Jeksenbi, 15 Qırküyek 2019
Aymaq 1456 0 pikir 4 Mausım, 2019 sağat 18:02

Qızılordada memlekettik rämizder wlıqtaldı

Sır bas şaharında Memlekettik rämizder alleyasında «Memlekettik rämizder – wlt maqtanışı» attı oblıstıq patriottıq şara ötti, - dep habarlaydı Abay-aqparat.

Saltanattı şarağa oblıs äkimi Q.Köşerbaev, oblıs äkiminiñ orınbasarları, memlekettik mekemeler basşıları, aymaqtağı ziyalı qauım ökilderi, ardagerler, etnomädeni birlestik ökilderi, äskeri qızmetkerler, sayasi partiya, ükimettik emes wyım müşeleri, olimpiada jäne sport salasınıñ jeñimpazdarı, BAQ ökilderi, belsendi jastar qatıstı.

– Memleket märtebesin ayqındaytın negizgi qwndılıqtar men wstanımdar tarih tolqınında şıñdalıp, uaqıt tezine tötep beretin därejege köterilu arqılı qalıptasatını belgili. Bwl rette memlekettik rämizderimiz – Tu, Eltañba, Gimn bir sätte ğayıptan payda bolmay, san ğasırlardı artta qaldırıp, bekidi. Rämizder – Qazaqstan degen derbes memlekettiñ älem kartasında bar ekeniniñ biregey belgisi. Elimizdiñ Twñğış Prezidenti, Elbası Nwrswltan Äbişwlı Nazarbaev aytqanday: "Memlekettik rämizder – halqımızdıñ ruhın, wlttıq sanasın, qaharmandığı men danalığın, bolaşaqqa degen ümitin, arman-tilegin jetkizetin erekşe qwndı belgiler, - dedi oblıs äkimi Qırımbek Eleuwlı.

Sonday-aq, şara ayasın är salada jemisti eñbek etip jürgen birqatar mamandar marapat törinen körindi. Atap aytqanda, Qazalı audandıq auruhanasınıñ neyrohirurgi Baspaev Kenesarı, Bokstan Qazaqstan Respublikası wlttıq qwrama komandasınıñ müşesi, sport şeberi Twrsınbay Qwlahmet, Oblıstıq «Erlik» üylestiru keñesiniñ jäne Auğan jäne jergilikti soğıs ardagerleri odağınıñ törağası, Baymahanov Qayraddin, Qazalı audandıq işki sayasat böliminiñ mamanı Ahmetov Marğwlan, şahmattan oquşılar arasındağı Älem çempionı Nwrğali Nazerke jäne Qızılorda qalasındağı №2 «Mwrager» mektebiniñ 11-sınıp oquşısı Demidenko Evgeniy, Jasöspirimder arasında dzyudodan Qazaqstan Respublikasınıñ 3 dürkin çempionı Tileumwratova Diana Aymırzaqızı marapattaldı.

– Biz, Sır öñiriniñ sportşıları Älemdik sporttıq arenalarda kök tuımızdı jelbiretip, memlekettik gimnimizdiñ şırqaluına bar küş-jigerimizdi ayamaymız. Mümkindiginşe bizge sengen elimizdiñ senimin aqtauğa tırısamız. Sonıñ arqasında elimiz sporttıq derjavağa aynaldı. Aldağı uaqıtta da jeñis twğırınan körinip, elimizdiñ kök tuın kökte jelbiretuge uäde beremin, – dedi sportşı N.Nwrğali.

Qazaqstan Respublikası Memlekettik rämizderiniñ qabıldanğanına 27 jıl toldı. Sonımen qatar mereyli mereke oblıs köleminde de atalıp ötildi.

Abai.kz

0 pikir