Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4613. Qaytıs bolğandar — 37
Ekonomika 2137 30 pikir 17 Şilde, 2018 sağat 10:07

Nazarbaev: Teñgeniñ qwbıluı halıqtıñ äl-auqatına äser etpeydi

Qazaqstan prezidenti Nwrswltan Nazarbaev 16 şildede Wlttıq bank törağası Daniyar Aqışevti qabıldadı. Bwl turalı Aqorda habarladı.

Kezdesude Nazarbaev valyuta-qarjı narığındağı twraqtılıqtı saqtau jäne ekonomikanı äri qaray damıtu üşin elde qajetti jağday jasalğanın ayttı.

"Birinşi jartı jıldıqta ekonomika tört payızdan astam östi. Teñgeni erkin aynalımğa jibergenimiz dwrıs boldı. Belgili bir deñgeyde auıtqulardıñ bolatınına üyrenu kerek. Bwl twrğındardıñ äl-auqatına äser etpeydi" dedi Nwrswltan Nazarbaev.

Aqışevtıñ aytuınşa, teñge bağamınıñ özgeruine Qazaqstan halqı beyimdelgen.

"Teñge bağamınıñ özgeruine äser etetin negizgi faktor – Qazaqstannıñ sauda-ekonomikalıq narığındağı valyutalıq-qarjılıq jağday. Ekinşi faktor – dollardıñ bükil älem boyınşa nığayuı. Bwl orayda, käsiporındar men twrğındardıñ mwnday qwbılmalı bağamğa beyimdelgenin atap ötu kerek. Qazaqstanda şeteldik valyutağa degen swranıstıñ tömendegeni bayqalıp otır" dedi Wlttıq bank törağası.

Aqışev kezdesude negizgi körsetkişter boyınşa Qazaqstan qarjı narığında twraqtı jağday qalıptasqanın ayttı.

"2018 jılğı mausım ayınıñ qorıtındısı boyınşa inflyaciyanıñ jıldıq körsetkişi 5,9 payızdı qwradı. Bwl – soñğı üş jıl işindegi eñ tömengi körsetkiş. Wlttıq bank inflyaciya deñgeyin 2020 jılğa qaray 4 payızğa deyin tömendetudi közdep otır" dedi ol.

Abai.kz

30 pikir