Senbi, 20 Säuir 2019
Jön-aq 934 37 pikir 15 Naurız, 2019 sağat 10:49

Senator Körisu künin resmi merekege aynaldırudı wsındı

Senat otırısında (14 naurızda) deputat Särsenbay Eñsegenov Qazaqstan Respublikasınıñ Prem'er-Ministri A.W. Maminniñ atına deputattıq saual joldadı. Onda bılay delingen:

Qwrmetti Asqar Wzaqbaywlı!

Qazaq eliniñ batıs öñirinde san ğasırlardan sanamızğa siñisti bolıp, wrpaqtan - wrpaqqa jalğasıp, bügin de keñinen atalıp, bolaşaqta da üzilmeytin ataulı künniñ biri, är jıldıñ on törtinşi naurız küni toylanatın Körisu merekesi.

Köktemniñ alğaşqı jılulığımen qatar keletin osı küni halıq aq tilegin aytıp, jası kişileri jası ülkenderge arnayı barıp, qwşaqtasıp körisip, ärbir otbasınıñ amandığın, eldiñ tınıştığın, isteriniñ berekeli boluın tileydi. Ärbir şañıraq tañnıñ atuımen dastarhanın jayıp qonaq kütedi, qariyalar men äjeler batasın beredi.

Qıtımır qıstan aman - esen şıkqqan halıq jerdiñ busanıp, maldıñ töldep, jemis terekteriniñ bürşik jarğanın körip aldağı künderin jaksılıqqa jorıp, bolaşaqtıñ qamın birlese aqılğa saladı. Köne köz qariyalar osı küni köterem bolıp jatıp qalğan maldıñ bauırın jerden köteretinin aytadı.

Zamanında Körisu  elimzdiñ barlıq aymaqtarında bolğan, halqımızğa keñinen taralğan. Biraq, är türli sebeptermen ötken ğasırdıñ otızınşı jıldarınan bastap bwl dästür key jerlerde wmıtıla bastağan.

Qazirgi mezgilde, ol Qazaqstannıñ basqa da oblıstarına taralıp, arnayı ic-şaralar wyımdastırılıp jür. Bwğan äsirese, batıs öñirlerindegi iri şet eldik, birlesken käsiporındar, şet el azamattarı men birge eldegi barlıq etnos ökilderi belsene qatısuda. Bügin Körisu - jekelegen aymaqtıñ nemese  tek qazaq halqınıñ meyramı emes. Onıñ aumağı men auqımı  ösip, Eldiñ qoğamdık ömirindegi roli arıtıp keledi. Şın mäninde ol azamattarımızdıñ dästurli türde atalıp ötetin merekesine aynaldı. Alıs - jaqın şet memleketterde jürgen azamattarımız da osı ataulı kündi merekelep, şeteldikterge tanıstıruda.

Adamdı bauırmaldıqqa, kisilikke, kişilikke, izgilikke, jasampazdıqqa, jaksılıqqa tärbieleytin, tamırı tereñge ketken, halqımzğa bereri mol, ruhani quatı erekşe-dästürli türde atalıp jürgen Körisu künin resmi türde aynalımğa engizu jöninde pikirler aytıluda.

Qazaqstan Respublikasınıñ "Qazaqstan Respublikasındağı merekeler turalı" zañına säykes elimizde wlttık, memlekettik, käsibi jäne özge de merekeler atalıp ötiledi.

Osı zañnıñ 4 babına säykes käsibi jäne özge de merekelik künder tizbesin Qazaqstan Respublikasınıñ Ükimeti belgileydi.

Qwrmetti Asqar Wzaqbaywlı, halqımızdıñ salt-dästürin qoldau jäne onı däripteu maqsatında 14  naurızdı Körisu küni merekesi dep belgileu jöninde wsınıs engizemin jäne tiisti memlekettik organdarğa tapsırma beruinizdi ötinemin.

«Qazaqstan Respublikasınıñ Parlamenti jäne onıñ deputattarınıñ märtebesi turalı» Qazaqstan  Respublikası Konstituciyalıq Zañınıñ 27-babına säykes deputattıq saualdı qarau nätijesi turalı zañmen belgilengen merzimde jazbaşa jauap beruiñizdi swraymın.

Särsenbay Eñsegenov, Senat deputatı

Abai.kz

37 pikir