دۇيسەنبى, 16 قىركۇيەك 2019
اعاش ات 1920 23 پىكىر 6 قاراشا, 2018 ساعات 13:39

«Astana Hub» حالىقارالىق تەحنوپاركى ءوز جۇمىسىن باستادى

بۇگىن باس قالادا «Astana Hub» حالىقارالىق ءىت-ستارتاپتار تەحنوپاركىنىڭ جۇمىسىن رەسمي ىسكە قوسۋ شاراسى ءوتتى. شاراعا مەملەكەت باسشىسى نۇرسۇلتان نازارباەۆ قاتىستى. بۇل تۋرالى Abai.kz اقپاراتتىق پورتالى حابارلايدى.

سونداي-اق، قر ۇكىمەت باسشىسى باقىتجان ساعىنتاەۆ، ەستونيا پرەمەر-ءمينيسترى يۋري راكتاس، حالىقارالىق ءىت-قوعامداستىعىنىڭ نەگىزگى وكىلدەرى، تەحنولوگيا سالاسىندا تانىلعان ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن بىرقاتار ەلدىڭ مەملەكەتتىك سەكتورلارىنىڭ وكىلدەرى، عالىمدار، تسيفرلىق ازىرلەمەلەر سالاسىنىڭ ماماندارى، ۆەنچۋرلىق ينۆەستورلار قاتىسىپ، ءوز ويلارىن ورتاعا سالدى.

«بۇگىن ءبىز Astana Hub-تى اشىپ وتىرمىز. بۇل قازاقستاننىڭ تسيفرلىق الەمى ءۇشىن عانا ەمەس تولىقتاي العاندا ماڭىزدى وقيعا سانالادى. بارلىقتارىڭىزدى يننوۆاتسيانى دامىتۋعا بەلسەندى قاتىسۋعا شاقىرامىن جانە Astana Hub  كومپانيالار ءۇشىن الەمدىك تانىمالدىققا يە بولۋ جولىنداعى ترامپلينگە اينالارىنا سەنىمدىمىن. ءبىز كۇش بىرىكتىرۋ ارقىلى بارلىق العا قويىلعان ماقساتتارعا جەدەل ءارى ءتيىمدى قول جەتكىزە الاتىندىعىمىزعا سەنىمىم مول. ال ماقسات بەلگىلى - قازاقستاندىقتار بۇكىل الەمنەن ارتتا قالىپ قويماۋى كەرەك»، - دەدى ەلباسى نۇرسۇلتان ءابىشۇلى قۇتتىقتاۋ سوزىندە.

ەلباسى بۇگىندە قازاقستان پوستكەڭەستىك ەلدەرى ىشىندە رەفورمالار قارقىنى، جان باسىنا شاققانداعى ەكونوميكا كولەمى  مەن دامۋى بويىنشا الدىڭعى قاتارلى مەملەكەتكە اينالعانىن باسا ايتتى.

ايتا كەتەيىك، Astana Hub ميسسياسى - ەل ەكونوميكاسىن نىعايتۋ ءۇشىن ستارتاپ-مادەنيەتتى دامىتۋ جانە جوعارى تەحنولوگيالىق جوبالاردى قولداۋ. الداعى ۋاقىتتا تەحنوپارك قازاقستان يننوۆاتسياسىنىڭ ەكوجۇيەسىن دامىتۋدىڭ وزەگى ءارى لوكوموتيۆىنە اينالىپ، تەحنولوگيالىق بيزنەستى دامىتۋ ءۇشىن حالىقارالىق دەڭگەيدە مويىندالعان حاب بولۋى قاجەت. جالپى Astana Hub 2022 جىلعا قاراي ستارتاپ-رەزيدەنتتەردى ينۆەستيتسيالاۋ كورسەتكىشىن 67 ملرد تەڭگەگە جەتكىزۋدى ماقسات ەتىپ وتىر.

Abai.kz

23 پىكىر