Jwma, 18 Qazan 2019
Sayasat 5093 41 pikir 16 Mamır, 2019 sağat 11:03

Bwl saylau halıqtıñ alıp küş ekenin körsetui kerek

Jigitter, eger sizder halıqtıñ janaşırımız, maqsatımız elimizde şın özgerister alıp bilik halıqtıñ pikirimen sanasatın  bolsın deseñder közderiñdi aşıp, kökirekteriñdi oyatıñdar. Öz ara körealmauşılıqtan, baqtalastıqtan, ataqqwmarlıqtan, ökpe – nazdan bir sätke ayığıp, bilikke halıqtıñ birligi alıp küş ekenin körsetu üşin barlığımız bir qatarda twrıp aldağı saylauğa qatısumız qajet ekenin wğayıq.  

Al, biz saylauğa barmaymız qarsımız dep küresten bas tartu – sayasi sauatsızdıq. Bwl halıqtıñ äljuaz älsizdigin, azamattardıñ sözi köp isi joq jigersiz ekenin, öz atağın ğana oylaytının, el işinde belsendi jwmıs istey almaytının ğana körsetedi. Öytkeni jwrt, osı ülken qate wranğa aldanıp saylauşılardıñ qırıq payızı saylauğa barmay qalsa, dauıstıñ wrlanuı boluı äbden mümkin. Osını wğu qajet.

Bwl jol – nağız halıqqa qarsı isteletin "provokatorlardıñ" jolı. Biz, aqılmenen wyısa jwmılıp, halıqtı belsendilikpen saylauğa  barıp özderiniñ közqarastarın saylauda aşıq, ayqın körsetuine ıqpal jasasaq qana bilikke halıqtıñ öz eliniñ iesi jäne alıp küş ekenin körsete alamız. Sonda ğana jalpı halıqtıñ jeñiske jetuine boladı. Biz birden jeñiske jetpesek te, bilik halıqpen sanasatın dauıs jinauımız qajet.

Qoğamda qalıptasıp qalğan üreyden qwtılayıq, jigerli qimıldayıq! Biz saylaudıñ şeşuşi kezeñi dauıs beru üderisine  qattı baqılau jasaudı wyımdastıra bilsek, bilikke halıqtıñ közqarasın jetkizetin ümitkerdi bir auızdan qolday bilsek, sonda ğana jeñis boladı. Sonda ğana señ qozğaladı. Barlıq jerdegi saylau ötkizetin jerde belsendi baqılauşılardı  wyımdastırumen qatar, qazirgi  damığan tehnika jetistikterin saylaudı baqılau jwmısına paydalanayıq.

Är saylauşı jeke kabinağa kirgende özi belgi qoyğan ümitkerdi körsetetin byuletendi qalta telefonına suretke tüsirip alıp otıruı qajet. Bwl äreket azamattardıñ dauısın wrlatpau üşin qajet. Olay isteuge bolmaydı degen zañ joq. Al, endi bas - basımızğa kösem saylap bölinip, birimiz – oyğa, birimiz – qırğa tartsaq, ol halıqtıñ aldındağı opasızdığımız boladı. Osını wğayıq. Ataq - madaq üşin özimizdi ğana "keremet" dep, al, özimizden basqalardı "anau satqın, mınau jaman" dep ümitkerlerdi ösektegenşe, erteñ halıq aldında masqara bolmaytın jaydı oylanayıq.

Kimniñ kim ekenin erteñ halıq özi bağalaydı. Wltımızdıñ keleşegin, namısın qorğaymın degen azamat jan – jaqtan aytılatın wran men ösekke män bermey öziniñ ar wyatına jüginui qajet. Sondıqtan aqılğa salıp kim halıqtıñ müddesin qorğay aladı sonı qoldayıq, wlt müddesi toptardıñ müddesin qorğaytın partiyalardıñ ügit – nasihatınan joğarı twradı osını wmıtpayıq. Al, şette jürgen «kösemder» men keybir ümitkerler saylaudağı halıqtıñ dauısın bölşekteumen wpay jinap halıqtıñ müddesine ziyan äkeluge bağıttalğanı ayan, sonı wğayıq.

Barlıqtarıñ sauattısıñdar, qarasañdarşı ukraindıqtardıñ täjiribesine qazirgi kezeñde eñ qajetti mäsele – halıqtıñ alıp küş ekenin körsetu. Bwnday jağday keyin tumauı mümkin, paydalanu qajet. Osı mümkinşilikti jiberip almayıq. Bwl keleşek üşin kerek qadam.

Oylanıñdar,  ağayındar!

Bolat Düysembi

Abai.kz

 

41 pikir