Memleketimiz egemendigin alyp, ensesin tiktegeli shet elderdegi otandastarymyz atajúrtyn ansap, tughan elge, atamekenge jetudi ansaydy. Ótkenimizdi týgendep, bir-birimizding tuys, bauyr ekenimizdi úmytpay dostyq, tatulyqty bolashaq úrpaqqa ónege etu býgingining paryzy.

Osyghan oray Memleket basshysy Núrsúltan Nazarbaevtyng «Bolashaqqa baghdar: ruhany janghyru» atty baghdarlamalyq maqalasynda aitylghan mindetterdi jýzege asyru ayasynda «Otandastar qory» úiymynyng Týrkistan oblysynda «Tughan jerge taghzym» is-sharasy ótkizilmek. Býgin atalghan sharagha shekara asyp kelgen qonaqtar audanymyzgha arnayy kelip, babtardyng baby – Arystanbab babamyzdyng kesenesine ziyarat etti.

El arasynda «Arystan babqa týne, Qoja Ahmetten tile» degen úlaghatty sóz bar. Arystanbab babamyz músylman dinin taratushy Qoja Ahmet Iasauiyding ústazy bolghan. Ata-babamyzdan qalghan osynau qaghidany búzbay Arystanbab jatqan kiyeli mekenge kelgen meymandardy audan әkim Erlan Aytahanov kýtip alyp, qazaq órkeniyetining altyn dingegine ainalghan Otyrardyng tereng tarihyn keninen әngimelep berdi.

Arystan baba kesenesine baryp baba ruhyna taghzym etken qonaqtar elding birligin, halyqtyng amandyghyn tilep, Qúran oqydy. Múnan song Angliya, Vengriya, Fransiya, Mongholiya, Qytay, Resey, Qyrghystan, Ózbekstan, Týrkimenstan jәne taghy da basqa elderden at aryltyp kelgen otandastarymyz «Farab» dәmhanasynda Otyrardyng dәmi til ýiiretin qauyn qaghy men qauynqúrtynan, shúbaty men tary-talqanynan, qúrty pen sary may sekildi tabighy ónimderden dәm tatty. Dastarhan basynda audan ónerpazdary dәstýrli әnderdi naqyshyna keltire oryndap, әnning qúdiretimen kónil-kýileri kóterilip biylep te aldy.

Qandas bauyrlargha shynayy tilegin aitqan audan basshysy qay elde jýrse de qazaq tarihyn úmytpay, ony óskeleng úrpaqtyng sanasyna sinirip, tughan jerimizding damuy jolynda ayanbay enbek etuge shaqyrdy. Meymandardyng әrqaysysyna jerlesimiz, әlem aqyny Múhtar Shahanovtyng jyr jinaqtary shyqqan kitap pen jergilikti qolóner sheberleri jasaghan búiymdardy tartu etti.

Audan әkimining qazaq halqyna tәn minezben qonaqjaylylyq tanytyp, darhan dalamyzdyng kendigindey peyilin kórsetkenine shynayy rizashylyqtaryn aitqan qonaqtar Týrki dýniyesining ruhany astanasy Týrkistan qalasyna attanyp ketti.