Songhy aitystarda Aybekting sózderi qalay bolsa solay kýzelip, "qúiryghy joq, jaly joq qúlan" qúsap sәni ketti.Oylarynyng "jalang ayaq balapan" tәrizdi, tabanynan syz ótip, әri men nәri ketti. Búghan kimdi kinәlaymyz. Biylikti me, biylikting qasy qabaghyn baqqan jaghympaz bisharalardy ma? Shynymen elimizde demokratiya qanatyn jayyp túrsa, shamyrqanghan uytty sózder aqynnyng auzymen aitylmaghanda qay jerde aitylady. Ol sózder nege halyqtyng qúlaghyna jetpey orta jolda "shógip qalady." Aduyndy Mahambet aqyly on atangha jýk bolar han Jәngirge nege kektendi? Bizding biluimizshe hangha baghynyshty súltandarmen, shonjarlar әdildikting aq jolynan tayyp, halyqpen sanasudy qoyyp, «ishkeni aldynda, ishpegeni artynda» baquatty tirshilik keship jatqan bolatyn. Osy kórip jýrgen yzaly aqyn: "Han emessing qasqyrsyn, qas albasty basqyrsyn. Dostaryng kelip tabalap, dúshpanyng seni basqa úrsyn" dep ashugha mindi emes pe? Al Aybek handy dattamasada birneshe ret dat aitty. Biraq sózine qúlaq týrgen jan barma tәiiri. Kózimen kórip túrghanyn sózimen qyzyna jetkizip biylik tarapynan "qarghys" alsada, san mәrte, halyqtan alghys alyp mereyi kóterildi. Aqiqattyng aldaspanyn qolynan tastamaghan aqynnyng eline aitary әli kóp eken. Álide jýrisinen janylmaghan taypalghan jorghanyng salmaqty, saliqaly qimylyna halyq kózayym boldy.

Songhy aitystarda Aybekting sózderi qalay bolsa solay kýzelip, "qúiryghy joq, jaly joq qúlan" qúsap sәni ketti.Oylarynyng "jalang ayaq balapan" tәrizdi, tabanynan syz ótip, әri men nәri ketti. Búghan kimdi kinәlaymyz. Biylikti me, biylikting qasy qabaghyn baqqan jaghympaz bisharalardy ma? Shynymen elimizde demokratiya qanatyn jayyp túrsa, shamyrqanghan uytty sózder aqynnyng auzymen aitylmaghanda qay jerde aitylady. Ol sózder nege halyqtyng qúlaghyna jetpey orta jolda "shógip qalady." Aduyndy Mahambet aqyly on atangha jýk bolar han Jәngirge nege kektendi? Bizding biluimizshe hangha baghynyshty súltandarmen, shonjarlar әdildikting aq jolynan tayyp, halyqpen sanasudy qoyyp, «ishkeni aldynda, ishpegeni artynda» baquatty tirshilik keship jatqan bolatyn. Osy kórip jýrgen yzaly aqyn: "Han emessing qasqyrsyn, qas albasty basqyrsyn. Dostaryng kelip tabalap, dúshpanyng seni basqa úrsyn" dep ashugha mindi emes pe? Al Aybek handy dattamasada birneshe ret dat aitty. Biraq sózine qúlaq týrgen jan barma tәiiri. Kózimen kórip túrghanyn sózimen qyzyna jetkizip biylik tarapynan "qarghys" alsada, san mәrte, halyqtan alghys alyp mereyi kóterildi. Aqiqattyng aldaspanyn qolynan tastamaghan aqynnyng eline aitary әli kóp eken. Álide jýrisinen janylmaghan taypalghan jorghanyng salmaqty, saliqaly qimylyna halyq kózayym boldy.

