جۇما, 29 ناۋرىز 2024
2589 0 پىكىر 5 جەلتوقسان, 2018 ساعات 22:20

ەلەكتروندىق ساۋدانىڭ ىرگەسى كەڭەيۋدە

«قازپوشتا» مەن «ودنوكلاسسنيكي» باسشىلىعى قول قويعان مەموراندۋم بۇل سالانى تاعى دا ىلگەرىلەتەدى.

مەملەكەت باسشىسىنىڭ تىكەلەي باستاماسىمەن قولعا الىنعان «تسيفرلىق قازاقستان» باعدارلاماسىنىڭ ءبىر باعىتى – ەلەكتروندىق ساۋدا. ال بۇل ءوز كەزەگىندە ەلىمىزدىڭ كۇللى ەكونوميكاسىنىڭ قوزعاۋشى كۇشىنە اينالا الادى. وسى نەگىزدە ۇكىمەت قاۋلىسىمەن ىرگەلى رەفورمالار باستالىپ، ولاردىڭ جالعاسىن تاۋىپ جاتقانىنا دا كۋامىز. ايتالىق، 2017 جىلى قازاقستاندىق e-commerce نارىعىنىڭ كولەمى 106,9 ملرد تەڭگەنى نەمەسە بولشەك ساۋدا اينالىمىنىڭ جالپى كولەمىنىڭ 1,2 پايىزىن قۇرادى، بۇل 2016 جىلعى كورسەتكىشتەن 36,2 پايىزعا جوعارى.

"قازپوشتا" اق مالىمەتىنشە، ەلەكتروندىق ساۋدا نارىعىنىڭ كولەمى 2018 جىلدىڭ 5 ايىندا 101 ملرد تەڭگەنى نەمەسە بولشەك ساۋدا اينالىمىنىڭ جالپى كولەمىنىڭ 2,9 پايىزىن قۇرادى (3,53 ترلن تەڭگە). تاعى دا ايتا كەتەرلىگى، ەلىمىزدە جىل باسىنان بەرى 110 جاڭا ەلەكتروندىق ساۋدا سۋبەكتىسى تىركەلگەن. نارىقتا 1658 ينتەرنەت-دۇكەن جۇمىس ىستەيدى، ساتىپ الۋشىلار سانى 5 پايىزعا ءوستى. سالادا 71,6 مىڭ قىزمەتكەر جۇمىسقا ورنالاستىرىلدى.

ال جاقىندا قىتاي تاۋارلارىنىڭ ماركەتپلەيسى «ودنوكلاسسنيكي» الەۋمەتتىك جەلىسى ارقىلى قازاقستان نارىعىنا شىقتى. ەندى اتالعان الەۋمەتتىك جەلىنىڭ ەلىمىزدەگى 2,5 ملن پايدالانۋشىسى ينتەرنەت-دۇكەننىڭ 30 ملن-نان استام تاۋارىن تاڭداپ، تاپسىرىستىڭ تولەمىن تەڭگەمەن جاساي الادى. ال تاۋاردى قىسقا مەرزىمدە جەتكىزىپ بەرۋ قىزمەتىن «قازپوشتا» اق قازىرگى زامانعى تەحنولوگيالارىنىڭ ارقاسىندا موينىنا الادى.

وك ينتەرنەت-دۇكەنى ءار ءتۇرلى ساناتتاعى تاۋاردى تاڭداۋعا، ساتىپ الۋعا جانە پوشتا ارقىلى جەتكىزۋدى رەسىمدەۋگە مۇمكىندىك بەرەدى. E-commerce پلاتفورماسىنىڭ نەگىزگى ەرەكشەلىگى – پايدالانۋشى كونتەنتىنىڭ ينتەگراتسياسى (UGC): ساتىپ الۋشىلار تاۋارلاردى بەينە جانە فوتو شولۋلار ارقىلى قاراپ، باعالاي الادى. سونداي-اق تاۋارلار تۋرالى اقپاراتتى دوستارىمەن الەۋمەتتىك جەلىلەرگە ءبولىسىپ، ولاردى جاقىندارىنا ۇسىنا الادى.

«ودنوكلاسسنيكي» – ءوز پلاتفورماسىندا تولىققاندى ماركەتپلەيستى ىسكە قوسقان رەسەيدەگى العاشقى الەۋمەتتىك جەلى. ونداعى ينتەرنەت-دۇكەن flash sales فورماتىندا جۇمىس ىستەيدى، ياعني ەڭ تانىمال تاۋارلاردى جىلدام ساتۋ، دەسكتوپتى جانە ءموبيلدى نۇسقانى قوسا العاندا، بارلىق پلاتفورمالاردا، وك ءموبيلدى قوسىمشالارىندا قول جەتىمدى. ماركەتينگتە تاۋارلار ساناتى بويىنشا ىزدەۋ جانە كەڭەيتىلگەن ناۆيگاتسيا بار.

بارلىق ساتىپ الۋلار تولىق قورعالعان. تولەم بانك كارتاسىمەن وك اككاۋنتىنا بايلانىستى جاسالادى، ەگەر تاۋار كەلمەسە نەمەسە ونىڭ ساپاسى ساتىپ الۋشىعا ۇناماسا، الەۋمەتتىك جەلى اقشانى قايتارادى. جەتكىزۋ بۇكىل قازاقستان بويىنشا تەگىن جانە «قازپوشتا» ارقىلى جۇزەگە اسىرىلادى. سونىمەن قاتار، تاپسىرىستان كەيىن ءۇش ساعات ىشىندە ساتىپ الۋشى ونى جويا الادى. ينتەرنەت-دۇكەن ساتىپ الۋعا، قايتارۋعا، جەتكىزۋگە، تاۋاردىڭ ساپاسىنا بايلانىستى ماسەلەلەردى شەشۋگە كومەكتەسەدى.

انتون فەدچين، «ودنوكلاسسنيكي» الەۋمەتتىك جەلىسىنىڭ جەتەكشىسى:

– ءبىزدىڭ قازاقستان نارىعىنا شىعۋىمىز جانە «قازپوشتامەن» ينتەگراتسيا – الەۋمەتتىك جەلىنى دامىتۋ جولىنداعى ماڭىزدى جۇمىس. «ودنوكلاسسنيكي» – رەسەيدە عانا ەمەس، شەت ەلدەردە دە ءىرى الەۋمەتتىك جەلىلەردىڭ ءبىرى. قازاقستان تۇرعىندارى الەۋمەتتىك جەلى پلاتفورماسىندا ساتىپ الۋدىڭ بارلىق ارتىقشىلىقتارىن ءبىرىنشى بولىپ باعالاي الادى. ماسەلەن، تاۋاردى تاڭداۋدان باستاپ، تاپسىرىس ورنالاستىرعانعا دەيىن جانە وك شەگىنەن شىقپاي-اق تولەم جاساي الادى. دۇكەن ءبىزدىڭ الەۋمەتتىك تۇعىرنامامىزعا تولىققاندى ينتەگراتسيالاناتىن بولادى. تاۋارلاردى ساتىپ الۋدان بولەك، پايدالانۋشىلار كونتەنتتىڭ جاڭا تۇرلەرىن جانە شولۋلاردى قاراپ، ولاردى وزدەرى قۇرىپ، تاۋارلار تۋرالى پىكىرلەرمەن بولىسە الادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565