Seysenbi, 25 Mausım 2019
694 0 pikir 11 Mausım, 2019 sağat 12:46

5 aydıñ qorıtındısı boyınşa JİÖ oñ qarqını saqtalğan

Bügin QR Prem'er-Ministri Asqar Maminniñ törağalığımen ötken Ükimet otırısı ayasında biılğı qañtar–mamır aralığındağı Qazaqstan Respublikasınıñ äleumettik-ekonomikalıq damuınıñ jäne respublikalıq byudjettiñ orındaluınıñ qorıtındıları qaraldı.

QR wlttıq ekonomika ministri R. Dälenov biılğı qañtar–mamır aralığında JİÖ oñ qarqını saqtalğanın — ösim  4% qwrağanın ayttı.

«Investiciyalardıñ dinamikası JİÖ ösim qarqınınan joğarı. Osı jıldıñ 4 ayındağı 6,7%-ğa qarağanda, ösim 7,8%-ğa deyin arttı. Auıl şaruaşılığında jäne qwrılıs salasında investiciyalar bir jarım ese östi. Önerkäsipte investiciyalar 17,5% -ğa östi», — dedi R. Dälenov.

Önerkäsiptik öndiris biılğı qañtar–mamır aylarında 2%-ğa arttı. Qwrılıs salasında jedeldeu bayqaladı. 5 aydıñ işinde ösim 8,8% jetti. Önerkäsiptik ob'ektilerdi, avtokölik joldarın, gaz qwbırların salu jwmıstarı, sonday-aq iri zauıttardağı qwrılıs-montaj jwmıstarı wlğaydı.

Auıl şaruaşılığında twraqtı ösim bayqaladı. Öndiris kölemi 3,7% arttı.

Qızmet körsetu salasında jedeldeu bayqaladı. Esepti kezeñde bwl sala qañtar-säuir aylarındağı 4,2%-ğa qarağanda 4,7%-ğa östi. Atalğan sektordıñ barlıq salalarında dinamikanıñ jedeldegeni bayqaladı. Qızmetter segmentinde sauda eñ joğarı ösimdi körsetedi. Satılımdar kölemi 5 ayda 7,5%-ğa östi. Bwl negizinen avtokölik qwraldarın, avto bölşekterdi jäne mwnay önimderin satu köleminiñ artuımen baylanıstı. Kölik salasında 5,3%-ğa deyin jedeldeu belgilengen.

QR Wlttıq bankiniñ törağası E. Dosaev osı jıldıñ mamır ayındağı aylıq inflyaciyanıñ 0,6% qwrağanın atap ötti. Inflyaciya jıldıq körsetkişte — 5,3%. Wlttıq banktiñ boljamdarına säykes, inflyaciya 2019–2020 jıldarğa belgilengen 4-6% naqtılanğan maqsattı däliz şeginde saqtaladı. Teñgeniñ ayırbas bağamı 2018 jıldıñ soñındağı deñgeyde saqtaldı.

Tüpnwsqa: primeminister.kz

Abai.kz

0 pikir