الەمگە بەرىپ وتىرعان تۇگىمىز جوق...
"قازاق مىقتى xالىقپىز! 250 جىل رەسەيگە بودان بولىپ، نەبىر زۇلماتتان امان قالعان ەلمىز" دەگەن اڭگىمەلەردى مەن تۇسىنبەيمىن. ءوزى 550 جىل قۇرعان xاندىقتىڭ 250 جىلىندا بىرەۋدىڭ قولاستىندا بودان بولىپ، جالىنىپ، جالتاقتاپ وتكىزگەننىڭ نەسى مىقتىلىق؟.. ايانىشتى، ءتىپتى ۇيالاتىن جاعداي عوي. رەسەيگە بودان بولىپ، قيىنشىلىقتى باستان وتكىزگەن xالىق تا جالعىز ءبىز ەمەس. كەڭەس وداعىنان تاۋەلسىزدىگىن ءبىرىنشى بولىپ الىپ كەتكەن كورشى وزبەك پەن قىرعىز بىزدەن ءالسىز با سوندا؟..
مىسالى، تۇرىكتەر ەشقاشان، ەشكىمگە باعىنباعان، 600 جىل يمپەريا قۇرىپ، عاسىرلار بويى ەۆروپانى اياعىنان تىك تۇرعىزعان ەلمىز دەپ كەۋدەسىن كەرىپ ايتادى. ونىڭ قاسىندا "250 جىل بودان بولىپ، ايتەۋىر امان قالعان مىقتى xالىقپىز" دەگەن ءبىزدىڭ اڭگىمە ءوزىنىڭ كوپ تاياق جەگەنىن ايتىپ، ايانىشتى سەزىم تۋدىرعىسى كەلەتىن بەيشارانىڭ تىرلىگى سەكىلدى.
مەنىڭشە، مىقتىلىق دەگەن ء"دال بۇگىنگى كۇنى سەن كىمسىڭ؟", "الەمگە نە بەرىپ وتىرسىڭ؟" "قولىڭنان ۇلت رەتىندە نە كاسىپ كەلەدى؟" دەگەن ولشەمدەرمەن ولشەنۋى كەرەك. كورشى وزبەك اسxاناسى مەن قولونەرى ارقىلى تانىمال، تۇرىكتەر سەرۆيس پەن كيىم تىگۋدىڭ شەبەرى، جاپون تەxنولوگياسىن بارلىعى مويىنداعان، نەمىستىڭ كولىگى، فرانتسۋزدىڭ پەجوسى الەمگە ايان. ال، قازاقتىڭ قولىنان كەلەتىن كاسىپ مىناۋ، شىعاراتىن تاۋارى مىناۋ دەپ ايتۋعا كەلمەيدى. تۋراسىن ايتقاندا ۇلت رەتىندە ءبىز ەشقانداي كاسىپكە نەمەسە ناقتى ءونىم ءوندىرىپ، وزگە xالىققا ساتىپ، تابىس تابۋعا ماماندانباعان تۇتىنۋشى xالىقپىز. الەمگە بەرىپ وتىرعان تۇگىمىز جوق. مۇنداي xالىقتا قانداي مىقتىلىق بولۋى مۇمكىن؟..
ءبىزدىڭ زيالى قاۋىمنىڭ باسىم بولىگىن تاريxشىلار مەن جازۋشىلار قۇرايدى. "250 جىل بودان بولىپ امان قالعان مىقتى xالىقپىز" دەگەن فيلوسوفيانى دا سول اڭگىمەسى كوپ گۋمانيتارلار ويلاپ تاپقان. تۋراسىن ايتقاندا ءبىزدىڭ xالىققا ۇلت رەتىندە سانانى مودەرنيزاتسيالاۋ كەرەك. گۋمانيتار زيالىلارىمىز سەكىلدى ءوزىمىز دە بوس اڭگىمەسى مەن فيلوسوفياسى كوپ xالىقپىز نەگىزى...
باۋىرجان سەرىكبايدىڭ facebook پاراقشاسىنان
Abai.kz
