سەنبى, 21 قىركۇيەك 2019
1491 2 پىكىر 7 ماۋسىم, 2019 ساعات 14:01

وسك سايلاۋ قارساڭىندا مەملەكەتتىك ورتالىققا عانا ساۋالناما جۇرگىزۋگە رۇقسات بەردى

قازاقستاننىڭ قازىرگى پرەزيدەنتى قاسىم-جومارت توقاەۆ سايلاۋشىلاردىڭ كەڭ قولداۋىنا يە دەلىنگەن "جاستار" مەملەكەتتىك عىلىمي-زەرتتەۋ ورتالىعى جۇرگىزگەن ساۋالنامادا.

بىراق ەلدەگى ادام قۇقىقتارىن قورعاۋشىلار مەن بەلسەندىلەر ساۋالناما ناتيجەسىنە كۇمانمەن قاراپ وتىر. ورتالىق سايلاۋ كوميسسياسى وسى مەكەمەگە عانا سايلاۋ قارساڭىندا ساۋالناما، بۇعان قوسا ەكزيت-پولل جۇرگىزۋگە رۇقسات بەردى.

"جاستار" عىلىمي-زەرتتەۋ ورتالىعى التى جىل بۇرىن ەلباسى نۇرسۇلتان نازارباەۆتىڭ نۇسقاۋىمەن اشىلعان. ونىڭ باستى قىزمەتى – جاستارعا قاتىستى الەۋمەتتىك زەرتتەۋ جۇرگىزۋ. ورتالىق ديرەكتورىنىڭ ايتۋىنشا، بۇل جولى وسك مەكەمەە سايلاۋ قارساڭىندا ساۋالناما جۇرگىزۋگە رۇقسات بەردى. تالعات قاليەۆ زەرتتەۋگە قاجەتتى قاراجاتتى مەملەكەت ەمەس، قوعامدىق ۇيىم بولگەنىن ايتتى.

"ساۋال قويۋشىعا كۆوتا بەلگىلەندى. ول 50 "ايەل، 50 ەر ازاماتتان جاۋاپ الادى. سوسىن جاس ەرەكشەلىگى، الەۋمەتتىك توبى، ۇلتى جانە ءتىلى ەسكەرىلەدى", - دەدى قاليەۆ.

ورتالىق ساۋالناما قاعازىن كورسەتۋدەن باس تارتتى. مەكەمە بولجامى بويىنشا، توقاەۆ سايلاۋ ناۋقانىندا الدا كەلەدى. ودان كەيىنگى ءامىرجان قوسانوۆ تا قالعان بەس كانديداتتان الدەقايدا وزىپ تۇر.

ورتالىق باسشىسى بۇل زەرتتەۋگە قازاقستاننىڭ ءتۇرلى ايماقتارىنان شامامەن 7000 ازامات قاتىسقانىن ايتتى.

بۇنىڭ الدىندا ءوز ەركىمەن ساۋالناما جۇرگىزگەندەرگە ايىپپۇل سالىنعان ەدى. سونىڭ ءبىرى – Transparency Kazakhstan قوعامدىق قورىنىڭ باسشىسى مارات شيبۋتوۆ. ول ونلاين-ساۋال قويعانى ءۇشىن شامامەن 100 دوللار ايىپپۇل تولەيدى. "ونلاين-ساۋالدى ساۋالناماعا جاتقىزۋعا بولمايدى. ونى بۇعان دەيىن دە جۇرگىزگەنبىز. بۇل سايلاۋدا ءبارى باسقاشا. مەن ساۋالدى وزىمە قىزىق بولعان ءۇشىن قويدىم", – دەدى شيبۋتوۆ.

تاۋەلسىز ساياساتكەرلەر ەلدە ءبىر عانا ۇيىمنىڭ سايلاۋ بارىسىندا ساۋالناما جۇرگىزۋىن "جالعان رەيتينگ" تەحنولوگياسى دەپ اتادى.

Abai.kz

2 پىكىر