Düysenbi, 21 Qazan 2019
Ağaş at 1961 23 pikir 6 Qaraşa, 2018 sağat 13:39

«Astana Hub» Halıqaralıq tehnoparki öz jwmısın bastadı

Bügin bas qalada «Astana Hub» halıqaralıq İT-startaptar tehnoparkiniñ jwmısın resmi iske qosu şarası ötti. Şarağa Memleket basşısı Nwrswltan Nazarbaev qatıstı. Bwl turalı Abai.kz aqparattıq portalı habarlaydı.

Sonday-aq, QR Ükimet basşısı Baqıtjan Sağıntaev, Estoniya Prem'er-Ministri YUri Raktas, halıqaralıq İT-qoğamdastığınıñ negizgi ökilderi, tehnologiya salasında tanılğan sarapşılar, käsiporın basşıları, tehnologiyalıq käsipkerler men birqatar eldiñ memlekettik sektorlarınıñ ökilderi, ğalımdar, cifrlıq äzirlemeler salasınıñ mamandarı, vençurlıq investorlar qatısıp, öz oyların ortağa saldı.

«Bügin biz Astana Hub-tı aşıp otırmız. Bwl Qazaqstannıñ cifrlıq älemi üşin ğana emes tolıqtay alğanda mañızdı oqiğa sanaladı. Barlıqtarıñızdı innovaciyanı damıtuğa belsendi qatısuğa şaqıramın jäne Astana Hub  kompaniyalar üşin älemdik tanımaldıqqa ie bolu jolındağı tramplinge aynalarına senimdimin. Biz küş biriktiru arqılı barlıq alğa qoyılğan maqsattarğa jedel äri tiimdi qol jetkize alatındığımızğa senimim mol. Al maqsat belgili - qazaqstandıqtar bükil älemnen artta qalıp qoymauı kerek», - dedi Elbası Nwrswltan Äbişwlı qwttıqtau sözinde.

Elbası büginde Qazaqstan postkeñestik elderi işinde reformalar qarqını, jan basına şaqqandağı ekonomika kölemi  men damuı boyınşa aldıñğı qatarlı memleketke aynalğanın basa ayttı.

Ayta keteyik, Astana Hub missiyası - el ekonomikasın nığaytu üşin startap-mädenietti damıtu jäne joğarı tehnologiyalıq jobalardı qoldau. Aldağı uaqıtta tehnopark Qazaqstan innovaciyasınıñ ekojüyesin damıtudıñ özegi äri lokomotivine aynalıp, tehnologiyalıq biznesti damıtu üşin halıqaralıq deñgeyde moyındalğan hab boluı qajet. Jalpı Astana Hub 2022 jılğa qaray startap-rezidentterdi investiciyalau körsetkişin 67 mlrd teñgege jetkizudi maqsat etip otır.

Abai.kz

23 pikir