Keshe 19 mausym kýni, keshki saghat 19-da, Álibekov Meyirjan bauyrymyz "Jәdiger últtyq jobasy" ayasynda әnshi, termeshi, kýishi, jyrshylarmen kórkemdelgen jekpe-jek aitys úiymdastyrdy. «Jәdiger últtyq jobasynyn» túsauy kesilgenine de bir jylgha juyqtap qalghanyn aita ketuimiz kerek. Aytystyng basty qaharmandary Aybek Qaliyev pen Aqmaral Ileubaeva qara sózding sabasyn pisip, kýshine mingen besti qymyzday uytty oilarymen, "Jastar sarayyna" aqiqatqa shólirkep kelgen kórermenning shólin basty. Aytys negizi qayyn apa men kýieu balanyng arasynda órbigenimen, qyza kele bauyryn jazghan qos aqynnyng shabyt túlparynyng bauyrynda sayasatqa toly dýnie shyr kóbelek ainalyp jýre berdi. Aqyndardyng qoghamnyng әlsiz túsyn tap basyp, buyrqana tógilgen shumaqtaryn qyrnap alyp, kózi qaraqty oqyrmannyng talqysyna tastamaqpyz. Madaq pen maqtannan sharshaghan halyqtyng «Jastar sarayyna» aghyluy da kóp jaydy anghartsa kerek-ti. Aybek Qaliyev Astan halqymen amandasyp alghan son, jastyghynyng jaydarly shaghynyng osy qalada ótkenin saghyna esine alyp jyrgha qosty. Astanadan ketkenine ýsh jyldyng jýzi bolghanyn, sondyqtan búl jaqtaghy kóp jaydan beyhabar ekenin jyr shumaqtarymen órip әkelip, «apta sayyn qalada bolyp jatqan, Sammitterden sharshaghan bolarsyndar» dep jiylghan júrtty bir kýldirip aldy. Odan qarsylasy Aqmaral Ileubaevagha qarata:

"...Aybek qazir bolghanday dәl qyzyl may.

Ontýstikte bar edi otyz aqyn,

Barlyghy bir-bir ýiding jalghyzynday.

Olardan oza shauyp sen kelipsin,

Jelkildep suly jerding jalbyzynday.

Astanagha kelgening dúrys boldy,

"Shymkentting erte pisken qarbyzynday"- dep Aqmaraldy bir qaghytyp ótti. Aqmaralda óz kezeginde, aitysty tamashalaugha jinalghan halyqpen jarqyn esendesip alyp, Aybekke:«ontýstikke kýieu bolu qiyn, ol ýshin kóp syndardan ótuing kerek» dey kelip:

"Kýieu syilasyn ýidegi qayyn atasyn,

Qolyna dombyra ústap jýrgennen son,

Sýiegi joq qyzyl tildi sayratasyn,

Osy aitystyng ajaly Aybekten dep,

Jýrsin agham aitqanday oilantasyn.

Aybek sherin tarqatsyn dep kelip em,

Shәinektey otta túrghan qaynatasyn.

Kýieulerden barlyghy shyghyp jatyr,

Bilmeymin kimning soryn qaynatasyn" - dep aryndaghan Aybekke sap-sap degendey ynghay tanytty. Osy jerde Aybek :

"Jalpaqtap jatsaq-taghy jaqpaymyz-au,

Ontýstikting minezin úghu qiyn.

Kýieu bolghasyn bәrine shydaymyz ghoy,

Sondada kónilinen shyghu qiyn", dep әzilge oray jauap berdi. Ile shala

"Tanbaytyn jigit edim sertinen kóp,

Ómirden sayasatty keltirdim kóp.

Qaliyev Áliyevten mýlde bólek,

Jazyqsyz qan ishem dep jónkilgem joq.

Qayyn atamdy taghynan taydyram dep,

Jasyryn býlik jasap jelpingem joq.

Qazaqtyng qasqa manday jigitterin,

Taugha aparyp jasyryn óltirgem joq.

Qylmysym ashylghan song shetel asyp,

Qayyn atamdy jamandap serpilgem joq.

Aysúltanday úlymdy poliyseydin,

Tepkisine qaldyryp men ketkem joq.

Samauyryn men shay qoyyp bermesemde,

Qayyn júrtqa qiyanat keltirgem joq" dep әriden qayyrdy.

Osy jerge kelgende Aqmaral bylaysha tolghady:

"Aytary bólek Aybektin, aitugha jәne mindetti,

Aybek aitsa búl halyq, aqiqatshyl shyn depti.

Jetip jatqan eshkim joq, jetim jannan ýn ketti,

Qazyq qyp qaqqan qanmenen, qara jerden súr ketti.

Kójesi mayly qazannyn, ojauy bolyp til ketti.

