Düysenbi, 16 Qırküyek 2019
Alaşorda 3161 2 pikir 29 Qazan, 2018 sağat 11:54

Şäkärimniñ üş fotosureti turalı...

Hakim Abaydıñ inisi, şäkirti, oyşıl aqın Şäkärim Qwdayberdiwlınıñ 3 fotosureti  saqtalıp, bügingi künge jetken eken

Osı fotosuretterdiñ qilı zamannan bügingi wrpaqqa jetu  tarihı öz aldına bir ülken äñgime.

Birinşi fotodan (joğarıda) eki dana bügingi künge jetken. Onıñ bireui jazuşı Säbit Mwqanovtıñ Almatıdağı mwrajay üyinde saqtalğan. Şäkärim 1931 jılı aqpan ayında jazuşı Säbit Mwqanovqa arnayı hat jazğan. Foto sol hatpen birge jiberilgen degen boljam bar.

Osı fotonıñ ekinşi danasın saqtap qalğan Şäuken degen mılqau adam. Ol kisiniñ şın atı Orazğali eken. Audandıq OPGU-da otjağuşı bolıp jwmıs istep jürgen Şäuken özi örtep jatqan qağazdardıñ arasınan Şäkärim fotasın tauıp alıp, soğıstan keyin Almatıdağı Mwhtar Äuezovtıñ üyinde  Ahat Şäkärimwlına tabıstağan  degen derekter bar.

Ahat Şäkärimwlınıñ aytuınşa bwl fotoğa Şäkärim 1905 jıldarı qajılıq saparğa attanar aldında qwjat üşin tüsken eken.

Qolına bürkit alıp tüsken Şäkärim fotosuretin Fedor Arturoviç Fial'strup tüsirgen. Foto surettegi adam Şäkärim be degen küdik köpke deyin öz şeşimin tappay kelgen. Öytkeni fotonıñ sırtında «Ohotnik s berkutom. Kazahi. Semipalatinskoy U. 1927» degen jazu bolğan. 2014 jılı «Jidebay Börili» qorıq-mwrajayınıñ qızmetkerleri Mäskeudiñ etnologiya jäne antropologiya institutınıñ mwrajayınan däl osı fotonıñ ekinşi danasın tabadı. Fotosurettiñ sırtına Şäkärimniñ atı jazılğan eken.

Bwl suretti 2009 jılı Semeydegi mwrajay qızmetkeri Laura Qadırova qwjattar arasınan tauıp alğan. Fotosurettiñ astına tayğa tañba basqanday «T.№237. Hrebet Çingiz. Verhov'ya reçek. Poet i pisatel' Şakarim Kudayberdin» dep jazılğan eken.

Foto wzaq jıldar boyı Semey qalalıq Qazirgi zaman tarihı qwjatnama ortalığında saqtalıp kelgen. Keyinnen belgili bolğanday 1924 jılı N.P.Smıslovskiy basqarğan ekspediciya Şıñğıstau uezine qarastı    özenderdiñ  boyındağı sulandıru jüyesin zerttegen eken. Şäkärim osı kezeñde jolbasşı retinde ekspediciya qwramında bolğan.

 Dayındağan  Däulet Tileuberdi, Semey qalası

Abai.kz

 

2 pikir