Senbi, 20 Şilde 2019
1579 9 pikir 6 Mausım, 2019 sağat 13:45

Bilim jäne ğılım vice-ministri El'mira Suhanberdieva eki ayğa qamaldı

Astana qalalıq mamandandırılğan audanaralıq tergeu sotı 5 mausımda Qazaqstan bilim jäne ğılım ministriniñ orınbasarı El'mira Suhanberdievanı eki ayğa qamau turalı sot şeşim şığardı.

Bwl aqparattı Astana qalalıq sotınıñ baspasöz qızmeti habarladı. Suhanberdieva qazir Nwr-Swltandağı EC-166/1 izolyatorında qamauda otır.

5 mausımda jergilikti aqparat agenttikteri jemqorlıqqa qarsı is-qimıl wlttıq byurosınıñ bilim jäne ğılım ministriniñ orınbasarı El'mira Suhanberdievağa qatıstı sotqa deyingi tergeu amaldarı jürip jatqanın habarlağan. Şeneunikke naqtı qanday ayıp tağılıp otırğanı äzirge belgisiz.

Memlekettik baspasözdiñ jazuınşa, El'mira Suhanberdieva 2016 jıldıñ säuiri men 2017 jıldıñ tamızı aralığında bilim jäne ğılım ministriniñ orınbasarı bolıp qızmet atqarğan. 2017 jılğı tamız ayında "Bolaşaq" stipendiyasınıñ iegeri atanğan. Berkli universitetinen şaqıru qağazı bolğan. 2018 jıldıñ qırküyek ayında bilim jäne ğılım ministriniñ orınbasarı qızmetine qayta oralğan.

Abai.kz

9 pikir