Qalamúsh ústar qolyna, qaru ústap úl ketti".

Tәuelsizdik osy dep, tәubesizder shalqyp jýr.

Qara halyq beynetti arqasyna artyp jýr.

Almatyda jer tulap tózimin júrttyng sarqyp jýr,

El ishinde dýmpu kóp, odanda elim qorqyp jýr" - dep astarly sózben kóp jaydy sholyp ótti. Astanany jas qala dep maqtap kelip, qala kýnining jaqyndap qalghanyn tiline tiyek etti.

"...Astana dep maqtanam, Astana dep shattanam,

Qala kýni keledi Krutoysyz kýning joq,

Qazaqtyn ol kóshin bastaghan,

Kóshelering "Krutoy", sheteldikterdi maqtaghan.

Osynyng bәrin jasaghan,qayda barasyng Astanam" dep qonaqjay qazaqtyng jandy jerin qyrshyp aldy. Múny estigen Aybekting delebesi qozdy.

"Júrtyma aitam býgin sóz júbata,

"Key ister qylyp jatyr eldi qapa.

Keshe ghana Hu Jin Tao kelip ketti,

Onyda óz kózinmen kórdin, apa.

Kóship kelip iyger dep Qytaylargha,

Jobalap biraz jerdi berdik, apa.

Kýieu bala demekshi, Qytay kelse,

Basqasha atar edi kýnin, apa.

Aybekpen jylasyp kórisersin,

Shynayy búl sózime sengin, apa.

Qyrghiday tiyse qazaq qyzdaryna,

Qalyng malgha qattyraq bolghyn, apa.

Qara qytay qaptasa qysyq kózdi,

Kýieuge jariytúghyn boldyn, apa.

Bәiterekting basynda Samúryq jýr,

Ne bolghanyn týsinbey anyryp jýr.

Elordagha Qytaydyng basshysy kep,

Úlyq bitken ýdere shabylyp jýr.

Qytaygha jeti myng gektar jer berem dep,

Ýkimet etegine shalynyp jýr.

Elime qara qytay qaptady dep,

Biylik nege jýristen janylyp jýr.

Samúryq úya salghan Bәiterektin,

Dәl týbinde Aydahar naghylyp jýr" dep taghyda "shenberden" shyghyp ketti arqaly aqyn. Onymen qoymay

"Tauarym Qytaydan dep tútynatyn,

Jayym joq jerdi berip qútylatyn.

Múnayymdy bergenim az bolghanday,

Qadamgha bardyq taghy tútylatyn.

Aydahardy ortagha engizgen son

Aghayyn kýning taqau qúrtylatyn.

Alty basty aidahar jylan emes

Basyna airan qúiyp qútylatyn"- dep bir qauipting "iysin" sezetinin anghartty. Osy bir tapqyr sózge halyq biraz uaqyt qol shapalaqtap túryp aldy. Aybek aqyn osy jerde ghún kósemi Módege Qytay basqynshylarynyng jaushy jiberip, birinshi jýirik túlparyn súraghanda bergenin, ekinshi, súlu әielin qalaghanda taghy qoldaryn qaqpaghanyn, ýshinshi jer súraghanda ashugha mingenin mysal qylyp aityp ótti. Sózining sonynda Qytaygha osyny aitatyn han qayda dep bir qayyrdy.

Kezegi kelgende Aqmaralda qarap qalmady:

"Aytarym basqa bolmay túr, qosylmasam múnyna,

Qazaqtyng ghana jany ashyr qalyng orman úlyna.

Babalar myna dalany jatqa sirә qimaghan,

Aytar sózim kóp edi ishime býgin simaghan.

Tizginindi tartayyn el ýshin mende oilanam,

Jibersem eger erkine,

Senim artqan kýieu bala,

Birdeneni býldirip qoyama dep qinalam" dep qorqynyshyn jasyrmady.

Aybek búl aitysta oralmandar mәselesin de ainalyp ótpedi.

"...Shetelden kelip jatqan qandastardy,

Ishke tartyp bauyrmal bola almadyq.

Múnaymen, jerdi berip qytaylargha,

Ózimizdi ózimiz taghy aldadyq.

