Düysenbi, 23 Qırküyek 2019
Qılmıs 1806 9 pikir 20 Şilde, 2018 sağat 20:50

Denis Tenniñ qazasına qatısı bar delingen ekinşi küdikti wstaldı

Olimpiada jüldegeri Denis Tenniñ ölimine qatısı bar boluı mümkin ekinşi küdikti Arman Qwdaybergenov wstaldı. Bwl turalı Almatı qalalıq İİD arnayı brifing ötkizip, habarladı. 

«2018 jılı 20-şildede Denis Tenniñ ölimine qatısı boluı mümkin degen küdikpen 1994 jılı tuğan Qızılorda oblısı Qarmaqşı audanı,  Aqay auılınıñ tuması Qwdaybergenov Arman Böribaeviç wstaldı. Qazir ol öziniñ qılmıs jasağanın jäne Denis Tenge eki jerinen pışaq salğanın moyındadı. Küdikti Aqsay 2 şağın audanınan köşeden wstaldı. Bwlar özderine aqşa kerek bolğan soñ, osı qadamğa barğan», - dedi Almatı qalalıq İİD-niñ basşısı Serik Küdebaev.

Policiyanıñ aytuınşa,  ekeui de bwrın isti bolğan.

"Ekeui de istegen isin moynına aldı. Olar Denis Tendi öltirip alğanın keyin äleumettik jeliden bir-aq bilgen", - dedi ol.

Ayta ketsek, Qazaqstandıq mänerlep sırğanauşı Denis Ten 19 şilde küni pışaq jaraqatınan qaza bolğan edi. Oqiğa Qwrmanğazı Bayseyitova köşeleriniñ qiılısında 19 şildede küni tüski sağat 15:00 şamasında bolğan. Sportşı köliginiñ aynasın wrlamaq bolğan eki adamnıñ üstinen tüsken. Arada bastalğan janjaldıñ saldarınan wrılar Denis Tenge pışaq swğıp alğan. Ol oñ jaq sanınıñ joğarğı twsınan jaraqat aldı. 25 jastağı Ten üş litr qan joğaltıp, auruhanağa öte auır jağdayda jetkizildi. Biraq Almatı qalalıq Densaulıq saqtau basqarmasınıñ basşısı Serikbol Musinov qosımşa qan qajet emestigin jäne resurstar jetkilikti ekendigin mälim etken bolatın. 2,5 sağatqa jalğasqan reanimaciyalıq şaralarğa qaramastan, auruhana därigerleri onıñ ömirine araşa tüse almadı. Sağat 17.30-da Olimpiada jüldegeri qaytıs boldı. Adam öltiru babımen qılmıstıq is qozğaldı.Bügin belgili bolğanday, sportşınıñ ölimine qatısı bar eki küdiktiniñ biri wstalıp, ol qılmısın moyındadı. Ekinşi küdikti - 1994 jılı tuğan Qızılorda oblısı, Qarmaqşı audanı, Aqay auılınıñ tuması Arman Qwdaybergenovke izdeu jariyalandı.Sonday-aq,  Denis Tenniñ ölimine küdikti Nwralı Qiyasov küzetpen Almalı audandıq sotına jetkizilgen. Aldın ala taratılğan aqparat boyınşa Denis Tenniñ ölimine qatıstı küdikti ekinşi adam - Arman Qwdaybergenov te wstaldı.

Abai.kz

9 pikir