سەنبى, 14 جەلتوقسان 2019
1808 9 پىكىر 6 ماۋسىم, 2019 ساعات 13:45

ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا ەكى ايعا قامالدى

استانا قالالىق مامانداندىرىلعان اۋدانارالىق تەرگەۋ سوتى 5 ماۋسىمدا قازاقستان ءبىلىم جانە عىلىم ءمينيسترىنىڭ ورىنباسارى ەلميرا سۋحانبەرديەۆانى ەكى ايعا قاماۋ تۋرالى سوت شەشىم شىعاردى.

بۇل اقپاراتتى استانا قالالىق سوتىنىڭ ءباسپاسوز قىزمەتى حابارلادى. سۋحانبەرديەۆا قازىر نۇر-سۇلتانداعى ەتس-166/1 يزولياتورىندا قاماۋدا وتىر.

5 ماۋسىمدا جەرگىلىكتى اقپارات اگەنتتىكتەرى جەمقورلىققا قارسى ءىس-قيمىل ۇلتتىق بيۋروسىنىڭ ءبىلىم جانە عىلىم ءمينيسترىنىڭ ورىنباسارى ەلميرا سۋحانبەرديەۆاعا قاتىستى سوتقا دەيىنگى تەرگەۋ امالدارى ءجۇرىپ جاتقانىن حابارلاعان. شەنەۋنىككە ناقتى قانداي ايىپ تاعىلىپ وتىرعانى ازىرگە بەلگىسىز.

مەملەكەتتىك ءباسپاسوزدىڭ جازۋىنشا، ەلميرا سۋحانبەرديەۆا 2016 جىلدىڭ ءساۋىرى مەن 2017 جىلدىڭ تامىزى ارالىعىندا ءبىلىم جانە عىلىم ءمينيسترىنىڭ ورىنباسارى بولىپ قىزمەت اتقارعان. 2017 جىلعى تامىز ايىندا "بولاشاق" ستيپەندياسىنىڭ يەگەرى اتانعان. بەركلي ۋنيۆەرسيتەتىنەن شاقىرۋ قاعازى بولعان. 2018 جىلدىڭ قىركۇيەك ايىندا ءبىلىم جانە عىلىم ءمينيسترىنىڭ ورىنباسارى قىزمەتىنە قايتا ورالعان.

Abai.kz

9 پىكىر