دۇيسەنبى, 24 ماۋسىم 2019
ءجون-اق 1046 37 پىكىر 15 ناۋرىز, 2019 ساعات 10:49

سەناتور كورىسۋ كۇنىن رەسمي مەرەكەگە اينالدىرۋدى ۇسىندى

سەنات وتىرىسىندا (14 ناۋرىزدا) دەپۋتات سارسەنباي ەڭسەگەنوۆ قازاقستان رەسپۋبليكاسىنىڭ پرەمەر-ءمينيسترى ا.ۇ. ءماميننىڭ اتىنا دەپۋتاتتىق ساۋال جولدادى. وندا بىلاي دەلىنگەن:

قۇرمەتتi اسقار ۇزاقبايۇلى!

قازاق ەلiنiڭ باتىس وڭiرiندە سان عاسىرلاردان سانامىزعا سiڭiستi بولىپ، ۇرپاقتان - ۇرپاققا جالعاسىپ، بۇگiن دە كەڭiنەن اتالىپ، بولاشاقتا دا ۇزiلمەيتiن اتاۋلى كۇننiڭ بiرi, ءار جىلدىڭ ون ءتورتiنشi ناۋرىز كۇنi تويلاناتىن كورiسۋ مەرەكەسi.

كوكتەمنiڭ العاشقى جىلۋلىعىمەن قاتار كەلەتiن وسى كۇنi حالىق اق تiلەگiن ايتىپ، جاسى كiشiلەرi جاسى ۇلكەندەرگە ارنايى بارىپ، قۇشاقتاسىپ كورىسىپ، ءاربiر وتباسىنىڭ اماندىعىن، ەلدiڭ تىنىشتىعىن، ىستەرىنىڭ بەرەكەلi بولۋىن تىلەيدi. ءاربىر شاڭىراق تاڭنىڭ اتۋىمەن داستارحانىن جايىپ قوناق كۇتەدi, قاريالار مەن اجەلەر باتاسىن بەرەدi.

قىتىمىر قىستان امان - ەسەن شىكققان حالىق جەردiڭ بۋسانىپ، مالدىڭ تولدەپ، جەمiس تەرەكتەرiنiڭ بۇرشiك جارعانىن كورiپ الداعى كۇندەرiن جاكسىلىققا جورىپ، بولاشاقتىڭ قامىن بiرلەسە اقىلعا سالادى. كونە كوز قاريالار وسى كۇنi كوتەرەم بولىپ جاتىپ قالعان مالدىڭ باۋىرىن جەردەن كوتەرەتiنىن ايتادى.

زامانىندا كورiسۋ  ەلiمزدiڭ بارلىق ايماقتارىندا بولعان، حالقىمىزعا كەڭiنەن تارالعان. بiراق، ءار ءتۇرلi سەبەپتەرمەن وتكەن عاسىردىڭ وتىزىنشى جىلدارىنان باستاپ بۇل ءداستۇر كەي جەرلەردە ۇمىتىلا باستاعان.

قازىرگى مەزگiلدە، ول قازاقستاننىڭ باسقا دا وبلىستارىنا تارالىپ، ارنايى ic-شارالار ۇيىمداستىرىلىپ ءجۇر. بۇعان اسiرەسە، باتىس وڭiرلەرiندەگi iرi شەت ەلدiك، بiرلەسكەن كاسiپورىندار، شەت ەل ازاماتتارى مەن بiرگە ەلدەگi بارلىق ەتنوس وكiلدەرi بەلسەنە قاتىسۋدا. بۇگiن كورiسۋ - جەكەلەگەن ايماقتىڭ نەمەسە  تەك قازاق حالقىنىڭ مەيرامى ەمەس. ونىڭ اۋماعى مەن اۋقىمى  ءوسiپ، ەلدiڭ قوعامدىك ومiرiندەگi رولi ارىتىپ كەلەدi. شىن مانiندە ول ازاماتتارىمىزدىڭ ءداستۋرلi تۇردە اتالىپ وتەتiن مەرەكەسiنە اينالدى. الىس - جاقىن شەت مەملەكەتتەردە جۇرگەن ازاماتتارىمىز دا وسى اتاۋلى كۇندi مەرەكەلەپ، شەتەلدiكتەرگە تانىستىرۋدا.

ادامدى باۋىرمالدىققا، كiسiلiككە، كiشiلiككە، ىزگىلىككە، جاسامپازدىققا، جاكسىلىققا تاربيەلەيتىن، تامىرى تەرەڭگە كەتكەن، حالقىمزعا بەرەرى مول، رۋحاني قۋاتى ەرەكشە-ءداستۇرلi تۇردە اتالىپ جۇرگەن كورىسۋ كۇنىن رەسمي تۇردە اينالىمعا ەنگىزۋ جونىندە پىكىرلەر ايتىلۋدا.

قازاقستان رەسپۋبليكاسىنىڭ "قازاقستان رەسپۋبليكاسىنداعى مەرەكەلەر تۋرالى" زاڭىنا سايكەس ەلىمىزدە ۇلتتىك، مەملەكەتتiك، كاسىبي جانە وزگە دە مەرەكەلەر اتالىپ وتiلەدi.

وسى زاڭنىڭ 4 بابىنا سايكەس كاسىبي جانە وزگە دە مەرەكەلiك كۇندەر تىزبەسىن قازاقستان رەسپۋبليكاسىنىڭ ۇكىمەتى بەلگىلەيدى.

قۇرمەتتى اسقار ۇزاقبايۇلى، حالقىمىزدىڭ سالت-ءداستۇرىن قولداۋ جانە ونى دارىپتەۋ ماقساتىندا 14  ناۋرىزدى كورىسۋ كۇنى مەرەكەسى دەپ بەلگىلەۋ جونiندە ۇسىنىس ەنگىزەمىن جانە ءتيىستى مەملەكەتتىك ورگاندارعا تاپسىرما بەرۋىنىزدى وتىنەمىن.

«قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان  رەسپۋبليكاسى كونستيتۋتسيالىق زاڭىنىڭ 27-بابىنا سايكەس دەپۋتاتتىق ساۋالدى قاراۋ ناتيجەسى تۋرالى زاڭمەن بەلگىلەنگەن مەرزىمدە جازباشا جاۋاپ بەرۋىڭىزدى سۇرايمىن.

سارسەنباي ەڭسەگەنوۆ، سەنات دەپۋتاتى

Abai.kz

37 پىكىر