Düysenbi, 16 Qırküyek 2019
739 2 pikir 22 Qañtar, 2019 sağat 08:52

Qazaqstan Siriyadağı azamattarın qaytaru operaciyasın jalğastıradı

Sırtqı ister ministrligi men özge de organdar Siriyadağı Qazaqstan azamattarın evakuaciyalau operaciyasın jalğastıra beredi. Bwl turalı 21 qañtarda ministrliktiñ resmi ökili Aybek Smadiyarov mälimdedi.

"Bwl operaciya kezinde 1-5 jas aralığındağı balalar bastı nazarda boldı. Olardıñ köbi Siriya aumağında düniege kelgen" dedi ol.

Bwğan deyin 9 qañtarda prezident Nwrswltan Nazarbaev Qazaqstannıñ 47 azamatı Siriyadan oralğanın mälimdegen.

Associated Press aqparat agenttiginiñ habarlauınşa, AQŞ qoldaytın kürdterdiñ Siriya demokratiyalıq küşteri Qazaqstannıñ ondağan azamatın eline bergen. Olardıñ beseui – DAIŞ sapında soğısqandar.

2018 jılı şilde ayında Qazaqstannıñ Wlttıq qauipsizdik komiteti (WQK) Azattıqqa Siriya men Irakta soğıs bastalğalı Tayau Şığısqa 800-ge tarta qazaqstandıq ketkenin habarlağan.

Abai.kz

2 pikir