Düysenbi, 27 Mamır 2019
Ruhani jañğıru 4879 77 pikir 16 Qañtar, 2019 sağat 11:54

Qalağa - Qabanbaydıñ, äuejayğa - Älihannıñ atı berilsin

Juırda redakciyamızğa Şığıs Qazaqstannan eki birdey hat keldi. Portalda jariyalap, şığıstağı jwrttıñ ünine ün qosuımızdı swraptı. Biz hattıñ mazmwnımen tanısıp şıqtıq. Mwnday mañızdı mäselede Alaştıñ altın minberi bolğan Abai.kz portalı ünsiz qalğan emes, qalmaydı da.

Üşbu hatqa oralayıq, eki hat ta ŞQO-nı basqarıp otırğan Danial Kenjetaywlı Ahmetovtiñ atına joldanıptı. Endi solardı ret-retimen jazayıq.

Altaydağı ağayın el qala atauın Ust'-Kamenogorsk degen tilge böten, kirme ataudan arıltıp, Semeydegi äuejayğa Älihan Bökeyhan esimin berudi swraptı.

Ust'-Kamenogorskke – Qabanbay batırdıñ esimi berilsin

Äuelgi hat Semey aymaqtıq «Aq jol» partiyasınıñ törağası Rahat Altaydan keldi. Onda Ust'-Kamenogorsk degen orısşa ataudan arılıp, qalağa Qabanbay batırdıñ esimin berudi swraptı.

Ust'-Kamenogorsk degen orıstıñ atauı ekenin jaqsı bilesizder. 1720 jılı M.Liharev bastağan reseylik ekspediciya kelgen. Söytip, Ülbi özeniniñ Ertiske qwyğan jerinde Ust'-Kamenogorskaya degen bekinis saladı. Bwl söz «ust'e kamennıh gor» tirkesinen alınğan eken. Jergilikti qazaqtar bwl ataudı Öskemen dep atap ketken. Mine, Rahat Altay bastağan şığıstağı bir qauım el osı bir kirme ataudan Ruhani jañğıru jılında arılmağanda, endi qaşan qwtılmamız, dep otır.

Semeydegi äuejayğa Älihan Bökeyhannıñ atı berilsin

Odan keyingi hat ta Danial Kenjetaywlınıñ atına bağıttalıptı. Onda Alaştıñ astanası bolğan Semey qalasındağı äuejayğa «Alaşorda» nemese Alaşorda kösemi bolğan Älihan Bökeyhannıñ esimin berudi swrağan. Hattıñ mazmwnı mine:

Qwrmetti Danial Kenjetaywlı!

-Siz, Qazaqstan Respublikasınıñ Ükimetin basqarğan sayasi twlğasız. Şığıs Qazaqstan oblısına äkim bolıp halıqqa qızmet atqarıp jatqanıñızğa da biraz uaqıt boldı. Osı kezeñde Semey qalasınıñ abattanıp, ekonomikasınıñ damuına ünemi qoldau körsetip kelesiz. Ötken jılı «Alaş» partiyasınıñ 100 jıldıq merekesi qarsañında Sizdiñ qoldauıñızben Älihan Bökeyhannıñ eskertkişi qalamızda ornadı. Elbası N.Ä.Nazarbaev ta «Alaş arıstarınıñ eñbegin halıqqa nasihattau perzenttik parızımız», - dep biik minbelerden neşe märte aytqanına halıq kuä. Semey qalasınıñ äkiminiñ orınbasarı N.V.Şarova hanım Semey qalasındağı äuejayğa at beru turalı mäsele boyınşa el ağaların keñsesine şaqırıp keñes ötkizdi. Jinalğandar Semey, Abay, Älihan Bökeyhan, Alaş Orda atauların aytıp pikir bildirdi. Mäjiliske qatısuşılardıñ basım köpşiligi «Alaş Orda» nemese Älihan Bökeyhan atındağı äuejay bolıp atalsın degen wsınıs bildirdi. Bwl wsınıstı biz de qoldaymız. Äuejayğa Alaş Orda nemese Älihan Bökeyhannıñ atı berilgenin qalaymız.

Hatqa qol qoyğandar:

Nwrqasım Q. – Alaş arıstarı qoğamdıq qorınıñ törağası;

Gorel'nikov YA.V. – F.M.Dostoevskiy atındağı orıs drama teatrınıñ direktorı;

Tulekov B.H. – Abay atındağı qazaq muzıkalı-drama teatırınıñ direktorı;

Beysenbaev S. – «Aqıldastar» auıl ardagerleri qoğamdıq birlestiginiñ törağası;

Arğınğazin D.S. – Semey qalalıq «Qazaq tili» qoğamınıñ törağası;

Rahat Altay – Semey aymaqtıq «Aq jol» partiyasınıñ törağası;

Adianov B.T. – Şığıs Qazaqstan oblıstıq maslihatınıñ deputatı;

Qwsayınov K.M. – Semey qalalıq maslihatınıñ deputatı;

Rayımbek tegi K. – «Dostıq» üyiniñ ardagerler keñesiniñ törağası;

Sadıqov M.M. – Respublikalıq «Aqjoltay» gäzetiniñ jauaptı hatşısı;

Merey Qart – QR Jazuşılar odağınıñ Semey öñirlik filialınıñ törağası.

Abai.kz

77 pikir