Jeksenbi, 8 Jeltoqsan 2019
Anıq 3944 25 pikir 29 Qañtar, 2019 sağat 07:38

Qazaq aqşasına kimder qojayın?

2018 jıldıñ statistikasımen söyleymiz. Qazir Qazaqstanda halıq sanı 18,2 million adamdı qwraptı. Sonıñ işinde 59 payızı ğana eñbekke jaramdı eken. Jäne 1 millionnan astam zeynetker bar. Al Qazaqstanda 5 millionnan astam adam ekinşi deñgeyli bankterge bereşek. Onıñ jäne 1,5 millionı qarızın qaytara almay jür.

«Abai.kz» aqparattıq portalında osığan deyin qarızben qwl qıludıñ qazaqstandıq jobası, yağni bankterdiñ bılıq-şılığı turalı maqalalar dürkin-dürkin jazıldı.

Bügin biz qazaq aqşasın qaltağa basıp ap, qonjiıp otırğan qojayındar turalı jazbaqpız.

Juırda «Ia-centr.ru» aqparattıq-saraptamalıq ortalığınıñ saytı Qazaqstandağı ekinşi deñgeyli bankterde jwmıs jasaytın şetel azamattarın anıqtap jazıptı. Avtor Janar Tulindinovanıñ orıs tilindegi maqalasın qazaq tiline qotarıp bergendi jön kördik.

Bile jüriñizder, qazaqtı qarızben qwl qılıp jürgen qampayğan qarındı mısıqtileu, meşkey missionerleriñiz minekey:

«Qazaqstannıñ Halıq banki» AQ

Atalğan banktiñ direktorlar keñesi 7 adamnan twradı. İşinde eki adam şeteldik twlğa sanatında. Al basqarma müşeliginde şeteldik twlğalar joq eken.

Kristaf Rel'

Direktorlar keñesiniñ müşesi. 2007 jıldan beri «Halıq banktiñ» Täuelsiz direktorı. Kristaf Rel' Vaşingtondağı, Mäskeudegi jäne Braziliyadağı Düniejüzilik banktiñ ökildikterinde jwmıs jasağan eken. «BP p.l.c.» deytin transwlttıq mwnay-gaz kompaniyasında vice-prezident, bas ekonomist bolıp qızmet atqarğan.

Frenk Kaylars

Direktorlar keñesiniñ müşesi. 2009 jıldan beri «Halıq banktiñ» Täuelsiz direktorı. Niderlandtağı «ABN AMRO» deytin iri bankte, «Royal Bank of Scotland Group plc (RBS Group)» deytin britan kompaniyasında qızmet etken.

Altyn Bank (China Citic Bank Corporation Limited qwramına kiredi)

2016 jılı Qazaqstannıñ Halıq bankiniñ menşigine tiesili «Altyn Bank» 60 payız akciyasın Qıtaylıq kompaniyağa satqan edi.  «Altyn Bank» qazir qıtaylıq «China CITIC Bank Corporation Ltd» deytin banktiñ qwramına kiredi. Direktorlar keñesinde 5 şeteldik azamat bar.

Lu Vey – Direktorlar keñesiniñ törağası, akcionerlik bank ökili;

Lyu Dzı YUn – Direktorlar keñesiniñ müşesi, akcionerlik bank ökili;

Uañ Li - Direktorlar keñesiniñ müşesi, akcionerlik bank ökili;

Ciau Şu Iñ – Direktorlar keñesiniñ müşesi, akcionerlik bank ökili;

Ngay Ka Çiñ – Direktorlar keñesiniñ müşesi, Täuelsiz direktor;

Banktiñ basqarma müşeleriniñ işinde eki adam şetel azamatı eken.

Hu Cı Fıñ – Basqarma törağasınıñ birinşi orınbasarı;

Jia Fi – Basqarma törağasınıñ orınbasarı.

Capital Bank Kazakhstan

2013 jılğa deyin bwl qarjılıq wyım «TAIB Qazaq banki» dep atalıp kelgen. Sebebi, Bahreyn Karol'digine tiesili «TAIB BANK BSC(c)-men enşiles bank bolğan.

Söytip, 2013 jıldıñ säuirinde bank tolığımen qazaqstandıq käsipker Orifjan Şadievtiñ menşigine ötedi. Al 2014 jılı bwl bank öziniñ resmi atauın özgertip, «Capital Bank Kazakhstan» AQ dep atalatın boldı.

«Capital Bank Kazakhstan» AQ-nıñ Direktorlar keñesi 4 adamnan twradı eken. Onıñ ekeui şetel azamatı.

YUsuf Ziya Aslan – Direktorlar keñesiniñ müşesi jäne banktiñ basqarma törağası;

Erden Qadır Çevik – Täuelsiz direktor.