Tym qúrysa Qajyghúmar atamyzgha,

Týrmege tirisinde bara almadyq.

Alashtyng eng aqyrghy arysyna,

Qytaydan saugha súrap ala almadyq.

Elim dep eniregen esil erdin,

Sýiegin elge әkeltip qala almadyq.

Sýiegin elge әkelip qoymaq týgil,

Bir uys topyraqta sala almadyq"- degende dýrkirete qol soqqan halyqtyng rizashylyghyn sózben aityp jetkizu qiyn. Búl sózding astarynda «Qajyghúmarday atany azaptaghan qytaygha emeshegimiz ýzilerdey ne basymyzgha kýn tudy» degen yzgharly oidyng jatqanyn angharmau mýmkin emes.

Qytaydaghy bauyrlargha viza mәselesi asqynyp túrghanyn quatty jyrlarymen qamshylap ótken aqyn:-

"...Qytaylar emin erkin ótip jatyr,

Al bizding qazaqtargha jol basqa ma?"

Qyl kópirden óte sala elge kelip,

Salpandap jýgeredi әr qasqagha.

Eng birinshi kedergi tilding jayy,

Jaghdayyn aita almaydy "sary qasqagha".

Basar jer, barar tauy qalmaghasyn,

Qazaqqada qaraydy sәl jasqana

Oralmannyng kóbisi qoqysta jýr,

Túrghyzyp ap basyna kór baspana.

Qytaygha jer, qazaqqa kór bergenin,

Emes pe baryp túrghan nәn masqara.

Qazaqtyng sýiegine tanba salma,

Aytarym biyliktegi bar qasqagha"- dep, kóship kelgen qandastardyng óz elinde tentirep jýrip, shydamay qayta kóship ketip jatqandaryna qynjylatynyn bildirip ótti. Topyraqtan qazaq jasay almay jatqanda, keng baytaq dalanyng iyelerining toz-toz boluy qasiret dedi sóz orayynda. "Qasqyr sekildi óz jaramdy ózim jalap otyrmyn" dep bir serpilip alghan aqyn, shyndyqty aitu ýshin jat qylyqqa qadam basqan Hamit atamyzdyng qyzynda ondyrmady.

"...Alpysqa kep aljyghan Gýljan qúsap,

Tyr jalanash bolmasyn tirligimiz.

Qazaq, qazaq bolghaly dәl osynday,

Eshqashan kórmep edik bәleni biz.

Batystyng qansyghyna tansyq bolyp,

Búzylyp bara jatyr әdebimiz.

Osynday elikteu men solyqtaudan,

Kóp boldy kórip jýrgen әlegimiz.

Qazaghymnyng qyzdaryn jalanashtap,

Álemning jýldesinen dәmelimiz"- dep qoghamdaghy kelensiz oqighalardy bir sholyp shyqty.

Osy jerde Aqmaral:

"Aybekke qanday uәj teng kelmek jyr

Uysyna shyndyqty shengeldep jýr.

Has batyry, qazaqtyng qaharmany,

Hamit aqyn qyzy ýshin ólgen dep jýr.

«Kelin» degen kinony kórdinizder,

Bireuler sol kinogha erbendep jýr.

Ózimizding qarakóz key student,

Pornofilim týsirem dep ónmendep jýr.

Ker ketkenning zamany keldi me eken,

Talay adam shyndyqty kózge ilmey jýr.

Keyuana bolatyn jasqa kelgen,

Kempirler kóilek sheship kerdendep jýr"- dep Gýljan әpkesine degen ókpesin aqtaryp tastady. Búdan keyin Aybekting ýsh jýzding balasyna ortaq mәseleni kóterip jýrgenine, qansha shettetip jatsada nalymaytyn azamattyghyna rizashylyghyn jyryna qosty. Ábden maqtauyn kelistirgen son:

"Tәuelsizdik aitysyna sen kelmedin

Qazaqtyng múnyn aityp berer jerde.

Aybekting ózi aitty dep el shulasyn

Sebebin aityp bershi kórermenge"- dep súraq qoydy qarsylasyna.

Aybek:

"Jeltoqsan aitysyna kelmeding dep,

Jýrekti tyrnadyn-au tilimdelgen.

Qatty-qatty aitatyn bolghandyqtan,

Syzylyp qalyp jýrmin tizimderden.

