Särsenbi, 17 Şilde 2019
Bilik 1103 0 pikir 13 Mamır, 2019 sağat 15:20

Nazarbaev AQŞ-tıñ Qazaqstandağı Tötenşe jäne ökiletti elşisin qabıldadı

Nwrswltan Nazarbaev Amerika Qwrama Ştattarınıñ Qazaqstandağı Tötenşe jäne ökiletti elşisi Uil'yam Mozerdi qabıldadı.

Elbası Nwrswltan Nazarbaev Uil'yam Mozerdi Qazaqstandağı diplomatiyalıq missiyasınıñ bastaluımen qwttıqtap, jauaptı qızmetiniñ tabıstı boluına niettestik bildirdi.

– Osı jıldar işinde biz AQŞ-pen özara tüsinistikke jäne dostıqqa negizdelgen qatınastar ornattıq. Qazaqstanğa AQŞ-tan qomaqtı investiciya keldi. 420 birlesken käsiporın jwmıs istep keledi. Meniñ Vaşingtonğa jasağan bıltırğı saparım, sonıñ ayasında Prezident Donal'd Tramppen jäne biznesmendermen bolğan kezdesuim ıntımaqtastığımızdı odan äri damıtuğa jağday jasadı, – dedi Qazaqstannıñ Twñğış Prezidenti.

Uil'yam Mozer Qazaqstanğa alğaş ret kelgendegi äseri turalı ayttı. AQŞ elşisi elordamız – Nwr-Swltan qalasın salu jäne tanıtu isindegi aytarlıqtay nätijege qısqa uaqıt işinde qol jetkizilgenin atap ötti.

Sonımen qatar, AQŞ elşisi U.Mozer Nwrswltan Nazarbaevqa Donal'd Tramptıñ hatın berdi. Onda AQŞ Prezidenti Elbasınıñ öz ökilettigin toqtatu jäne memleket basqaru isin sayasatkerlerdiñ jaña buınına beru turalı şeşimine qoldau bildiredi.

– Men Prezident Tramptıñ hatın aldım. Ol bizdiñ öñirdegi ahual turalı aldağı uaqıtta da menimen kezdesip, aqıldasıp otıruğa nietti ekenin jetkizdi. Donal'd Tramppen jaqsı qarım-qatınas ornadı. Men osınday baylanısta boluğa dayınmın. Biz üşin AQŞ mañızdı seriktes sanaladı. Osı jıldar işinde aramızda tek dostıq qatınastar boldı. Intımaqtastığımız jalğasa beredi dep senemin, – dedi Nwrswltan Nazarbaev.

Qazaqstan Respublikasınıñ Twñğış Prezidenti – Elbasınıñ
Baspasöz qızmeti 

Abai.kz

0 pikir