Banktiñ basqarma müşeliginde 5 adam bolsa, onıñ işinde 3 adam şetel azamatı eken.

YUsuf Ziya Aslan

Direktorlar keñesiniñ müşesi jäne banktiñ basqarma törağası. 1998 jıldan beri Türkiyanıñ birneşe bankinde basqaruşı qızmetter atqarğan. Atap aytqanda, «Kentbank & Birlesik Fon Bankasi», «Turkland Bank», «BankPozitif Turkey». Bwl jañağı YUsuf Ziyanıñ jwmıs istegen bankteri.

2011 jıldıñ tamızanan beri Qazaqstanda jwmıs jasap jür. «Pozitiv bank Qazaqstan» AQ-da basqarma törağasınıñ orınbasarı, törağa qızmetterin atqarğan.

Abdurrahman Zeki Arifoglu

Basqarma törağasınıñ birinşi orınbasarı. 1999-2006 jıldar aralığında Türkiyadağı «Ziraat Bankasi» deytin bankte türli qızmetterde bolğan. 2006 jıldan beri Qazaqstanda jür. Sol 2006 jıldan beri «Kazahstan-Ziraat Interneşnl Bank» deytin enşiles bankte jwmıs jasağan.

Bertran Gossar

Bölşek sauda biznesi boyınşa basqaruşı direktor. Franciyada oqığan eken. «Amiens Business School» mektebiniñ iskerlik äkimşilik basqaru magistri. Basqaru isi boyınşa 25 jıldıq täjirbiesi bar. Europa, TMD men Aziyadağı (Qıtay, Ündistan,Tayland, V'etnam, Gonkong, Qazaqstan, Resey, Pol'şa jäne Çehiyada) bölşek saudadağı banking, twtınuşılıq nesie salasında qızmetter atqarğan. 2011 jıldan beri Qazaqstanda jür. «Evraziyalıq bankte» qızmet etken.

First Heartland Bank

Bwl bwrınğı «EKSPO Kredit Bank» AQ. Qarjılıq wyımnıñ resmi saytında atalğan wyımnıñ Halıqaralıq «ABN Amro» men «RBS» bankteriniñ täjirbiesin negizge ala otırıp jwmıs jasaytını jazılğan eken.

Direktorlar keñesinde 4 adam bolsa, onıñ ekeui şetel azamatı.

David Maşuri

Täuelsiz direktor. AQŞ azamatı. 10 jıldan astam uaqıt AQŞ-ta jäne Reseyde Halıqaralıq kompaniyalarda, bank sektorında, konsaling jäne bilim sektorında, memlekettik sektorda qızmet jasağan.

«First Heartland Bank» direktorlığına kelmesten bwrın, «Kazkommercbank»AQ  basqarma müşesi bolğan.

Andrey Rozanov

Täuelsiz direktor. Wlıbritaniya azamatı.  CFA, FRM, CAIA. Londondağı «Permal Group» men  «State Street Global Markets» kompaniyalarında basqaruşı direktor bolğan. QR Wlttıq banki «Wlttıq investiciyalıq korporaciyası» AQ-nıñ Täuelsiz direktorı.

ForteBank

Atalğan banktiñ Direktorlar keñesinde 1 şetel azamatı bar eken.

Hubert Pandza

Direktorlar keñesiniñ müşesi. Täuelsiz direktor. 1976-1988 jıldar aralığında Germaniyadağı «Deutsche Bank» basqarmasında jwmıs jasağan.

1988 jılı «Deutsche Bank» bankiniñ Mäskeudegi bölimşesin basqarğan. 2000 jıldan bastap Europalıq rekonstrukciya jäne damu bankiniñ Reseydegi jäne Ortalıq Aziyadağı ökili bolğan.

Bwrın «Alyans Bank» AQ Täuelsiz direktorı bolğan.

Kaspi Bank

Miheil Nugzaroviç Lomtadze

Atalğan banktiñ Direktorlar keñesiniñ müşesi (bwrınğı basqarma törağası). Gruziyanıñ tuması. Keybir derekközderinde Lomtadzeni Gruziya azamatı dep körsetedi.

KZI Bank (Kazahstan Zirat Interneşnl)

Bwl bank Türkiyadağı «Ziraat Bankasi» deytin banktiñ enşilesi. Direktorlar keñesi 3 adamnan twradı. Bwl üşeui de şetal azamatı eken.

Mwsa Arda – Direktorlar keñesiniñ törağası. Banktiñ resmi saytı Mwsa Arda mırzanıñ osığan deyin «Türkiye Halk Bankası A.Ş.» deytin bankte qızmet etkenin, 2011 jıldan küni büginge deyin «T.C. Ziraat Bankası A.Ş.» basqarma törağasınıñ nesielendiru jönindegi orınbasarı bolıp qızmet jasaytının jazıptı.

