Álemge berip otyrghan týgimiz joq...
"Qazaq myqty xalyqpyz! 250 jyl Reseyge bodan bolyp, nebir zúlmattan aman qalghan elmiz" degen әngimelerdi men týsinbeymin. Ózi 550 jyl qúrghan xandyqtyng 250 jylynda bireuding qolastynda bodan bolyp, jalynyp, jaltaqtap ótkizgenning nesi myqtylyq?.. Ayanyshty, tipti úyalatyn jaghday ghoy. Reseyge bodan bolyp, qiynshylyqty bastan ótkizgen xalyq ta jalghyz biz emes. Kenes Odaghynan tәuelsizdigin birinshi bolyp alyp ketken kórshi ózbek pen qyrghyz bizden әlsiz ba sonda?..
Mysaly, týrikter eshqashan, eshkimge baghynbaghan, 600 jyl imperiya qúryp, ghasyrlar boyy Evropany ayaghynan tik túrghyzghan elmiz dep keudesin kerip aitady. Onyng qasynda "250 jyl bodan bolyp, әiteuir aman qalghan myqty xalyqpyz" degen bizding әngime ózining kóp tayaq jegenin aityp, ayanyshty sezim tudyrghysy keletin beysharanyng tirligi sekildi.
Meninshe, myqtylyq degen "Dәl býgingi kýni sen kimsin?", "Álemge ne berip otyrsyn?" "Qolynnan últ retinde ne kәsip keledi?" degen ólshemdermen ólshenui kerek. Kórshi ózbek asxanasy men qolóneri arqyly tanymal, týrikter servis pen kiyim tiguding sheberi, japon texnologiyasyn barlyghy moyyndaghan, nemisting kóligi, fransuzdyng pejosy әlemge ayan. Al, qazaqtyng qolynan keletin kәsip mynau, shygharatyn tauary mynau dep aitugha kelmeydi. Turasyn aitqanda últ retinde biz eshqanday kәsipke nemese naqty ónim óndirip, ózge xalyqqa satyp, tabys tabugha mamandanbaghan tútynushy xalyqpyz. Álemge berip otyrghan týgimiz joq. Múnday xalyqta qanday myqtylyq boluy mýmkin?..
Bizding ziyaly qauymnyng basym bóligin tariyxshylar men jazushylar qúraydy. "250 jyl bodan bolyp aman qalghan myqty xalyqpyz" degen filosofiyany da sol әngimesi kóp gumanitarlar oilap tapqan. Turasyn aitqanda bizding xalyqqa últ retinde sanany modernizasiyalau kerek. Gumanitar ziyalylarymyz sekildi ózimiz de bos әngimesi men filosofiyasy kóp xalyqpyz negizi...
Bauyrjan Serikbaydyng facebook paraqshasynan
Abai.kz
