Düysenbi, 23 Qırküyek 2019
830 0 pikir 5 Jeltoqsan, 2018 sağat 22:20

Elektrondıq saudanıñ irgesi keñeyude

«Qazpoşta» men «Odnoklassniki» basşılığı qol qoyğan memorandum bwl salanı tağı da ilgeriletedi.

Memleket basşısınıñ tikeley bastamasımen qolğa alınğan «Cifrlıq Qazaqstan» bağdarlamasınıñ bir bağıtı – elektrondıq sauda. Al bwl öz kezeginde elimizdiñ külli ekonomikasınıñ qozğauşı küşine aynala aladı. Osı negizde Ükimet qaulısımen irgeli reformalar bastalıp, olardıñ jalğasın tauıp jatqanına da kuämiz. Aytalıq, 2017 jılı qazaqstandıq e-commerce narığınıñ kölemi 106,9 mlrd teñgeni nemese bölşek sauda aynalımınıñ jalpı köleminiñ 1,2 payızın qwradı, bwl 2016 jılğı körsetkişten 36,2 payızğa joğarı.

"Qazpoşta" AQ mälimetinşe, elektrondıq sauda narığınıñ kölemi 2018 jıldıñ 5 ayında 101 mlrd teñgeni nemese bölşek sauda aynalımınıñ jalpı köleminiñ 2,9 payızın qwradı (3,53 trln teñge). Tağı da ayta keterligi, elimizde jıl basınan beri 110 jaña elektrondıq sauda sub'ektisi tirkelgen. Narıqta 1658 internet-düken jwmıs isteydi, satıp aluşılar sanı 5 payızğa östi. Salada 71,6 mıñ qızmetker jwmısqa ornalastırıldı.

Al jaqında Qıtay tauarlarınıñ marketpleysi «Odnoklassniki» äleumettik jelisi arqılı Qazaqstan narığına şıqtı. Endi atalğan äleumettik jeliniñ elimizdegi 2,5 mln paydalanuşısı internet-dükenniñ 30 mln-nan astam tauarın tañdap, tapsırıstıñ tölemin teñgemen jasay aladı. Al tauardı qısqa merzimde jetkizip beru qızmetin «Qazpoşta» AQ qazirgi zamanğı tehnologiyalarınıñ arqasında moynına aladı.

OK internet-dükeni är türli sanattağı tauardı tañdauğa, satıp aluğa jäne poşta arqılı jetkizudi resimdeuge mümkindik beredi. E-commerce platformasınıñ negizgi erekşeligi – paydalanuşı kontentiniñ integraciyası (UGC): satıp aluşılar tauarlardı beyne jäne foto şolular arqılı qarap, bağalay aladı. Sonday-aq tauarlar turalı aqparattı dostarımen äleumettik jelilerge bölisip, olardı jaqındarına wsına aladı.

«Odnoklassniki» – öz platformasında tolıqqandı marketpleysti iske qosqan Reseydegi alğaşqı äleumettik jeli. Ondağı internet-düken flash sales formatında jwmıs isteydi, yağni eñ tanımal tauarlardı jıldam satu, desktoptı jäne mobil'di nwsqanı qosa alğanda, barlıq platformalarda, OK mobil'di qosımşalarında qol jetimdi. Marketingte tauarlar sanatı boyınşa izdeu jäne keñeytilgen navigaciya bar.

Barlıq satıp alular tolıq qorğalğan. Tölem bank kartasımen OK akkauntına baylanıstı jasaladı, eger tauar kelmese nemese onıñ sapası satıp aluşığa wnamasa, äleumettik jeli aqşanı qaytaradı. Jetkizu bükil Qazaqstan boyınşa tegin jäne «Qazpoşta» arqılı jüzege asırıladı. Sonımen qatar, tapsırıstan keyin üş sağat işinde satıp aluşı onı joya aladı. Internet-düken satıp aluğa, qaytaruğa, jetkizuge, tauardıñ sapasına baylanıstı mäselelerdi şeşuge kömektesedi.

Anton Fedçin, «Odnoklassniki» äleumettik jelisiniñ jetekşisi:

– Bizdiñ Qazaqstan narığına şığuımız jäne «Qazpoştamen» integraciya – äleumettik jelini damıtu jolındağı mañızdı jwmıs. «Odnoklassniki» – Reseyde ğana emes, şet elderde de iri äleumettik jelilerdiñ biri. Qazaqstan twrğındarı äleumettik jeli platformasında satıp aludıñ barlıq artıqşılıqtarın birinşi bolıp bağalay aladı. Mäselen, tauardı tañdaudan bastap, tapsırıs ornalastırğanğa deyin jäne OK şeginen şıqpay-aq tölem jasay aladı. Düken bizdiñ äleumettik twğırnamamızğa tolıqqandı integraciyalanatın boladı. Tauarlardı satıp aludan bölek, paydalanuşılar kontenttiñ jaña türlerin jäne şolulardı qarap, olardı özderi qwrıp, tauarlar turalı pikirlermen bölise aladı.

Abai.kz

0 pikir