Nwrhan Küşikkayalar – Direktorlar keñesiniñ müşesi. Täuelsiz direktor;

YUksel Jesur – Direktorlar keñesiniñ müşesi.

Atalğan banktiñ basqarma müşeleri 5 adamnan twradı eken. Onıñ bireui şetel azamatı.

Janan Olekli – Basqarma törağası.

Tengri Bank (Punjab National Bank)

Bwl banktiñ 45 payız akciyası Ündistandağı «Punjab National Bank»  bankine tiesili. Direktorlar keñesinde 1 şetel azamatı bar.

Kalia Sabhaş Çander – Direktorlar keñesiniñ müşesi. Täuelsiz direktor.

Basqarma müşesi 7 adamnan twradı. Onıñ ekeui şetel azamatı.

Dineş Kumar

Basqarma törağasınıñ orınbasarı. Ündistanda banktiñ oquın oqığan. 1986 jıldan beri Ündistandağı «Punjab National Bank» jüyesinde qızmet atqaradı.

Dmitriy YAkovlev

Basqaruşı direktor. 2002-2010 jıldar aralığında «Bank Russkiy Standart» AQ-da, 2010 jıldan beri VTB gruppasında türli qızmetterde bolğan. 2015 jıldan beri Qazaqstanda jür.

«Aziya Kredit Bank»

Bwl banktiñ bwrınğı atauı -  «Sovmestnıy bank «LARIBA-BANK».

Direktorlar keñesiniñ jäne Basqarma müşeleriniñ 99,9 payız akciyası Swltan Nwrbol Sarıbaywlına tiesili. Şeteldik twlğalar joq.

«Al'fa-Bank» EB

«Al'fa-Bank» EB «Al'fa-Grupp» deytin banktik gruppanıñ «ABH Holdings S.A.» dep atalatın jeke Halıqaralıq holdingine kiredi. Şatab-päteri Lyuksemburgte ornalasqan.

Direktorlar keñesinde 7 adam bolsa, onıñ törteui şetel azamatı.

Il'ya Poz

Direktorlar keñesiniñ törağası. Ombı memlekettik universitetin bitirgen. 2000 jılı «Moskovskiy Delovoy Mir» deytin kompaniyada jwmıs jasağan. 2008 jıldan beri «Al'fa-Bank» EB-da jür.

Robert Andjey Dzyalak

Direktorlar keñesiniñ müşesi. 2002-2016 jıldarı Ukraina men Pol'şada bank sektorında qızmet  etken eken. 2016 jıldan beri «Al'fa-Bank» EB-da.

Oleg Sısuev

Direktorlar keñesiniñ müşesi. Direktorlar keñesi törağasınıñ orınbasarı. 1990 jılı Resey Federaciyası Ükimet basşısınıñ orınbasarı, RF Prezidenti Äkimşiliginde orınbasar bolğan.

Devid Mark Braun

Direktorlar keñesiniñ müşesi. 2000 jılı «Commerzbank Securities London», «Merrill Lynch International London», «Financial Services Authority London» wyımdarında jwmıs jasağan.

«Al'fa-Bank» EB basqarma müşeligi 5 adamnan twratın bolsa, onıñ ekeui şetel azamatı.

Alina Anikina

Basqarma törağası. 2011 jıldan beri küni büginge deyin «Kompaniya «RUSIA Petroleum»AQB, «Var'eganneftegaz» AQB, «Saratovskiy NPZ», «Orenburgneft'» AQB Direktorlar keñesiniñ müşesi.

Igor' Şalay

Basqaruşı direktor. 2017 jıldan beri «Al'fa-Bank» jüyesinde. Bank salasında 12 jıl jwmıs jasaptı.

ATF Bank

Direktorlar keñesinde 4 adam bar. Onıñ ekeui şetel azamatı.

Adriano Arietti

Täuelsiz direktor. Kievtegi «Praveks-Bank-tiñ» Baqılauşılıq keñesiniñ müşesi. Kairdegi «Aleksandriya bankiniñ» Direktorlar keñesiniñ müşesi.

Entoni Espina

Direktorlar keñesiniñ müşesi. Basqarma törağası. 1972 jılı Oñtüstik Kvinslendte universitet bitirgen. Gonkongtağı «Goldride Securities Limited» brokerlik firmanıñ negizin qalauşı jäne direktorı.

Banktiñ basqarma müşeleginde 8 adam bar. Onıñ ekeui şetel azamatı.

