Dýisenbi, 27 Mausym 2022
Sanlaq 5602 6 pikir 7 Qarasha, 2018 saghat 11:20

Álem chempionaty: Eki "jana qazaq" jýlde aldy

Týrikmenstan astanasy Ashhabad qalasynda auyr atletikadan liysenziyalyq әlem chempionaty ótip jatyr.

Búl synda doping dauyna baylanysty bir jyl boyy halyqaralyq jarystargha qatysa almaghan Qazaqstan qúramasy da baq synauda. Halyqaralyq auyr atletika federasiyasynyng atqarushy komiyteti Qazaqstan auyr atletika federasiyasyn bir jylgha jarystardan shettetken bolatyn. Jaza merzimi 19 qazan kýni ayaqtaldy.

Ashhabad tórinde qazirge deyin qúrama qorjynyna qos medali týsti. Alghashqy jarys kýninde óner kórsetken Arly Chontey 55 kelige deyingi salmaq dәrejesinde kýmis jýlde jenip aldy. Qos jattyghudyng qorytyndysy boyynsha 258 keli ziltemirdi kótergen Arliy 2012 jylghy Olimpiada chempiony Om Yun Chxolige (282 keli) ese jiberdi.

Osydan keyin tórt kýn boyy qazaqstandyq sportshylargha medali búiyrghan joq. Tek besinshi jarys kýni Nadejda Lihacheva qola jýldege qol jetkizdi. 71 keli salmaq dәlejesinde óner kórsetken otandasymyz 242 kelini baghyndyrdy. Al bas jýldeni 267 keli (әlemdik rekord) kótergen Qytay sportshysy Vangly Jang, kýmis medaldi mysyrlyq Saroy Ahmed (252) jenip aldy.

Álem chempionatynyng ayaqtaluyna bar bolghany ýsh kýn ghana qaldy. Elimiz auyr atletterining nәtiyjesi kónil kónshiterlik emes. Odan da manyzdysy medali alghan eki sportshymyz da legioner.

Arly Chontey Qytayda tuyp-ósken dungan azamaty. Qytay qúramasynyng esiginen syghalay almay 2012 jyly Qazaqstan azamattyghyn alghan. Qazir elimiz atynan halyqaralyq jarystargha qatysyp jýr.

Al Nadejda Lihachevanyng tughan jeri Resey eli. Ol tipti Resey qúramasy sapynda 2015 jylghy Europa chempionatyna qatysyp, kýmis medali alghan. Qazaqstan atynan biyldan bastap ghana jarystargha qatysyp jýr.

Quanysh Qappas

Abai.kz

 

6 pikir