Biz ózimizding qanshama ret «keremet ónerli halyqpyz» dep bórkimizdi aspangha atyp,  maqtanghanymyzben óremiz  biyik dep aita almas edik. Oghan qazir dýniyejýzine ataghy jayylghan, shyn mәinidegi «jaryq júldyz»  Dinmúhamed (Dimash) Qúdaybergenovtyng jýrip ótken joly kuә. Tipti kezinde «Slavyan bazary» dodasynda bas jýldeni qanjyghasyna baylaghan balamyzdy óz elinde baghalay almadyq. Ol tipti osyndaghy qatardaghy jay ghana әn konkursynan óte almady.

Dimashtyng myng qúbylghan keremet dauysyn «baqyrghan, shaqyrghan» dauyspen shatastyryp, kýlkige qaldyq.   Joq, men búl arada sol konkursqa qazylyq etken Rinat pen Baghymdy kinalaghaly otyrghan joqpyn. Múnday erekshe dauysty baghalay almau olardyng dengeyining tómendiginen emes. Halqymyzdyng ónerding órisinen kórine almaytyn, talghamynyng tym tómendiginen. Tek qana dastarqan basynda shaynandap shayqalyp otyryp, iship-jep qyzara otyryp, әn tyndaytyn, sol ýshin jighan-tergenin de shashyp jiberetin jerde shynayy ónerge jol berilushi me edi?

Ángime tipti әlgi qazylar alqasynyng (júrt  aita beretin «әdil qazylar» emes) Dimashqa degen dóreki kózqarasynda edi. Mәselen, júrt syilaytyn, tamasha aqyn, batyl azamat Rinattyng Dimashqa «Sen nege mikrofondy iyegine jaqyn ústaysyn? Sahnada dúrystap túr» dep jekui qay mәdenettilikke jatady? Onyng ónerin baghalamasan, baghalama, alayda jas balagha, onyng bolashaghyna janashyrlyqpen qarau ýshin qanday biyik tanym kerek?

Obaly ne, ana Biybigýl  men Rozanyng «Toy әnderi ýlken óner emes» dep ýnemi aityp kele jatqanyn kim qúlaghyna qystyrypty? Joq, biz ýshin ol ýlken óner, talanttyng tausylmas qaynar kózi. Ol ýshin Qayrat Núrtasqa bir toyda 8 myng dollardy qysylmastan bere salamyz. Ony aitamyz-au, jaqynda jana ghana tanylyp kele jatqan Ádijappar Álqoja degen әnshi ózining bir toyda ghana 20 million tenge tabys tapqanyn maqtana jyr etip jýr. Al endi oilanyp kórelikshi, talghamynyng osynday dengeydegi qoghamda Dimash sekildi erekshe qúbylystyng ózine layyqty ataq-abyroygha bólenui mimkin be? Joq, mýmkin emes. Bizde qashanda Qayrat Núrtas pen Tóreghaly Tórәlilinin, Ernar Aydar men Býrkitting aty qashanda ozyq keledi. Búl ortada Dimash sekildilerge eshqashanda oryn joq.

Taghy da qadap aitamyn, búl jerde әlgi әnshilerding eshbir kinәsi joq. Olar Dimashtyng ataghyn qyzghanbaydy da. Mәsele, bylayghy júrttyng «kónilge týrli oy salatyn» әnderdi týsine de, týisine de almaytynynda. Sondyqtan da qazaq Dimashty toygha shaqyrmaydy. Qazaq radiosynda kýndiz-týni berilip jatatyn konsertte Dimashtyng әnderi estilmeydi de. Óitkeni ony tyndaytyn qúlaq ta, oghan tebirenetin jan-dýnie de joq. Qazirgi qazaqqa keregi danghaza u-shu men fanershilderding qyryldap aitar bir kýndik әnderi ghana.

hEndi kimge senemiz, kimge ýmit artamyz?  Ózimizden oq boyy ilgeri túrghan, Dimashty әlemge tanytqan  Qytay halqy men ónerding ne ekenin shynayy baghalay biletin Europa júrtshylyghyna ghana senemiz. Ashy bolsa da, shyndyq osy.

Jaybergen Bolatov

Abai.kz