Entoni Espina – Basqarma törağası;

Sergey Kovalenko – Basqarma törağasınıñ orınbasarı. 2000-2010 jıldar aralığında Ukrainadağı «ZIP» kompaniyasında, AKB «İNDUSTRİALBANK» (Ukraina), «Novaya poçta» (Ukraina) kompaniyasında jwmıs jasağan.

Bank RBK

Torsten Pol

Direktorlar keñesiniñ törağası. Ol bwl qızmetke 2017 jıldıñ qaraşasında «Bank RBK» AQ  men QR Ükimeti, Wlttıq bank pen «Qazaqmıs» kompaniyası arasında kelisim jasalğannan keyin kiristi.

Bank Kassa Nova

Direktorlar keñesinde jäne basqarma müşeliginde şetel azamattarı joq.

Bank VTB

Bwl Reseydegi Bank VTB-nıñ enşilesi. Direktorlar keñesinde 2 şetel azamatı bar.

Denis Bortnikov

Direktorlar keñesiniñ törağası. Belarusiyadağı Bank VTB-nıñ Direktorlar keñesin basqaradı. Äzirbayjandağı Bank VTB-nıñ Baqılauşılıq keñesiniñ törağası.

Sergey Stepanov

Direktorlar keñesiniñ müşesi. 2013 jıldan bastap Bank VTB-nıñ tobında jwmıs jasaydı.

Atalğan banktiñ basqarma müşeliginde 5 adam bolsa, onıñ üşeui şetel azamatı.

Dmitriy Zabello – Basqarma törağası;

YUriy Mironov – 2018 jıldan beri basqarma törağasınıñ orınbasarı;

Artem Badıkov – Basqarma müşesi.

Tüyin. Bwl tolıq tizim emes. aldağı uaqta bwl tizimdi tolıqtıra jatarmız...

Esteriñizge sala keteyik, Qazaqstan Prezidenti Nwrswltan Nazarbaev qolınan is kelmeytin ebedeysiz bastıqtardı qızmetsiz qaldıratının aytıp jürgeli de biraz boldı. Jatıpişer jalqau jetekşilerdiñ ornına şetelden mamandar şaqırtıp,  is jürgizu isine basşılıqqa tağayındaudı mısal etip jür. Ötken jılğı qazandağı joldauda Singapurdı mısal etti. Jer älemnen izdep jürip, qolınan is keletin eptilerdi elge aldırtudı tapsırdı.

Eske tüsireyikşi, Prezident ne dep edi?..

«Bizde «Eyr Astananı» kim basqaradı? Ağılşın. «Nazarbaev universitetin?» Japon. Köriñder! Eger dwrıs jwmıs jasamasañdar, men senderdiñ orındarıña barlığın sol jaqtan şaqırtamın» dedi Prezident.

Qarap otırsaq, Prezidenttiñ şetelden maman şaqırtu turalı bastaması biz üşin jañalıq emes eken. Onı joğarıdan oqıp kördiñizder. Bwl şeteldikter nege qazaq aqşasına qojayındıq jasap jür dep, jäne şüylige almaysıñ, ökinişke oray.

Prezidenttiñ 2016 jılğı «Wlt josparı – qazaqstandıq armanğa bastaytın jol» attı maqalasın eske tüsireyikşi. Sol maqalanıñ «Memleketti käsibilendiru» dep atalatın böliminde bılay dep jazılğan: «Qazir qazaqstandıq memlekettik qızmetti damıtudıñ jaña kezeñi bastau aldı. Jaña zañğa birqatar qağidattı normalar engizilgen. Ekinşiden, memlekettik qızmetke aşıq konkurs arqılı jäne Kadr sayasatı jönindegi wlttıq komissiyanıñ şeşimi boyınşa kelisimşarttıq negizde memlekettik emes sektordağı basqaruşılar qatarınan azamattar jäne şeteldik menedjerler tartıla aladı».

Biz joğarıda Qazaqstandağı ekinşi deñgeyli 14 banktiñ basşıların tizip jazdıq. Ol jerlerde 39 şetel azamatı jwmıs jasap jür.

Esteriñizge sala keteyik, 2018 jıldıñ 30 qaraşası küni «Abai.kz» aqparattıq portalında «Qazaq mwnayına qazaqtan basqanıñ bäri bastıq» attı maqala jariyalanğan edi. Onda Qazaqstandağı iri mwnay kompaniyalarında basşılıq qızmette jürgen şeteldik twlğalardıñ esim-soyın tizip jazıp körsetken edik. Endi mine, Qazaqstan bankteriniñ şeteldik qojayındarın jariyalap otırmız. Oqıñız, köriñiz, biliñiz...

Nwrgeldi Äbdiğaniwlı

Abai.kz

25 pikir