا ەنگىزىلەدى» دەلىنگەن.

Abai.kz