Jwma, 20 Qırküyek 2019
1488 2 pikir 7 Mausım, 2019 sağat 14:01

OSK saylau qarsañında memlekettik ortalıqqa ğana saualnama jürgizuge rwqsat berdi

Qazaqstannıñ qazirgi prezidenti Qasım-Jomart Toqaev saylauşılardıñ keñ qoldauına ie delingen "Jastar" memlekettik ğılımi-zertteu ortalığı jürgizgen saualnamada.

Biraq eldegi adam qwqıqtarın qorğauşılar men belsendiler saualnama nätijesine kümänmen qarap otır. Ortalıq saylau komissiyası osı mekemege ğana saylau qarsañında saualnama, bwğan qosa ekzit-poll jürgizuge rwqsat berdi.

"Jastar" ğılımi-zertteu ortalığı altı jıl bwrın elbası Nwrswltan Nazarbaevtıñ nwsqauımen aşılğan. Onıñ bastı qızmeti – jastarğa qatıstı äleumettik zertteu jürgizu. Ortalıq direktorınıñ aytuınşa, bwl jolı OSK mekemee saylau qarsañında saualnama jürgizuge rwqsat berdi. Talğat Qaliev zertteuge qajetti qarajattı memleket emes, qoğamdıq wyım bölgenin ayttı.

"Saual qoyuşığa kvota belgilendi. Ol 50 "äyel, 50 er azamattan jauap aladı. Sosın jas erekşeligi, äleumettik tobı, wltı jäne tili eskeriledi", - dedi Qaliev.

Ortalıq saualnama qağazın körsetuden bas tarttı. Mekeme boljamı boyınşa, Toqaev saylau nauqanında alda keledi. Odan keyingi Ämirjan Qosanov ta qalğan bes kandidattan äldeqayda ozıp twr.

Ortalıq basşısı bwl zertteuge Qazaqstannıñ türli aymaqtarınan şamamen 7000 azamat qatısqanın ayttı.

Bwnıñ aldında öz erkimen saualnama jürgizgenderge ayıppwl salınğan edi. Sonıñ biri – Transparency Kazakhstan qoğamdıq qorınıñ basşısı Marat Şibutov. Ol onlayn-saual qoyğanı üşin şamamen 100 dollar ayıppwl töleydi. "Onlayn-saualdı saualnamağa jatqızuğa bolmaydı. Onı bwğan deyin de jürgizgenbiz. Bwl saylauda bäri basqaşa. Men saualdı özime qızıq bolğan üşin qoydım", – dedi Şibutov.

Täuelsiz sayasatkerler elde bir ğana wyımnıñ saylau barısında saualnama jürgizuin "jalğan reyting" tehnologiyası dep atadı.

Abai.kz

2 pikir