Ótirik Astanagha jolatpay jýr,

Tilimning ashylyghyn búryn bilgen.

Men ózi saray aqyn emes edim,

Biylikke jaqyn jýrip kýnin kórgen.

Halqymnyng múnyn aityp men ótermin,

Tilimdi qyryqsada qyryq jerden"- dedi Aybek aqyn. Búl halyqpen birge jasasyp kele jatqan ayauly aqynnyng jýrekjardy sózi bolsa kerek-ti. Búdan әri biylikke qarata myna sózderdi qarsha boratty.

"Parlament pen ýkimet tildesedi,

Tildesip ózderinshe kýn keshedi.

Memleketting kemesin qayyrlatpay,

Ekeui eskekterin birge esedi.

Parlamentpen ýkimet qarap túrsan,

Bәibishe men toqalday kýn keshedi.

Qansha kýndes bolsada ekeuinin,

Qashanda týpki maqsat, birge esebi.

Syrt kózge kýndes bolyp kóringenmen,

Ekeui biraz jerde ýndesedi.

Kýieuining kónilin tabu ýshin,

Jaghynyp jautan-jautang kýn keshedi.

Qarapayym halyqpen sharuasy joq,

Týgendelse boldy tek týngi esebi"- degende halyqtyng keremet teneuge dýrkirete qol soqqany sonday "Jastar sarayy" quanyshtan tenselip túrdy. Myna shumaghyda óte әserli shyqty. Biylik basyndaghy jaghympazdardy synay kelip

"...Elbasyny qúdaymen qatar qoyyp,

Kýnahar tirlik jasap mysqyldaytyn.

Demokratiyanyng kókesi bizding elde,

Parlamenti preziydentke pysqyrmaytyn"- dep jәne bir týirep ótti. "

Elbasynyng qadirin ketirip jýr,

Jantyqtar teneymiz dep paghambargha" - deuining astaryna ýnilip kóriniz. Sonda kóp nәrsege qanygharynyz sózsiz.

Halyq sәl sayabyrsyghanda Aqmaralgha «Almatyda kesh ótkizipsin, sonda Kәrim (Mәsimov) kókeng bilegine altyn bilezik taghypty ghoy, sonyng mәnisin óz auzynnan estiyik halyqqa tarqatyp aityp bershi» dedi jyr shumaqtarymen tógildirip. Aqmaral: "Bir aitysta Múhtar Qúlmúhammet qazaqtyng jaqsy aqyn qyzyna tartuymyz dep moynyma alty alqa taqqan bolatyn dep, Mәsimovty aitpay jaltarghysy kelip edi, Aybek oghan:

"Mәsimovten alghanyna quanymyn,

Ishimde qyzghanysh joq baygha degen.

Ne bersede ala ber ýkimetten,

Dúshpannan týk tartsanda payda degen"- dep halyqty taghyda qyran topan kýlkining astyna qaldyrdy. Osylaysha qos aqyn bas bәige ýshin emes, halyqtyng qalauy ýshin aitysqandaryn dәleldep berdi. Eki aqynghada sonynda teng dәrejede syi-siyapat jasaldy. Bir qyzyghy demokratiyasy qaryshtap damyghan elimizding birde bir telearnasy jekpe-jek aitysty týsirip taratugha qúlyqsyzdyq tanytty. Ony aitasyz,sheneunikter aitysqa kelgenshe Reseyding әnshisine qúmartyp, baryn soghan shashyp "tektiligin" kórsetip jatatyny osy joly taghy bayqaldy. Ózimizding ziyaly qauymdy kóre almaghanymyz qabyrghamyzgha qatty batty.Bir ay boyy kóshe kóshede «ayqaylap» túrghan jarnamany oqymady deu qisyngha kelmes. Álde "bәleli jerge barmaghyndy súqpa" degen qaghidany ústandy ma eken. Eger últ janashyrlary sonday qadamgha barsa keleshegimiz búlynghyr, kók túman. Eng bastysy qos aqynda halyqtyng aldynda kórgen týigenderin "zyndan keudelerinen" shygharyp bir jenildep qaldy. Aqyndargha odan artyq jenildik joq shyghar myna jalghanda.

Astana.